2 Koríntius 1:22 - BIBLIA - traduson antigu in Krioulo

²² I el tambi ku punu si marka, i danu si Spiritu dentru di no korson suma garantia.

2 Koríntius 1:22 ပူးပေါင်းရင်းမြစ်များ

Ezekiel 9:4

i falal: “Pasa na metadi di prasa di Jerusalen, bu pui sinal na rostu di kilis ku sta tristi, e na cora pabia di kusas nujenti ku na fasidu la.”

Bon Noba di Jesus Kristu ku Jon 3:33

Kin ku seta si palabra i ta konfirma kuma Deus ta fala bardadi.

Bon Noba di Jesus Kristu ku Jon 6:27

Ka bo tarbaja pa kumida ku ta dana, ma bo tarbaja pa kumida ku ka ta dana, ku ta fika pa vida ku ka ta kaba, ku Fiju di omi na bin da bos, pabia Deus si Pape pui si karimbu riba del.”

Romanus 4:11

I risibi sirkunsison suma sinal di kuma i sedu justu pabia di si fe antis di i sirkunsidadu, pa i pudi sedu pape di tudu kilis ku fia ku ka sirkunsidadu, pa elis tambi pudi ojadu justu;

Romanus 8:23

I ka el son, ma anos tambi ku risibi purmeru pursenti di Deus, ku sedu si Spiritu, no na jimi dentru di nos, suma ku no na pera pa Deus fasinu si fijus, pa i libra no kurpu.

Romanus 8:9

Abos, bo ka na yanda ja na vontadi di bo kurpu, ma na vontadi di Spiritu, si na bardadi Spiritu di Deus sta na bos. Kin ku ka tene Spiritu di Kristu, si dunu i ka del.

2 Koríntius 5:5

I Deus propi ku purparanu pa e mudansa; i danu si Spiritu pa i sedu no garantia.

Efésius 4:30

Ka bo pui Spiritu Santu di Deus pa i sta tristi, pabia Spiritu i un marka ku bo markadu ku el pa dia di libertason.

1 Tesalonisensis 4:8

Asin, kil ku nega es, i ka palabra di omi ki nega, ma i Deus ki nega, ku ta da bos si Spiritu Santu.

2 Timótiu 2:19

Deus pui un alisersu firmi ku ka pudi bulbulidu; riba del i skirbidu e palabra: “Siñor kunsi kil ki di sil.” Tambi i fala: “Kil ku ta coma nomi di Siñor dibi di lunjusi di fasi mal.”

Apokalipsi 2:17

“‘Kin ku tene oreja, pa i obi ke ku Spiritu na fala igreẑas. Kil ku vensi, N na dal utru maná sukundidu. N na dal tambi pedra branku ku skirbidu nobu nomi ku ningin ka kunsi, son kil ku risibil.’

Apokalipsi 7:3

i fala: “Ka bo dana tera nin mar, nin arvuris, tok no pui marka di karimbu na testa di servus di no Deus.”

Apokalipsi 9:4

E faladu pa ka dana erva, nin un planta verdi, nin un arvuri, ma son jinti ku ka tene marka di Deus na se testa. x