2 Koríntius 1:4 - BIBLIA - traduson antigu in Krioulo

⁴ ku ta animanu na tudu kasabi, pa no pudi tambi anima utrus na tudu koldadi kasabi. No ta da utrus ki koraẑen ku anos propi no risibi di Deus.

2 Koríntius 1:4 ပူးပေါင်းရင်းမြစ်များ

Salmus 32:5

Asin, N konfesa ña pekadu; N ka sukundi mal ku N fasi. N fala kuma N na konfesa SIÑOR kusas mau ku N fasi; bu purdan kulpa di ña pekadu. Sela

Salmus 32:7

Abo i ña kau di sukundi; bu ta guardan di foronta. Bu ta tajan ku kantigas di kontentamentu ku di libramentu. Sela

Salmus 66:16

Abos tudu ku rispita Deus, bo bin, bo obi; N na konta ke ki fasi pa mi.

Salmus 86:17

Mostran sinal di bu fabur, SIÑOR, pa kilis ku ten odiu di mi pudi fika ku borgoña ora ke oja kuma bu na judan, bu konsolan.

Isaias 12:1

Na ki dia bu na fala: “O SIÑOR, N falau obrigadu. Bu tenba raiba kontra mi, ma bu raiba fria, bu konsolan.

Isaias 40:1

Bo Deus fala: “Bo konsola ña pobu, bo konsola elis.

Isaias 49:10

Nunka e ka na tene fomi nin sedi; nin kalur, ku fadi sol, ka na foronta elis, pabia kil ku ta ten pena delis i na gia elis, i leba elis diritu pa ujus di fonti.

Isaias 51:12

“I ami, ami propi ku ta konsola bos. Ke ku manda bu na medi omi ku ta muri, o fiju di omi ku fraku suma paja?

Isaias 51:3

SIÑOR na konsola Sion; i na ten pena di tudu si kaus ku danadu. I na pui si lala pa i sedu suma Eden; i na pui kau ku ka tene nada pa i sedu suma jardin di SIÑOR. Sion na ten kontentamentu ku alegria; jinti na gardisi Deus ku kantiga bonitu.

Isaias 52:9

Kaus ku danadu na Jerusalen, bo junta, bo rebenta ku kantiga di kontentamentu, pabia SIÑOR konsola si pobu, i liberta Jerusalen.

Bon Noba di Jesus Kristu ku Jon 14:16

N na pidi ña Pape; el i ta da bos utru Judadur ku na fika ku bos pa sempri,

Bon Noba di Jesus Kristu ku Jon 14:18

“N ka na disa bos dingidu; N na riba pa bos.

Bon Noba di Jesus Kristu ku Jon 14:26

Ki Judadur, ku sedu Spiritu Santu ku ña Pape na manda na ña nomi, i na bin nsina bos tudu kusas; i na fasi bos lembra tudu kusas ku N fala bos.

2 Koríntius 7:13

E ku manda no staba animadu asin. No ka staba son animadu, ma alegria di Titu fasinu mas kontenti, manera ku abos tudu bo juda dal animu.

2 Koríntius 7:4

N na papia abertamenti ku bos; N ta njata pabia di bos; na tudu no fadiga N sta ku garandi koraẑen; N inci di kontentamentu tok i na darma.

Filipensis 1:14

Pabia di ña kalabus, mas parti di ermons na Siñor e ten mas animu pa fala palabra di Deus ku koraẑen, sin medu.

1 Tesalonisensis 4:18

Bo ba ta konsola ŋutru ku e palabra.

1 Tesalonisensis 5:11

Asin bo da ŋutru koraẑen, bo juda ŋutru, suma ku na bardadi bo na fasi ja.

Ebreus 12:12

Asin bo lantanda bo mon kansadu, bo tesanta bo juju ku na tirmi!