2 Koríntius 13:11 - BIBLIA - traduson antigu in Krioulo

¹¹ Mbon ermons, N na dispidi bos. Bo kontenti, bo sedu pirfitu, bo seta ña pididu, bo konkorda ku ŋutru, bo vivi na pas. Deus di amor ku ta da pas i ta sta ku bos.

2 Koríntius 13:11 ပူးပေါင်းရင်းမြစ်များ

Kumsada 37:4

Oca si ermons oja kuma se pape amal mas di ki elis tudu, e disgosta del; e ka pudiba ja papia ku el ku pas.

Kumsada 45:24

I dispidi si ermons. Oca ke na bai i fala elis: “Ka bo bai jusia na kamiñu.”

Mateus 1:23

“Un bajuda na bin preña, i na padi un fiju macu ku na comadu Emanuel,” ku sedu: “Deus sta ku nos.”

Mateus 5:48

Bo sedu pirfitu suma bo Pape ku sta na seu.

Markus 10:49

Jesus para, i fala elis pa e comal. E bai comal, e falal: “Ten koraẑen; lanta, i na comau.”

Markus 9:50

Sal i bon, ma si i pirdi si gustu, ku ke ku bo na pul mas pa i salga? Bo tene sal na bo vida, pa bo sta ku ŋutru na pas.”

Lukas 9:61

Utru omi falal: “Siñor, ami N na bai ku bo, ma disan purmeru N bai dispidi jinti di ña kasa.”

Bon Noba di Jesus Kristu ku Jon 17:23

ami nelis, abo na mi, pa elis e ten unidadi diritu, pa mundu sibi kuma abo ku mandan, tambi bu ama elis suma ku bu aman.

Atus 15:29

Ka bo kume karni ku roniadu ku el, nin sangi, nin karni di limaria ku tursidu garganti. Ka bo fasi pekadu seksual. Si bo libra de kusas, bo ta fasi ben. Adeus.”

Atus 18:21

Oca i na dispidi, i fala elis: “Si Deus misti, N ta riba utru bias pa bos.” I mbarka na Éfesu, i bai.

Atus 23:30

Agora, N kontadu kuma judeus na yarma mboskada kontra el. N mandal logu pa Ñu. N na fala tambi si akusaduris kuma e pudi bai dianti di Ñu pa e konta ke ke ten kontra el. Adeus.”

Romanus 12:16

Bo sedu unidu entri bos. Ka bo buska garandesa ma bo sedu amigu di jinti umildi. Ka bo oja na bo kabesa kuma bo sibi.

Romanus 12:18

Bo fasi mas ku bo pudi pa ten pas ku tudu jinti.

Romanus 14:19

Asin, no ba ta sigi kusa ku ta tisi pas, ku ta judanu pa no edifika ŋutru.

Romanus 15:13

Asin Deus, ku ta da speransa, ta inci bos di kontentamentu ku pas pabia di bo fe, pa bo pudi ten garandi speransa na puder di Spiritu Santu.

Romanus 15:33

Deus, no fonti di pas, pa i sta ku bos tudu. Amen.

Romanus 16:20

Deus, no fonti di pas, i ka na tarda pa kebra Satanas bas di bo pe. Fabur di no Siñor Jesus ta sta ku bos.

1 Koríntius 1:10

Ermons, N pidi bos, na nomi di no Siñor Jesus Kristu, pa abos tudu bo fala un kusa son. Ka bo sedu divididu, ma bo uni na un pensamentu ku un sintidu.

2 Koríntius 1:4

ku ta animanu na tudu kasabi, pa no pudi tambi anima utrus na tudu koldadi kasabi. No ta da utrus ki koraẑen ku anos propi no risibi di Deus.

2 Koríntius 13:9

No ta kontenti si no sta fraku, abos bo sta forti. El ku no ta pidi Deus, pa i kabanta fasi bos krentis maduru.

Efésius 4:12

I fasi es pa pudi purpara pobu di Deus pa e tarbaja pa el, pa formason di kurpu di Kristu.

Efésius 4:3

Bo fasi forsa pa ten ligason di pas pa guarda suguru ki unidadi ku Spiritu ta da.

