2 Koríntius 4:4 - BIBLIA - traduson antigu in Krioulo

⁴ Deus de mundu i sega ntindimentu di kilis ku ka ta fia, pa tuji elis oja lus ku na lampra riba delis, ki lus ku bin di Bon Noba di gloria di Kristu, kil ku, na bardadi, i parsensa di Deus.

2 Koríntius 4:4 ပူးပေါင်းရင်းမြစ်များ

1 Reis 22:22

I fala: ‘N na bai sedu spiritu di mintida na boka di tudu anunsiaduris di Akab.’ I falal: ‘Bu na pudi nganal. Bai fasil.’

Salmus 50:2

Deus na numia di Sion, ki prasa pirfitu na si bonitasku.

Isaias 6:10

Bidanta se korson pa i risu, bu pui se oreja pa i surdu, bu fica elis uju, pa ka e bin oja ku uju, nin pa e obi ku se oreja, nin pa e ntindi na se korson, e riba pa mi, pa N kura elis.”

Mateus 13:22

Kil ku sumiadu na metadi di fidida, es i si sintidu: i kil ku ta obi palabra, ma i ta kuda ciu na kusa de mundu; rikesa ta nganal. Tudu e kusas ta perta palabra, e ta tujil padi frutu.

Bon Noba di Jesus Kristu ku Jon 1:14

Kil ki Palabra i bida omi; i mora na no metadi, incidu di grasa ku bardadi. No oja si gloria, ku seduba gloria di ki un Fiju son di si Pape.

Bon Noba di Jesus Kristu ku Jon 1:18

Te aos ningin ka oja Deus; si Fiju un son ku sta juntu ku si Pape i pui pa no kunsil.

Bon Noba di Jesus Kristu ku Jon 12:31

Tempu ciga pa julgamentu de mundu. Gosi ŝef de mundu na serkadu fora.

Bon Noba di Jesus Kristu ku Jon 12:35

Jesus fala elis: “Lus inda sta ku bos pa puku tempu; bo yanda nkuantu bo tene lus, pa sukuru ka paña bos, pabia kin ku ta yanda na sukuru ka ta sibi pa nunde ki na bai nel.

Bon Noba di Jesus Kristu ku Jon 12:40

“I sega elis uju; i tapa elis ntindimentu, pa e ka pudi oja ku uju, nin pa e ntindi na kabesa, nin pa e riba pa mi Deus, pa N kura elis.”

Bon Noba di Jesus Kristu ku Jon 12:45

Kin ku ojan, i oja kil ku mandan.

Bon Noba di Jesus Kristu ku Jon 14:30

N ka na papia ciu ku bos, pabia ŝef de mundu pertu ja; i ka tene nada riba di mi.

Bon Noba di Jesus Kristu ku Jon 15:24

Si N ka fasiba e kusas na se metadi ku nunka ningin ka fasi, e ta tenba diskulpa na se pekadu, ma gosi e oja kil ku N fasi, e nfastian, ami ku ña Pape.

Bon Noba di Jesus Kristu ku Jon 16:11

i na mostra elis ke ki juisu pabia ŝef de mundu sta ja julgadu.

Bon Noba di Jesus Kristu ku Jon 8:12

Jesus torna papia ku jinti, i fala: “Ami i lus di mundu; kin ku ta sigin ka ta yanda na sukuru, ma i ta tene lus di vida.”

Atus 26:18

pa bu yabri se uju, pa bu pui elis pa e konverti di sukuru pa lus, di puder di Satanas pa Deus, pa e pudi ten fe na mi, pa se pekadu purdadu, e risibi yardansa na metadi di kilis ku Deus santifika.’

Atus 26:23

kuma Mesias dibi di sufri, i ta sedu purmeru ku na lanta di mortu, pa i konta e pobu li aserka di lus, suma tambi jintius.”

1 Koríntius 10:20

Nau! Ke ku N na fala: Kusa ku jinti ki ka di Deus sakrifika i pa dimoniu, i ka pa Deus. N ka misti pa bo toma parti ku dimoniu.

