2 Koríntius 2:12 - BIBLIA - traduson antigu in Krioulo

¹² Oca ku N ciga Troas pa konta Bon Noba di Kristu, N oja kuma Siñor yabriba kamiñu pa N tarbaja la.

2 Koríntius 2:12 ပူးပေါင်းရင်းမြစ်များ

Atus 14:27

Oca ke ciga, e junta jinti di igreẑa, e konta garandi kusas ku Deus fasi pa se mon, manera ki yabri porta di fe pa jintius.

Atus 16:11

No mbarka na Troas, no bai diritu pa Samotrásia. Sol mansi, no ciga Neápolis.

Atus 16:8

E pasa na Mísia, e ciga na Troas.

Atus 20:8

Na ki sobradi nunde ku no junta i tenba manga di kanderu.

Romanus 1:1

Ami Paulu, servu di Kristu Jesus, comadu pa sedu apostolu, separadu pa prega Bon Noba di Deus, N na skirbi pa bos na Roma.

1 Koríntius 16:9

pabia porta yabri pa no fasi tarbaju di garandi purbitu, ma i ten manga di inimigu.

1 Koríntius 9:12

Si utrus ten diritu di pera e kusa di bos, anos tambi no ka ten mas diritu? Ma anos, nunka no ka purbita de diritu. Pa kontrariu, no nguenta tudu pa ka no pui mpidimentu na Bon Noba di Kristu.

1 Koríntius 9:14

Asin tambi Siñor manda pa kilis ku na konta Bon Noba pa e sustentadu nel.

1 Koríntius 9:16

Si N na konta Bon Noba, N ka ten roson di njata, pabia N sinti obrigason pa fasil. Ai di mi si N ka konta e Bon Noba!

2 Koríntius 10:14

Suma ku bo sta dentru de marka, no ka pasantal oca no ciga nunde bos pa konta Bon Noba di Kristu.

2 Koríntius 11:4

pabia si algin bin, i konta bos aserka di utru Jesus fora di kil ku no konta aserka del, o si bo risibi utru spiritu fora di kil ku bo risibi ja, o utru Bon Noba ku ka juntu ku kil ku bo seta ja, bo ta ngulil ku kontentamentu!

2 Koríntius 11:7

Nta es i seduba ña kulpa suma ku N ka kobra bos pa konta Bon Noba di Deus, ma N baŝa ña kabesa pa N pudi lantanda bos?

2 Koríntius 4:3

Si Bon Noba ku no na konta sta kubridu, i son pa kilis ku na pirdi ki sta.

2 Koríntius 4:4

Deus de mundu i sega ntindimentu di kilis ku ka ta fia, pa tuji elis oja lus ku na lampra riba delis, ki lus ku bin di Bon Noba di gloria di Kristu, kil ku, na bardadi, i parsensa di Deus.

2 Koríntius 8:18

Juntu ku el no na manda un ermon di garandi rispitu na tudu igreẑa, pabia di konta Bon Noba.

2 Koríntius 9:13

E tarbaju ta proba kuma, na bardadi, bo ta obdisi Bon Noba di Kristu; i ka son setal ku boka. Pabia di kila, e ta glorifika Deus; e ta glorifikal tambi pa ki garandi oferta ku bo manda pa elis ku tudu jinti.

Kolosensis 4:3

Bo ora tambi pa nos, pa Deus pudi yabrinu porta pa no konta si palabra, tambi no fala di sigridu di Kristu. I pabia de palabra ku manda N sta prezu.

1 Tesalonisensis 3:2

no manda Timótiu, no ermon ku tarbaja pa Deus juntu ku nos na anunsia Bon Noba di Kristu, pa da bos animu, pa bo fika firmi na bo fe,