2 Koríntius 10:1 - BIBLIA - traduson antigu in Krioulo

¹ Ami Paulu, N na roga bos, ami ku jinti fala kuma, ora ku N sta ku bos, N ta mansu, ma si N sta lunju, N ta sedu brabu pa bos. N na pidi bos, pa mansesa ku bondadi di Kristu,

2 Koríntius 10:1 ပူးပေါင်းရင်းမြစ်များ

Salmus 45:4

Monta kabalu, bu sai suma rei pa ngaña vitoria, pa difindi bardadi, mansesa ku retidon. Bu mon direita na fasi kusas garandi, meduñu.

Zakarias 9:9

Prasa di Sion, fika kontenti! Prasa di Jerusalen, kanta ku alegria! Ali bu rei na bin pa bo, Salbadur justu, umildi, montadu na un buru, montadu na fijusiñu di buru.

Mateus 11:29

Bo toma ña kanga pa bos, bo nsina di mi, pabia ami i mansu, umildi di korson; bo ta bin oja diskansu pa bo alma,

Mateus 21:5

“Bo fala prasa di Sion: ‘Ali bu Rei na bin pa bo, mansu, montadu na un buru, montadu na fijusiñu di buru, animal di kargu.’ ”

Atus 8:32

Parti di Skritura ki na leiba i es: “I lebadu suma karnel pa matadur. Manera ku karnelsiñu ta mudu dianti di kil ku na tiskial, asin tambi ki fika kaladu.

Romanus 10:20

Isaias osa skirbi kuma Deus fala: “Kilis ku ka buskan, e ojan. N parsi pa kilis ku ka punta pa mi.”

Romanus 12:1

Asin ermons, pabia di garandi amor di Deus, N na pidi bos pa bo ntrega bo kurpu pa i sedu suma un sakrifisiu bibu, dedikadu son pa el, pa kontental. Es ki adorason ku bo dibi di fasi.

Romanus 15:15

N ten koraẑen pa skirbi bos pa N pudi lembranta bos utru kusas, pabia di fabur ku Deus dan

1 Koríntius 2:3

Oca N staba ku bos, N staba fraku, N na tirmi ku medu.

1 Koríntius 4:10

No sedu tulu pabia di Kristu, ma abos bo jiru na Kristu; anos i fraku ma abos bo forti. No njutidu; abos bo rispitadu.

1 Koríntius 4:21

Kal ku bo misti? Pa N bai nunde bos ku mantampa, o ku amor ku spiritu mansu?

2 Koríntius 10:10

Utru jinti ta fala: “Si karta forti, i pisadu, ma ora ki sta juntu ku nos i ka ta ten nin forsa; si palabra ka ta ten balur.”

2 Koríntius 10:2

ka bo obrigan, ora ku N bai la, pa N sedu brabu. N sibi sertu kuma N pudi sedu brabu ku kilis ku fala kuma no ta fasi kusa suma jinti di mundu.

2 Koríntius 10:7

Bo na jubi pa kusas suma ki ta parsi. Si i ten algin la ku fiansa kuma el i di Kristu, pa i pensa utru bias na si kabesa. Suma ki sedu di Kristu, asin tambi ku no sedu.

2 Koríntius 11:21

N burguñu fala kuma no fraku dimas! Na kil ku algin ten koraẑen di fala (N na fala suma tulu), ami tambi N ten koraẑen.

2 Koríntius 11:30

Si i pirsis njata, N ta njata na kusas ku mostra ña frakesa.

2 Koríntius 12:5

Aserka de omi N pudi njata, ma di mi propi N ka na njata; son na kusas ku ta mostra ña frakesa ku N pudi njata.

2 Koríntius 3:12

No papia ku koraẑen pabia no ten e speransa.

2 Koríntius 5:20

Asin, no bin suma mbaŝadur di Kristu. I suma ki Deus propi ku na roga bos ku no boka. No pidi bos, na nomi di Kristu, pa bo fasi pas ku Deus.

2 Koríntius 6:1

Anos ku na tarbaja juntu ku Deus, no na pidi bos ku risibi ja fabur di Deus, pa ka bo tenel na nada.

2 Koríntius 7:4

N na papia abertamenti ku bos; N ta njata pabia di bos; na tudu no fadiga N sta ku garandi koraẑen; N inci di kontentamentu tok i na darma.

Gálatas 4:13

Bo sibi kuma i duensa na ña kurpu ku pun pa N bai konta bos Bon Noba purmeru bias,

Gálatas 5:2

Bo sukuta ke ku N na fala. Ami Paulu, N na fala bos kuma, si bo seta sedu sirkunsidadu, Kristu ka ta ten nin balur pa bos.

Efésius 3:1

Pabia di kila, ami Paulu, katibu di Kristu Jesus pabia di bos jintius, N ora Deus.

Efésius 4:1

E ku manda, ami ku sedu katibu pabia N na sirbi Siñor, N roga bos pa bo vivi konformi manera di vida ku bo comadu pa el,

Filipensis 4:5

Bo mansesa pa i kunsidu pa tudu jinti. Siñor sta pertu.

Kolosensis 1:23

Bo ten ku kontinua na bo fe, firmi na bo alisersu. Ka bo disa bo rinkadu na speransa di Bon Noba ku bo obiba. I e Bon Noba ku kontadu pa tudu kriatura bas di seu, ku ami Paulu N pudu pa N tarbaja nel.

2 Tesalonisensis 3:17

N skirbi es ku ña mon propi: Manteña di Paulu. Es i manera ku N ta sina tudu karta. I asin ku N ta skirbi.

Filemon 1:19

Ali N na skirbi ku ña propi mon: Ami Paulu N na pagau. N ka pirsisa di falau kuma bu dibin bu propi kabesa.

Filemon 1:9

ma N misti pidiu, pabia de amor, mesmu ku N sedu Paulu bejoti, gosi prezu pa amor di Kristu Jesus.

1 Pedru 2:11

Ña kiridus, suma ku bo sedu ospris stranjeru, N pidi bos pa bo libra di mau diseẑu di kurpu, ku ta geria kontra alma.

Apokalipsi 1:9

Ami Jon, bo ermon, bo kumpañer na kastigu ku no na sufri ku pasensa di Jesus, suma no sedu di si renu, N staba na jiu ku comadu Patmos, pabia di konta palabra di Deus, di da tustumuñu di Jesus.