2 Koríntius 12:10 - BIBLIA - traduson antigu in Krioulo

¹⁰ N ta sinti alegria na ña frakesa, na njuria, na falta, na pirsigison, na kasabi, tudu pa amor di Kristu. Ora ku N sta fraku, la ku N ta sedu mas forti.

2 Koríntius 12:10 ပူးပေါင်းရင်းမြစ်များ

Lukas 6:22

“Abos i sortiadu ora ku jinti nfastia bos pabia di Fiju di omi, e serka bos na se metadi, e koba bos, e nega bos, e fala kuma bo mau.

Bon Noba di Jesus Kristu ku Jon 15:21

E na fasi bos tudu e kusas pabia di mi, suma e ka kunsi kil ku mandan.

Atus 5:41

E sai na metadi di Konseliu, kontenti dimas pabia Deus oja elis mersidur di sufri borgoña pabia di nomi di Jesus.

Romanus 5:3

I ka son kila, ma tambi no kontenti na kansera. No sibi kuma kansera ta da firmesa;

1 Koríntius 4:10

No sedu tulu pabia di Kristu, ma abos bo jiru na Kristu; anos i fraku ma abos bo forti. No njutidu; abos bo rispitadu.

2 Koríntius 1:4

ku ta animanu na tudu kasabi, pa no pudi tambi anima utrus na tudu koldadi kasabi. No ta da utrus ki koraẑen ku anos propi no risibi di Deus.

2 Koríntius 10:18

Kil ku Siñor pensa ben del, el ku ta setadu; i ka kil ku ta ngaba si propi kabesa.

2 Koríntius 12:9

ma i falan kuma si grasa justan, pabia si puder i ta mas sta kompletu si N sta fraku. Asin, N ta kontenti pa njata na ña frakesa, pa puder di Kristu pudi sta riba di mi.

2 Koríntius 13:4

Bardadi, i muri na krus na frakesa, ma gosi i na vivi na puder di Deus. Anos ku ten parti na si frakesa, no na vivi ku el na puder di Deus pa sirbi bos.

2 Koríntius 13:9

No ta kontenti si no sta fraku, abos bo sta forti. El ku no ta pidi Deus, pa i kabanta fasi bos krentis maduru.

2 Koríntius 4:17

No sufrimentu pikininu ka ta tarda, ma i ta tisinu un garandi gloria ku ka ta kaba, ku na pesa mas di ki sufrimentu ku no ta pasa.

2 Koríntius 4:5

No ka ta konta aserka di no kabesa, ma di Kristu Jesus suma Siñor; anos suma bo servus pa amor di Jesus.

2 Koríntius 5:15

I muri pa tudu, pa tudu kilis ku na vivi, pa e ka vivi mas pa se kabesa, ma pa kil ku muri pa elis, i torna vivi.

2 Koríntius 5:20

Asin, no bin suma mbaŝadur di Kristu. I suma ki Deus propi ku na roga bos ku no boka. No pidi bos, na nomi di Kristu, pa bo fasi pas ku Deus.

2 Koríntius 6:4

Na tudu ku no ta pasa, no ta mostra kuma no sedu servus di Deus, manera ku no ta sufri ku pasensa na fadiga, na falta, na kasabi.

2 Koríntius 7:4

N na papia abertamenti ku bos; N ta njata pabia di bos; na tudu no fadiga N sta ku garandi koraẑen; N inci di kontentamentu tok i na darma.

Efésius 6:10

Pa kabanta, bo fika mas forti na Siñor pabia di si forti puder.

Filipensis 1:29

pabia bo dadu fabur, i ka son pa fia na Kristu, ma tambi pa sufri pa el.

Kolosensis 1:24

N kontenti na ña sufrimentu pa bos, pabia e sufrimentu na ña kurpu i na juda kompleta kil ku falta na fadiga di Kristu pa si kurpu ku sedu igreẑa.

2 Tesalonisensis 1:4

E ku manda anos propi no ta ngaba bos na igreẑas di Deus, pabia di bo firmesa ku fe na tudu pirsigison ku sufrimentu ku bo ta nguenta.

2 Timótiu 3:11

pirsigison ku sufrimentu ku N pasa. Bu sibi tudu ku N pasa na Antiokia, Ikóniu ku Listra. Kantu pirsigison ku N nguenta la, ma Deus libran di tudu!

Tiagu 1:2

Ña ermons, ora ku bo ten ku pasa manga di koldadi probason, bo fasi di konta kuma bo sortiadu.

Apokalipsi 2:3

Bu sufri pabia di ña nomi, bu kontinua firmi, bu ka fraksi.