2 Koríntius 10:4 - BIBLIA - traduson antigu in Krioulo

⁴ Armas ku no ta geria ku el e ka sedu suma kilis di mundu, ma i arma ku ten puder di Deus pa kebra muras forti.

2 Koríntius 10:4 ပူးပေါင်းရင်းမြစ်များ

Salmus 110:2

Di Sion, SIÑOR na pui puder di bu renansa pa i aumenta pa utru teras; i fala: “Domina na metadi di bu inimigus.”

Isaias 30:25

Na ki dia di garandi matansa, ora ku toris kai, korentis di yagu na kuri di riba di tudu monti, kilis ku mas altu ku kilis menus altu.

Jeremias 1:10

Aos N dau otridadi riba di renus ku nasons, pa rinka, pa bati, pa dana, pa pajiga, tambi pa kumpu, pa paranta.”

Jeremias 23:29

I torna punta mas: “Nta ña palabra i ka sedu suma fugu, o suma martel ku ta kebra-kebra pedra garandi?”

Atus 7:22

Moisés dadu tudu nsinamentu suma jinti di Ejitu. I tenba puder na si palabra ku kil ki na fasi.

Romanus 13:12

Noti pasa ja; dia ciga. No dispi tudu kusas ku ta fasidu na sukuru; no bisti armadura di lus.

Romanus 6:13

Ka bo ntrega membrus di bo kurpu pa pekadu, suma feramentu di mal, ma bo ntrega bo kurpu pa Deus, suma bibus ku tiradu na metadi di mortus. Bo ntrega bo membrus pa Deus suma feramentu di fasi ben.

1 Koríntius 2:5

pa ka bo fe nkuña na jiresa di omi, ma pa i nkuña na puder di Deus.

1 Koríntius 9:7

Kal soldadu ku ta paga dispesa pa si kabesa nkuantu i sta na tropa? Kin ku ta fasi orta, i ka ta kume si frutu? Kin ku ta bakia limarias, i ka ta purbita se liti?

2 Koríntius 10:8

Nin ku N njata ciu pabia di otridadi ku Siñor dan pa N juda bos (i ka pa dana), N ka na burguñu.

2 Koríntius 13:10

E ku manda N skirbi e kusas suma ku N ka sta la, pa, ora ku N bai, pa ka i pirsis pa N trata bos ku duresa, konformi otridadi ku Siñor dan. I dan el pa N kumpu; i ka pa dana.

2 Koríntius 3:5

I ka ten nada na nos ku ta punu pa no fala kuma no sedu kapas di fasi kualker kusa. Puder ku no ten i ta bin di Deus.

2 Koríntius 4:7

Anos no tene e rikesa na vasu di lama, pa mostra kuma garandesa di puder i di Deus, i ka di nos.

2 Koríntius 6:7

ku puder di Deus, ku no manera di konta palabra di bardadi; es tudu i ta mostra kuma no sedu servus di Deus. No tene no vida justu suma no arma pa ataka, tambi pa difindi.

1 Tesalonisensis 5:8

ma anos, suma ku no sedu di dia, no dibi di sedu seriu; no pui fe ku amor suma armadura di pitu. No ten speransa di salbason suma kapasiti.

1 Timótiu 1:18

Ña fiju Timótiu, N pui e kargu riba di bo, konformi palabras di rekadu di Deus ku daduba aserka di bo. Usa ki palabras suma arma pa fasi bon gera.

2 Timótiu 2:3

Toma bu parti na sufrimentu suma bon soldadu di Kristu Jesus.

Ebreus 11:30

I fe ku pui mura di Jerikó kai, dipus de da volta del seti dia.

Josué 6:20

E toka korneta; tropas obi, e grita risu; mura kai. Kada omi janti i yentra na kau ku sta si dianti; asin e toma prasa.