2 Koríntius 11:3 - BIBLIA - traduson antigu in Krioulo

³ N ten medu pa ka bo pensamentu dana, pa bo bandona ki amor puru ku bo ten pa Kristu, suma ku serpenti ku si astusia ngana Eva,

2 Koríntius 11:3 ပူးပေါင်းရင်းမြစ်များ

Kumsada 3:1

Serpenti i mas jiru ba pa fasi mal di ki tudu limarias di matu ku SIÑOR Deus kumpu. I punta minjer: “I bardadi, asin ku Deus fala, pa ka bo kume fruta di tudu e arvuris na jardin?”

Kumsada 3:13

SIÑOR Deus punta minjer: “Ke ku manda bu fasi es?” Minjer falal: “I serpenti ku nganan; N kumel.”

Kumsada 3:20

Adon pui si minjer nomi di Eva, pabia i mame di tudu kriatura ku tene vida.

Kumsada 3:4

Serpenti fala minjer: “Bo ka na muri,

Salmus 119:53

Raiba forti toma konta di mi pabia di jinti mau ku bandona bu lei.

Mateus 24:24

pabia i na lanta finjiduris ku na fala kuma elis i Kristu o elis i anunsiaduris. E na fasi manga di sinal ku milagri, pa ngana, si e pudi, te mesmu kilis ku Deus kujiba ja.

Bon Noba di Jesus Kristu ku Jon 8:44

Abos, bo pape i diabu; bo misti fasi si vontadi. El i matadur disna di kumsada. Nunka i ka sikidu na bardadi, pabia bardadi ka sta nel. Ora ki na konta mintida, i ta konta di kil ki sedu propi, pabia i munturus; i pape di mintida,

Romanus 12:8

Si i pa konsija jinti, nta pa i konsija. Kil ku ta rapati, pa i da ku mon abertu. Kil ku na manda, pa i manda ku forsa di vontadi. Kil ku na juda pobris, pa i fasil ku alegria.

2 Koríntius 1:12

Kusa ku no pudi njata nel: no konsiensia ta mostranu klaru kuma no vida na mundu, prinsipalmenti na no tratu ku bos, i sedu na puresa ku bardadi ku bin di Deus. I ka na jiresa di karni, ma i fabur di Deus.

2 Koríntius 11:20

Kualker algin ku na forsija bos, ku na kume bos, ku na paña bos, ku ta yalsa ombra riba di bos, ku na bofotia bos, bo ta nguental.

2 Koríntius 11:29

Kin ku fraksi ku ami tambi N ka sinti fraku? Si algin pudu pa i kai, ña korson tambi ta kinti.

2 Koríntius 2:17

No ka sta suma manga di utru jinti ku ta konta palabra son ku interes di ngaña, ma dianti di Deus no ta fala di Kristu na bardadi, suma ku Deus mandanu.

2 Koríntius 4:2

No nega tudu kusa di borgoña ku jinti ta fasi sukundidu. No ka ta yanda na nganu, nin no ka ta tursi palabra di Deus. No misti pa tudu jinti ku bon konsiensia pa e rapara kuma no na yanda na lus klaru di bardadi dianti di Deus.

Gálatas 1:6

N fika dimiradu suma ku bo lestu di da kosta pa kil ku coma bos na fabur di Kristu, pa bo bai pa utru bon noba.

Gálatas 2:4

kontudu utrus mistiba pa i sedu. E finji sedu ermons, e yentra sukundidu suma spion pa pudi jubi liberdadi ku no ten na no ligason ku Kristu Jesus. E misti mitinuba na kansera di lei,

Gálatas 3:1

Abos tulus di Galásia! Kin ku mbarianta bos? Mortu di Jesus Kristu na krus staba klaru na bo uju.

Gálatas 4:11

N medi pa bos, pa ña tarbaju pa bos ka bin sedu suma mon di sal na yagu.

