2 Koríntius 11:27 - BIBLIA - traduson antigu in Krioulo

²⁷ N tarbaja ku fadiga, manga di bias sin durmi, ku fomi, ku sedi. N junjuŋa manga di bias; N sufri friu ku falta di ropa.

2 Koríntius 11:27 ပူးပေါင်းရင်းမြစ်များ

Jeremias 38:9

“Ñu Rei, ki omis e fasi mal na tudu ke fasi ku anunsiadur Jeremias. E botal na fonti. I na muri la di fomi, pabia pon ka ten mas na prasa.”

Mateus 17:21

Ma e koldadi dimoniu i ta serkadu son ku forsa di orason ku junjun.]”

Atus 14:23

Tambi na kada igreẑa e kuji garandis; e ora, e junjuŋa, e ntrega elis na Siñor ke fia nel.

Atus 20:31

Asin, bo bisia, bo lembra kuma tris anu, di dia ku di noti, N ka para konsija kada un di bos ku larma.

1 Koríntius 7:5

Bo ka dibi di nega vontadi di ŋutru, son si bo konkorda pa lunjusi di ŋutru un bokadu, pa da tempu pa orason. Dipus, bo ta junta mas, pa ka Satanas tenta bos si bo ten falta di disiplina.

2 Koríntius 11:23

E ta sirbi Kristu? N na fala suma ku N sta fora di mi, ma ami N ta sirbil mas. N mas tarbaja di ki elis; N sutadu mas di ki elis; N mas pudu prezu di ki elis; manga di bias N staba na pirigu di mortu.

2 Koríntius 6:5

No sutadu, no prindidu; jinti junta na nos; no tarbaja ciu, utru ora ku fomi, ku falta di sonu.

Filipensis 4:12

N sibi pasa falta; N sibi tambi tene ciu. N nsina manera di pasa na tudu kusa ku sedu na ña vida. N sibi pasa fomi ku fartura; N sibi tene ciu o puku.

1 Tesalonisensis 2:9

Ermons, N ten sertesa kuma bo lembra di no tarbaju ku fadiga. Oca ku no na konta bos Bon Noba di Deus, no ta tarbajaba di noti ku di dia pa ka no sedu kargu pisadu pa nin un di bos.

2 Tesalonisensis 3:8

No ka kume na kasa di ningin di grasa, ma no tarbaja ku fadiga; di dia ku di noti no tarbaja, pa ka no sedu kargu pisadu pa nin un di bos.

Ebreus 11:37

E dadu ku pedra, e seradu na metadi, e matadu ku spada; e yanda bistidu ku kuru di karnel ku kabra; e seduba koitadis ku fadiga ku maltratu.