2 Koríntius 11:4 - BIBLIA - traduson antigu in Krioulo

⁴ pabia si algin bin, i konta bos aserka di utru Jesus fora di kil ku no konta aserka del, o si bo risibi utru spiritu fora di kil ku bo risibi ja, o utru Bon Noba ku ka juntu ku kil ku bo seta ja, bo ta ngulil ku kontentamentu!

2 Koríntius 11:4 ပူးပေါင်းရင်းမြစ်များ

Markus 7:9

I fala elis mas: “Bo ten manera jiru di nega mandamentu di Deus pa bo guarda kustumus di bo garandis di antigu.

Atus 4:12

I ka ten nin utru algin ku pudi salba, pabia ne mundu li, Deus ka da jinti nin utru nomi ku pudi salbanu.”

Romanus 8:15

Spiritu ku bo risibi i ka ta fasi bos katibu pa bo pudi torna ten medu, ma bo risibi Spiritu ku fasi bos fijus, ku ta pui pa no coma Deus, no falal: “Deus no Pape.”

1 Koríntius 3:11

pabia ningin ka pudi pui utru alisersu fora di kil ku pudu ja, ku sedu Jesus Kristu.

2 Koríntius 11:1

N misti pa bo ten pasensa ku mi, nin ku N sedu un bokadu tulu. Bo ten pasensa un bokadu.

2 Koríntius 2:12

Oca ku N ciga Troas pa konta Bon Noba di Kristu, N oja kuma Siñor yabriba kamiñu pa N tarbaja la.

Gálatas 3:2

Son es ku N misti sibi di bos: Bo risibi Spiritu di Deus pabia di fasi kil ku lei fala, o pabia bo fia na Bon Noba ku bo obi?

1 Timótiu 1:3

Oca ku N na baiba pa Masedonia, N rogau pa bu fika na Éfesu, pa manda sertu jinti pa e para ku nsinamentus falsu,

1 Timótiu 2:5

I ten un Deus son, ku un algin ku sta na metadi di Deus ku jinti, ku sedu Kristu Jesus, omi,