2 Koríntius 12:19 - BIBLIA - traduson antigu in Krioulo

¹⁹ Talves tudu e tempu bo kuda kuma no misti difindi dianti di bos, ma no na fala dianti di Deus, suma algin di Kristu. Tudu ku no na fasi i pa juda kumpu bos.

2 Koríntius 12:19 ပူးပေါင်းရင်းမြစ်များ

Romanus 12:19

Ña ermons, ka bo vinga, abos propi, ma bo disal pa Deus, pabia i sta skritu kuma Siñor fala: “Vingansa i di mi. I ami ku na torna.”

Romanus 14:19

Asin, no ba ta sigi kusa ku ta tisi pas, ku ta judanu pa no edifika ŋutru.

Romanus 15:2

ma kada un di nos dibi di agrada si ermon pa ben del, pa i pudi kirsi na fe.

Romanus 9:1

N na konta bardadi. Ami i di Kristu, N ka ta konta mintida. Ña konsiensia, bas di puder di Spiritu Santu, i na konfirma ña palabra,

1 Koríntius 10:14

Asin ña kiridu ermons, bo kuri di adora iran.

1 Koríntius 10:33

Suma mi tambi, N ta fasi forsa pa N fasi tudu pa pui tudu jinti kontenti. N ka ta buska kil ki bon son pa mi, ma pa manga di jinti, pa e pudi salba.

1 Koríntius 14:26

Pa kabanta, ermons, ora ku bo junta pa adorason, un ta tene kantiga, utru tene nsinamentu, utru ta konta kusa ku Deus mostral, utru ta fala lingua strañu, utru ta splikal. Bo fasi tudu pa ajuda di igreẑa.

2 Koríntius 10:8

Nin ku N njata ciu pabia di otridadi ku Siñor dan pa N juda bos (i ka pa dana), N ka na burguñu.

2 Koríntius 11:10

Es i sertu, suma ku bardadi di Kristu sta na mi, N na kontinua njata ne puntu pa tudu ladu di Akaia. Ningin ka ta tujin.

2 Koríntius 11:31

Deus, Pape di no Siñor Jesus, ku ta ngabadu pa sempri, i sibi kuma N ka na konta mintida.

2 Koríntius 12:15

N ta kontenti pa gasta tudu ku N tene, te ña kurpu, pa juda bos. N na ama bos kada bias mas; N dibi di sedu menus amadu tambi?

2 Koríntius 13:10

E ku manda N skirbi e kusas suma ku N ka sta la, pa, ora ku N bai, pa ka i pirsis pa N trata bos ku duresa, konformi otridadi ku Siñor dan. I dan el pa N kumpu; i ka pa dana.

2 Koríntius 2:17

No ka sta suma manga di utru jinti ku ta konta palabra son ku interes di ngaña, ma dianti di Deus no ta fala di Kristu na bardadi, suma ku Deus mandanu.

2 Koríntius 3:1

Nta no ten ku kumsa utru bias ngaba no kabesa? O, suma utru jinti, no pirsisa di karta di rekumendason pa bos, o di bos?

2 Koríntius 7:1

Ermons ku N ama, suma ku no ten e purmesas, no limpa di tudu susidadi di kurpu ku spiritu, pa no kompleta no santidadi ku rispitu pa Deus.

Filipensis 4:1

Asin, ña ermons ku N ama ciu, ku N ten saudadi del, ña alegria ku ña koroa, bo fika firmi na Siñor ne manera, ña kiridus.

1 Tesalonisensis 5:11

Asin bo da ŋutru koraẑen, bo juda ŋutru, suma ku na bardadi bo na fasi ja.

Ebreus 6:9

Mesmu ku no fala asin, ña kiridu amigus, no na pera kusas minjor di bos, kusas ku ta kumpaña salbason.