Efésius 4:14

pa ka no sedu mas mininu ku ta boia na maron, ku ta lebadu na tudu urdumuñu di nsinamentu di omis ku ta ngana jinti ku astusias di tarpasa,

Efésius 4:22

kuma bo dibi di disa ki manera antigu di vivi, bo pui di ladu ki naturesa antigu ku na bai bas pa mortu pabia di si mau diseẑu nganadur.

Efésius 6:24

tambi pa fabur di Deus sta ku tudu kil ku ama no Siñor Jesus Kristu ku amor di bardadi.

Kolosensis 2:18

Ka bo seta kondenason di jinti ku ta misti julga bos, ku ta finji umildi, ku ta adora anjus, ku ta fala kuma e oja vison. Ki jinti sta incadu amonton pa se ntindimentu di se propi kabesa,

Kolosensis 2:4

N fala asin pa ka ningin ngana bos ku palabra falsu, nin ki parsi bon palabra,

Kolosensis 2:8

Bo toma sintidu pa ka ningin fasi bos prezu ku si ideias di nganu ku ka ten balur, ku bin di nsinamentu ku omi ta pasanta pa si fiju, ku fiju di si fiju, ku bin tambi di nsinamentu di mundu, ma i ka bin di Kristu.

1 Tesalonisensis 3:5

Asin N ka pudiba nguenta mas; N mandal pa i bai sibi di bo fe. N tenba medu kuma talves tentadur tenta bos; asin no tarbaju pudiba fika danadu.

1 Timótiu 1:3

Oca ku N na baiba pa Masedonia, N rogau pa bu fika na Éfesu, pa manda sertu jinti pa e para ku nsinamentus falsu,

1 Timótiu 2:14

I ka Adon ku nganadu, ma i minjer ku nganadu, i kebra mandamentu di Deus,

2 Timótiu 3:13

Jinti mau, nganadur, e ta bai kada bias mas mau, e ta ngana utrus; e ta nganadu tambi,

Titu 1:10

I ten manga delis, rebeldis, ku ta papia palabras amonton pa ngana jinti; purmeru delis i judeus.

Ebreus 13:9

Ka bo disa manga di koldadi nsinamentu strañu tira bos na bo kamiñu. I mas bon pa no korson risibi forsa di grasa di Deus te pa sigi regras di kumida, ku ka tisi nin purbitu pa kilis ku na yandaba di ki manera.

2 Pedru 3:17

Asin, ña kiridu ermons, suma ku bo jumna bo sibi es, bo toma sintidu pa ka bo kai na bo firmesa, lebadu pa nganu di omis malandru.

2 Pedru 3:3

Purmeru, bo dibi di sibi kuma, na dias di kabantada, i na parsi diskarnosis ku na yanda konformi se vontadi mau,

1 Jon 2:18

Ña fijus, es i ora di kabantada. Suma ku bo obi kuma anti-kristu na bin, manga di anti-kristu parsi ja. Es ta mostranu kuma no sta ja na ora di kabantada.

1 Jon 4:1

Ña kiridu ermons, ka bo fia na tudu jinti ku fala kuma e tene Spiritu di Deus, ma bo proba elis pa jubi si na bardadi ki spiritu bin di Deus, pabia i ten manga di anunsiadur falsu ku lanta na mundu.

Judas 1:4

Utru jinti ku nega Deus e ranja-ranja manera di yentra, e tursi palabra ku konta aserka di fabur di no Deus, pa i sedu diskulpa di se mau vida; e nega Jesus Kristu, kil son ku ta manda, ku sedu no Siñor. Disna, Skritura jumna konta e kondenason ke sta nel.

Apokalipsi 12:15

Serpenti tira yagu na si boka suma un riu tras di minjer, pa ki yagu pudi rasta minjer.

Apokalipsi 12:9

Ki garandi dragon fercadu, ku sedu antigu serpenti ku comadu diabu ku Satanas, ku ta ngana tudu mundu. I fercadu na tera, tudu ku si anjus.

Apokalipsi 20:2

I prindi dragon, ki antigu serpenti ku comadu diabu o Satanas, i maral pa mil anu.