2 Koríntius 12:11 - BIBLIA - traduson antigu in Krioulo

¹¹ N fasi suma tulu manera ku N ngaba ña kabesa, ma abos ku obrigan pa N fasi asin. Abos ku dibi di ngabanba. Nin ku N ka sedu nada, ma N ka sta mas bas di ki ki bo garandi apostolus!

2 Koríntius 12:11 ပူးပေါင်းရင်းမြစ်များ

Ditus 27:2

Utru ku pudi ngabau, i ka abo ku na ngaba bu kabesa.

Lukas 17:10

Asin tambi abos, ora ku bo fasi tudu ku bo mandadu, bo ta fala: ‘No sedu servus ku ka mersi ngabadu, pabia no fasi son kil ku no dibi di fasi.’ ”

1 Koríntius 13:2

N pudi tene don di anunsia rekadu di Deus, N kunsi tudu kusa sukundidu, N sibi tudu kusa; N pudi ten garandi fe pa N mundanta montis, ma si N ka ten amor, N ka na sedu nada.

1 Koríntius 3:22

Paulu, Apolu, Sefas, e mundu, vida, mortu, gosi, ku futuru — tudu i di bos.

2 Koríntius 1:6

Si no sufri, i pa bo sedu animadu, pa bo pudi ten salbason. Si no animadu, abos tambi bo animadu, bo ta dadu forsa pa nguenta ku pasensa mesmu sufrimentu ku anos tambi no nguenta.

2 Koríntius 11:1

N misti pa bo ten pasensa ku mi, nin ku N sedu un bokadu tulu. Bo ten pasensa un bokadu.

2 Koríntius 11:5

N oja kuma ki bo garandi apostolus e ka mas mi na nada.

2 Koríntius 12:12

Ki manga di sinal ku milagri ku maravilya ku N fasi bo dianti, ku garandi pasensa, e ta proba kuma N sedu apostolu.

2 Koríntius 12:6

Si N mistiba njata, N ka na sedu tulu, pabia N na kontaba kil ki bardadi, ma N na disa, pa ka ningin kuda di mi mas di ki kil ki na oja na mi, o ki na obi na ña boka.

2 Koríntius 3:1

Nta no ten ku kumsa utru bias ngaba no kabesa? O, suma utru jinti, no pirsisa di karta di rekumendason pa bos, o di bos?

2 Koríntius 5:13

Si no tulu, i pa Deus; si no ten juisu, i pa bos.

Gálatas 6:3

Si algin kuda kuma el i algin, ma el i ka ningin, i na ngana si kabesa.

Efésius 3:8

Ami ki menus di tudu pobu di Deus, ma Deus dan e fabur di konta jintius Bon Noba di garandi rikesa di Kristu ku no ka pudi ntindi,