2 Koríntius 2:11

pabia no sibi kal ki si planu mau.

2 Koríntius 2:12

Oca ku N ciga Troas pa konta Bon Noba di Kristu, N oja kuma Siñor yabriba kamiñu pa N tarbaja la.

2 Koríntius 3:11

Si kil ku ka tarda ciu i tenba gloria, kuma ku kil ku ka na kaba ka na ten gloria mas ciu?

2 Koríntius 3:14

Se ntindimentu staba ficadu, pabia, te aos, se ntindimentu sta kubridu ku ki mesmu veu ora ku libru di Beju Testamentu leidu; son Kristu ku pudi kaba ku ki veu.

2 Koríntius 3:18

Anos tudu ku rostu diskubertu, suma un spiju, no ta mostra gloria di Siñor. Asin Siñor, ku sedu Spiritu, i ta transformanu di un gloria pa utru mas garandi, tok no ta tene si parsensa.

2 Koríntius 4:6

Deus, ku fala pa lus lampra na sukuru, i mesmu Deus ku fasi si lus lampra na no korson, pa tisinu kuñisimentu di gloria di Deus ku na lampra na rostu di Jesus Kristu.

Gálatas 1:4

Pa libertanu de tempu mau ku no sta nel, Kristu da si vida pa no pekadu, suma ku Deus no Pape mistiba,

Efésius 2:2

Na ki tempu bo na sigiba mau kamiñu di mundu; bo ta obdisiba ŝef ku ta manda riba di puderis spiritual di ar, spiritu ku na manda te gosi na jinti ku ta disobdisi Deus.

Efésius 6:12

pabia no ka na geria kontra jinti, ma kontra garandi puderis ku otridadis ku ŝefis sataniku ku ta manda ne mundu sukuru, ku forsa spiritual di mal na mundu selestial.

Filipensis 2:6

“Sempri i teneba naturesa di Deus, ma i ka kuda kuma i dibi di buska sedu igual ku Deus a forsa.

Kolosensis 1:15

Kristu i parsensa di ki Deus ku ka ta ojadu; i purmeru Fiju ku sta riba di tudu kriason.

Kolosensis 1:27

Vontadi di Deus i pa si pobu sibi kuma e sigridu i riku, i gloriosu na metadi di jintius. Sigridu i es: Kristu na bos, speransa di gloria.

1 Timótiu 1:11

ku sta na Bon Noba di Deus gloriosu ku mersi ngabadu, ki Bon Noba ki dan pa N konta.

Titu 2:13

kontra no na pera ki dia alegri ku no pui no speransa nel, ku gloria di no garandi Deus Salbadur, Jesus Kristu, na parsi.

Ebreus 1:3

I el ku sedu briliu di gloria di Deus, ku si parsensa sertu; el ku nguenta tudu kusa ku puder di si palabra. Dipus di da si vida pa yangasa limpesa di no pekadu, i sinta na mon direita di garandi Rei na seu.

Ebreus 6:4

Kilis ku ciga di risibi lus di Deus, ku sinti gustu ja di kil ku Deus danu di seu, ku toma parti na Spiritu Santu,

2 Pedru 1:19

Asin no ten inda mas fiansa na palabra ku anunsiaduris fala. I bon pa bo pui sintidu nel, pabia i suma lus ku na numia na kau sukuru, tok sol mansi, strela di parmaña parsi na bo korson.

1 Jon 2:11

ma kil ku nfastia si ermon i sta na sukuru; i na yanda na sukuru; i ka sibi nunde ki na bai, pabia sukuru segal uju.

1 Jon 2:8

Kontudu e mandamentu ku N na skirbi bos i nobu, si bardadi i ta ojadu na Kristu, tambi na bos, pabia sukuru na bai; lus di bardadi na numia.

1 Jon 5:19

No sibi kuma no sedu di Deus, ma tudu mundu sta bas di puder di ki malvadu.