2 Koríntius 12:14 - BIBLIA - traduson antigu in Krioulo

¹⁴ Ali N sta pruntu pa bai visita bos terseru bias. N ka na kume na bo kusta, pabia N ka na buska kil ki di bos, ma bos propi. I ka fiju ku ta junta kusas pa papes, ma i papes ku ta junta pa fijus.

2 Koríntius 12:14 ပူးပေါင်းရင်းမြစ်များ

Ditus 11:30

Frutu di bondadi i arvuri di vida. Kil ku ngaña jinti pa Deus i jiru.

Ditus 13:22

Un bon omi ta disa yardansa pa fijus di si fijus, ma rikesa di algin mau i ta guardadu pa justu.

Ditus 19:14

Kasa ku rikesa i yardansa ku bin di papes, ma minjer jiru i ta bin di SIÑOR.

Ezekiel 34:2

“Fiju di omi, anunsia kontra bakiaduris, ku sedu ŝefis di Israel. Anunsia, bu fala elis kuma asin ku SIÑOR Deus fala: ‘Ai di ŝefis di Israel ku ta bakia se propi kabesa! Nta bakiaduris ka dibi di bakia karnel?

Atus 20:33

N ka kubisa ningin nin uru, nin prata, nin ropa.

1 Koríntius 10:24

Ningin ka dibi di buska si interes propi, ma i dibi di buska interes di utru.

1 Koríntius 10:33

Suma mi tambi, N ta fasi forsa pa N fasi tudu pa pui tudu jinti kontenti. N ka ta buska kil ki bon son pa mi, ma pa manga di jinti, pa e pudi salba.

1 Koríntius 11:34

Si algin tene fomi, pa i kume na si kasa, pa ora ku bo junta, bo ka kai na kondenason. Restu di kusas, ora ku N ciga la, N ta ruma elis.

1 Koríntius 16:5

N na bai visita bos dipus di N pasa na Masedonia, pabia N ten ku pasa la.

1 Koríntius 4:19

ma si Siñor misti, N ka na tarda pa bai visita bos. Asin N ta kunsi kilis ku sta sañadu; i ka son pa palabra, ma N ta oja tambi se puder,

1 Koríntius 9:12

Si utrus ten diritu di pera e kusa di bos, anos tambi no ka ten mas diritu? Ma anos, nunka no ka purbita de diritu. Pa kontrariu, no nguenta tudu pa ka no pui mpidimentu na Bon Noba di Kristu.

1 Koríntius 9:18

Agora kal ki ña pagamentu? I kontentamentu ku N ten pa konta Bon Noba sin kobra ningin, sin purbita ki diritu ku N ten suma kil ku ta konta Bon Noba.

1 Koríntius 9:19

Ami i omi libri; N ka sedu katibu di ningin, ma N fasi ña kabesa katibu di tudu jinti pa N ngaña jinti mas ciu ku N pudi.

2 Koríntius 1:15

N tenba tantu sertesa de kusas ku N fasi kalkulu pa visita bos purmeru, pa bo risibi dus benson,

2 Koríntius 11:9

Ermons ku bin di Masedonia e judan na ña falta. Na tudu N libra di sedu pisadu pa bos; N na kontinua libra inda.

2 Koríntius 12:13

Na kal manera ku bo tratadu mas pior di ki utru igreẑas? I pabia N ka kume na bo kusta? Garandi mal ku N fasi! Bo purdan!

Gálatas 4:19

Ña fijus ku N ama, kilis ku N torna na sinti dur di partu pa el, tok Kristu sedu formadu na bos,

Filipensis 4:1

Asin, ña ermons ku N ama ciu, ku N ten saudadi del, ña alegria ku ña koroa, bo fika firmi na Siñor ne manera, ña kiridus.

Filipensis 4:17

I ka kuma N misti son oferta, ma N misti pa Deus buri bos ngañu pa kil ku bo fasi.

1 Tesalonisensis 2:11

Suma ku bo sibi, no trata ku kada un di bos suma ku pape ta trata ku si fijus. No konsija bos, no anima bos,

1 Tesalonisensis 2:8

Manera ku no ama bos, no tenba garandi vontadi, i ka son pa rapati Bon Noba ku bos, ma no propi vida, suma ku no ama bos ciu.