2 Koríntius 12:20 - BIBLIA - traduson antigu in Krioulo

²⁰ N ten medu pa, ora ku N ciga, N ka bai oja bos suma ku N misti; pa ka abos tambi bo ojan na manera ku bo ka misti; pa ka i ten jus na bo metadi, ku nveẑa, raiba, junda-junda, rui, sibi di vida di utru jinti, garandesa ku jumbulumani.

2 Koríntius 12:20 ပူးပေါင်းရင်းမြစ်များ

Salmus 41:7

Tudu jinti ku ka gosta di mi e na ŋuniŋuni kontra mi; e na kuda kusa mas pior, e fala:

Ditus 16:28

Omi tortu ta lantanda jus; kil ku ta disfama jinti i ta rapati garandi amigus.

Romanus 1:29

E inci ku tudu koldadi pekadu, maldadi, malisia ku kubisa; e inci tambi ku nveẑa, matansa, gera, nganu ku ruñesa;

Romanus 1:30

e sedu ruiduris, disfamaduris, nfastiaduris di Deus, kobaduris, kunfiadus, orgulyosus, nventaduris di mal, disobdienti pa pape ku mame,

Romanus 2:8

ma kilis ku na fasi se propi vontadi, ku nega sigi bardadi, e misti son mal, e na risibi son raiba ku kastigu.

1 Koríntius 1:11

Ña ermons, jinti di familia di Kloé kontan kuma bo tene jus na bo metadi;

1 Koríntius 14:33

pabia Deus i ka Deus di kunfuson, ma i Deus ku ta da pas. Suma na tudu juntamentu di pobu di Deus,

1 Koríntius 5:2

Bo sta sañadu, nin bo ka fika tristi! Bo dibi di tira na bo metadi kil ku na fasi e kusa.

2 Koríntius 1:23

N coma Deus pa ña tustumuña; el i kunsi ña korson. Pa popa bos ku manda N ka bai Korintu te gosi.

2 Koríntius 10:2

ka bo obrigan, ora ku N bai la, pa N sedu brabu. N sibi sertu kuma N pudi sedu brabu ku kilis ku fala kuma no ta fasi kusa suma jinti di mundu.

2 Koríntius 10:6

Ora ku bo sta pruntu pa obdisi, no sta tambi pruntu pa kastiga tudu disobdiensia.

2 Koríntius 12:21

N ten medu pa, ora ku N bai, ña Deus i na rebaŝan bo dianti, tok N ta cora riba di kilis ku tarda peka, e ka ripindi di se susidadi, ku mau vida, ku pekadu seksual ke fasi.

2 Koríntius 13:2

Sugundu bias ku N bai, N avisa bos un kusa oca N staba la. Gosi ku N ka sta la, N na torna avisa kilis ku tarda peka, ku tudu utru jinti, kuma si N torna bai, N ka na diskulpa elis.

2 Koríntius 2:1

Asin N rezolvi pa N ka bai mas nunde bos ku tristesa,

Gálatas 5:15

Ma si bo na murdi, bo molosta ŋutru, bo toma sintidu pa ka bo kaba ku ŋutru.

Gálatas 5:26

Ka no sedu garandiosu, pa ba ta provoka ŋutru, pa nveẑa ŋutru.

Tiagu 4:11

Ermons, ka bo fala mal di ŋutru. Kil ku na fala mal di si ermon, o i kritikal, i na fala mal di lei, i na julga lei. Si bu na julga lei, bu ka sedu obdisidur di lei, ma si juis.

1 Pedru 2:1

Bo disa tudu mau maña, tudu nganu, finjimentu, nveẑa, ku tudu palabra mau.

2 Pedru 2:18

E ta fala palabras di njatamentu ku ka ten balur. Na se diseẑu mau di kurpu ku se vida susu e ta ngoda kilis ku kumsa na kapli nan di jinti ku na yanda mal.

Judas 1:16

E jinti ruidur e ciu keŝasiñu; e ta yanda konformi se diseẑu mau. Palabras di garandesa ta sai na se boka. E ta bari utru jinti paja pa se interes.