Efésius 6:23

N misti pa Deus no Pape ku Siñor Jesus Kristu da ermons pas ku amor ku fe;

Filipensis 1:27

Kusa importanti i pa bo manera di vivi sedu dignu di Bon Noba di Kristu, pa nin si N bai jubi bos o nau, N pudi obi kuma bo sta firmi na un sintidu son, bo na geria juntu pa fe di Bon Noba, ku un pensamentu son.

Filipensis 3:16

Konformi lugar ku no yangasa na vida spiritual, no bai pa dianti.

Filipensis 4:2

Evódia ku Síntiki, N roga bos pa bo buska fila ku ŋutru suma irmas na Siñor.

Filipensis 4:4

N pidi bos, bo kontenti sempri na Siñor. Utru bias N na ripiti: Bo kontenti.

Filipensis 4:9

Tambi bo fasi kil ku N nsina bos, kil ku bo risibi, ku bo obi na ña boka, ku bo oja na mi. Deus ku ta da pas ta sta ku bos.

1 Tesalonisensis 3:10

Di dia ku di noti no ta pidi ku tudu no korson pa i disanu oja bos utru bias, pa no pudi buri bos kil ku na falta na bo fe.

1 Tesalonisensis 4:1

Pa kabanta, ermons, no nsina bos kuma ku bo dibi di yanda pa fasi Deus kontenti. Asin propi ku bo na yanda, ma no roga bos, no na konsija bos na nomi di Siñor Jesus, pa bo fasi forsa pa yanda mas diritu inda.

1 Tesalonisensis 4:18

Bo ba ta konsola ŋutru ku e palabra.

1 Tesalonisensis 5:13

Bo trata elis ku garandi rispitu ku amor pabia di se tarbaju. Bo vivi susegadu entri bos.

1 Tesalonisensis 5:16

Bo sta sempri kontenti.

1 Tesalonisensis 5:23

Deus propi ku ta danu pas i ta fasi bos puru na tudu manera. I ta guarda tudu parti di bos, spiritu, alma ku kurpu, sin kulpa te ora ku no Siñor Jesus Kristu bin.

2 Tesalonisensis 2:16

N ora no Siñor Jesus Kristu propi, ku Deus no Pape ku amanu, ku, na si fabur, danu koraẑen ku ka ta kaba, ku garandi speransa.

2 Tesalonisensis 3:1

Pa kabanta, ermons, bo ora pa nos, pa palabra di Siñor spaja rapidu, pa i dadu balur, suma ki dadu na bo metadi.

2 Tesalonisensis 3:16

Siñor propi, ki fonti di pas, pa i da bos pas sempri na tudu tempu, na tudu manera. Siñor ta sta ku bos tudu.

2 Timótiu 2:22

Libra di diseẑu forti di nobresa, bu buska yanda diritu, ku fe, amor ku pas, juntu ku kilis ku ta coma nomi di Siñor ku korson puru.

Ebreus 12:14

Bo buska ten pas ku tudu jinti; bo buska tambi un vida puru, pabia sin el ningin ka na oja Siñor.

Ebreus 13:20

N misti pa Deus ku ta da pas, ku lantanda di mortu no Siñor Jesus Kristu, garandi Pastor di karnel, pabia di sangi di kontratu ki fasi ntidu,

Tiagu 1:4

Bo disa pasensa tarbaja na bos diritu, pa bo pudi kabanta sedu kompletu, pa ka bo falta na nada.

1 Pedru 3:11

pa i da kosta pa mal, i fasi ben, pa i buska pas, i sigil.

1 Pedru 3:8

Pa kabanta, abos tudu bo dibi di tene un pensamentu, bo dibi di sinti di mesmu manera; bo ama ŋutru suma ermons; bo sedu bondosu, tambi bo baŝa pa ŋutru.

1 Pedru 5:10

Dipus di bo sufri un bokadu di tempu, Deus ku ta da tudu grasa, ku coma bos na Kristu pa bo toma parti na si gloria ku ka na kaba, i ta fasi bos kompletu, i ta firmanta bos, i fortifika bos, i da bos firmi alisersu.

Apokalipsi 22:21

Fabur di Siñor Jesus ta sta ku bos tudu. Amen.