2 Koríntius 12:21 - BIBLIA - traduson antigu in Krioulo

²¹ N ten medu pa, ora ku N bai, ña Deus i na rebaŝan bo dianti, tok N ta cora riba di kilis ku tarda peka, e ka ripindi di se susidadi, ku mau vida, ku pekadu seksual ke fasi.

2 Koríntius 12:21 ပူးပေါင်းရင်းမြစ်များ

Esdras 10:1

Oca ku Esdras na oraba asin, i na konfesa pekadu, i na cora, mborkadu dianti di kasa di Deus, multidon di israelitas junta lungu del, omis ku minjeris ku mininus; e na coraba risu.

Esdras 9:3

Oca ku N obi ki kusa, N rumpi ña kamisa ku manta, N rinka kabelus di kabesa ku di barba, N sinta mudu.

Salmus 119:136

Ña larmas na kuri suma rius, pabia jinti ka obdisi bu lei.

Saida 32:31

Asin Moisés bai mas pa SIÑOR i falal: “E pobu fasi pekadu garandi, manera ke kumpu un deus di uru pa se kabesa,

Jeremias 13:17

Si bo ka para sintidu, N na cora na sigridu, pabia di bo orgulyu; ña uju na cora risu; larma na darma, pabia karnelis di SIÑOR na lebadu katibu.

Jeremias 9:1

I ta seduba bon pa ña kabesa tene fonti di yagu, pa ña ujus sedu fonti di larmas! Asin N ta coraba di dia ku di noti pa mortus di ña pobu.

Romanus 13:13

No yanda onestu, suma kin ku na yanda di dia. Ka no yanda na wukesa, na camidera, na vida susu, na puku borgoña, na jusia, nin na nveẑa,

Romanus 9:2

kuma N ten garandi tristesa ku dur ku ka ta kaba na ña korson,

1 Koríntius 5:1

Noba pajiga kuma na bo metadi i ten susidadi garandi dimas, ku nin kil ku ka kunsi Deus ka ta fasi, kuma utru sta juntu ku minjer di si pape.

2 Koríntius 10:6

Ora ku bo sta pruntu pa obdisi, no sta tambi pruntu pa kastiga tudu disobdiensia.

2 Koríntius 12:7

Pa ka N pudi inci di garandesa pabia di kusa garandi ku Deus mostran, N dadu un kusa ku N pudi fala “fidida na ña kurpu”, ku Satanas ta manda pa bofotian, pa ka N pudi yalsa kabesa dimas.

2 Koríntius 13:2

Sugundu bias ku N bai, N avisa bos un kusa oca N staba la. Gosi ku N ka sta la, N na torna avisa kilis ku tarda peka, ku tudu utru jinti, kuma si N torna bai, N ka na diskulpa elis.

2 Koríntius 8:24

Asin bo ta mostra bo amor pa elis, pa tudu igreẑa pudi sibi del; e ta ntindi kuma N tenba roson di ngaba bos.

Gálatas 5:19

I klaru kuma ku naturesa di omi ta fasi; i ta mostradu na pekadu seksual, vida susu, puku borgoña,

Ripitison di Lei 9:15

N rabida, N ria na monti ku na yardiba ku fugu; N pega ki dus tagua di kontratu ku ña dus mon.

Ripitison di Lei 9:25

N fika mborkadu dianti di SIÑOR duranti ki korenta dia ku korenta noti, pabia SIÑOR falaba kuma i na bin kaba ku bos.

Kolosensis 3:5

Bo mata ki partis na bos ku sedu di tera, suma pekadu seksual, susidadi, diseẑu mau, vontadi forti pa mal, ku risu mon (ku sedu suma adora idulu).

Ebreus 13:4

Pa tudu jinti rispita kasamenti. Kama di kasadu pa ka i mancadu ku pekadu. Deus na julga kilis ku ta sta na vida susu, ku pekadu seksual.

2 Pedru 2:18

E ta fala palabras di njatamentu ku ka ten balur. Na se diseẑu mau di kurpu ku se vida susu e ta ngoda kilis ku kumsa na kapli nan di jinti ku na yanda mal.

Judas 1:23

Bo rabata utrus na fugu, bo salba elis. Bo ten pena di utrus, ma ku medu tambi; bo nuju te ropa mancadu ku pekadu ku kurpu ta dija.

Judas 1:7

Bo lembra tambi di Sodoma ku Gomora, ku prasas ku pertu elis. Jinti di la e fasi suma ki anjus, e yanda na vida susu, e torkia usu di seksu, e sufri kastigu di fugu ntidu, pa sedu avisu pa utru jinti.

Apokalipsi 21:8

Ma pa kilis ku kobardu, ku kilis ki ka fiel, ku jinti di vida susu, ku mataduris, kaiduris di cai, botaduris di sorti, kilis ku ta adora idulus, ku tudu munturusis, se lugar i na sedu na lagua ku na yardi ku fugu ku nŝofri; i el ki sugundu mortu.”

Apokalipsi 22:15

Kilis ku ta fasi suma kacur e ten ku fika fora, ku botaduris di sorti, ku kilis ku ta fasi pekadu seksual, ku mataduris, ku adoraduris di idulus, ku kilis ku gosta di konta mintida.

Apokalipsi 22:20

Kil ku da tustumuñu de kusas i fala: “Es i palabra sertu; N ka na tarda pa bin.” Amen. Siñor Jesus, bin!

1 Samuel 15:35

Nunka mas Samuel ka bai jubi Saul te na dia di si mortu, ma i sinti dur del. SIÑOR ripindi manera ki pui Saul rei na Israel.