2 Koríntius 3:5 - BIBLIA - traduson antigu in Krioulo

⁵ I ka ten nada na nos ku ta punu pa no fala kuma no sedu kapas di fasi kualker kusa. Puder ku no ten i ta bin di Deus.

2 Koríntius 3:5 ပူးပေါင်းရင်းမြစ်များ

Kumsada 41:16

José ruspundi Faraó: “Es i ka sta na mi, ma Deus na da Faraó un rasposta di pas.”

2 Kronikas 30:12

Deus staba ku jintis di Judá, i da elis un korson son, pa e obdisi ordi ku rei ku ŝefis da konformi palabra di SIÑOR.

Lukas 21:15

pabia N na da bos palabra ku jiresa ku nin un di bo inimigus ka na pudi firma ku bos, nin i ka na pudi bati bos na palabra.

Lukas 24:49

Ami N na manda riba di bos kil ku ña Pape fala i na da. Bo fika na prasa di Jerusalen tok puder di seu bin riba di bos.”

Bon Noba di Jesus Kristu ku Jon 15:5

“Ami i suma pe di uva, abos i ramus. Kin ku sta na mi, ami N sta nel, i ta padi frutu ciu, pabia sin mi bo ka pudi fasi nada.

Romanus 15:18

N ka na osa fala nada, son kil ku Kristu fasi atraves di ña mon, palabra ki dan pa N fala, ku kil ku N fasi ku puder di sinal ku milagri, na puder di Spiritu di Deus, pa jintius pudi obdisi Deus. Asin N kumsa na Jerusalen, N da volta tok N ciga na Ilíriku, N kaba konta Bon Noba di Kristu.

1 Koríntius 15:10

ma fabur di Deus fasin kil ku N sedu. Deus ka dan e fabur sin purbitu, pabia N tarbaja mas di ki elis tudu. Ma i ka ami; i fabur di Deus ku na tarbaja ku mi.

1 Koríntius 3:10

Ku don ku Deus dan, N tarbaja suma mestre di pedreru jiru. N pui alisersu; utru na kumpu kasa riba del. Kada kin jubi kuma ki na kumpu riba del,

1 Koríntius 3:6

Ami N paranta, Apolu regua, ma i Deus ku fasil kirsi.

2 Koríntius 12:9

ma i falan kuma si grasa justan, pabia si puder i ta mas sta kompletu si N sta fraku. Asin, N ta kontenti pa njata na ña frakesa, pa puder di Kristu pudi sta riba di mi.

2 Koríntius 2:16

Pa kilis ku na pirdi i suma un ceru fedi ku ta mata, ma pa kilis ku na salba i un purfumu di saudi ku ta da vida. Kin ki kapas pa e tarbaju li?

2 Koríntius 4:7

Anos no tene e rikesa na vasu di lama, pa mostra kuma garandesa di puder i di Deus, i ka di nos.

Filipensis 2:13

pabia i Deus ku ta tarbaja na bos pa da bos diseẑu ku puder pa kumpri si bon vontadi.

Filipensis 4:13

N ten forsa pa tudu kusa pabia di Kristu ku ta dan puder.

2 Timótiu 2:2

Bu obi ña nsinamentu dianti di manga di tustumuña. Da ki nsinamentu pa omis fiel, ku sedu kapas tambi di nsina utrus.

Tiagu 1:17

Tudu bon pursenti ku tudu kusa diritu ku no patidu, i bin di riba; i disi di Pape, dunu di lus di seu, ku ka ta muda, ku ka tene sombra.