2 Koríntius 10:10 - BIBLIA - traduson antigu in Krioulo

¹⁰ Utru jinti ta fala: “Si karta forti, i pisadu, ma ora ki sta juntu ku nos i ka ta ten nin forsa; si palabra ka ta ten balur.”

2 Koríntius 10:10 ပူးပေါင်းရင်းမြစ်များ

Saida 4:10

Moisés fala SIÑOR: “O SIÑOR! Ami nunka na ña vida N ka sedu omi ku sibi papia, nin antis nin dipus di bu kumsa papia ku mi, bu servu, pabia N pisadu na papia.”

Jeremias 1:6

N falal: “A SIÑOR Deus! Ami N ka sibi papia, pabia N sedu mininu inda.”

1 Koríntius 1:17

Kristu ka mandan pa N batisa; i mandan pa N konta Bon Noba; i ka pa N kontal ku palabra di jiresa umanu, pa N ka lebsi krus di Kristu.

1 Koríntius 1:21

Deus na si jiresa fasi pa ka omis kunsil na se jiresa, ma i rezolvi usa anunsiu “tulu” pa salba kilis ku fia.

2 Koríntius 10:1

Ami Paulu, N na roga bos, ami ku jinti fala kuma, ora ku N sta ku bos, N ta mansu, ma si N sta lunju, N ta sedu brabu pa bos. N na pidi bos, pa mansesa ku bondadi di Kristu,

2 Koríntius 10:11

Algin ku papia asin i dibi di ntindi kuma, si N bai, ña manera ten ku sedu suma ku N skirbi na karta antis di N bai nunde bos.

2 Koríntius 10:9

N ka misti pa i parsi kuma N na miti bos medu ku ña kartas.

2 Koríntius 11:21

N burguñu fala kuma no fraku dimas! Na kil ku algin ten koraẑen di fala (N na fala suma tulu), ami tambi N ten koraẑen.

2 Koríntius 11:6

Nin ku N ka sedu garandi papiadur, ma N ten kuñisimentu. No proba es klaru pa bos manga di bias, na tudu manera.

2 Koríntius 13:3

Bo na ten tudu proba ku bo misti kuma Kristu ta fala na ña boka. El i ka fraku pa bos, ma i ta mostra si puder na bo metadi.