1 Timótiu 6:4 - BIBLIA - traduson antigu in Krioulo

⁴ si dunu sta incadu di orgulyu, i ka sibi nada. I ta lantanda purfia, i ta jusia aserka di palabras. Asin i ta tisi nveẑa, purfia, koba mal, mau diskunfiansa,

1 Timótiu 6:4 ပူးပေါင်းရင်းမြစ်များ

Ditus 13:7

I ten omi ku ta finji sedu riku, ma nada i ka tene; utru ta finji koitadi, ma i tene manga di rikesa.

Ditus 25:14

Kil ku ta purmiti kusas, ma i ka da, i suma nuven ku bentu ku ka tisi cuba.

Ditus 26:12

Bu ciga di oja un omi ku pensa kuma i jiru? Tulu mas ten speransa di ki el.

Isaias 58:4

Bo junjun ta kaba na jus ku gera, tok bo ta sukia ŋutru ku malvadesa. Ka bo fasi e koldadi junjun si bo misti pa bo fála obidu na seu.

Atus 15:2

Paulu ku Barnabé bin ten garandi diskutison ku jus ku elis. Jinti di igreẑa rezolvi kuma Paulu ku Barnabé ku utrus di Antiokia ta bai pa Jerusalen pa bai ruma e kombersa ku apostolus ku garandis.

Atus 18:15

ma si bo na diskuti son kusa di palabra o nomi, o di bo lei, bo tratal abos propi, pabia N ka misti sedu juis de kusas.”

Atus 8:9

I staba la un omi comadu Simon ku tarda ta fasi arti di jambakus, i na nganaba jinti di Samaria, i ta fala kuma el i algin garandi.

Romanus 12:16

Bo sedu unidu entri bos. Ka bo buska garandesa ma bo sedu amigu di jinti umildi. Ka bo oja na bo kabesa kuma bo sibi.

Romanus 13:13

No yanda onestu, suma kin ku na yanda di dia. Ka no yanda na wukesa, na camidera, na vida susu, na puku borgoña, na jusia, nin na nveẑa,

Romanus 14:1

Bo risibi kil ki fraku na fe; ka bo diskuti ku el na sintidu ki ten.

Romanus 2:8

ma kilis ku na fasi se propi vontadi, ku nega sigi bardadi, e misti son mal, e na risibi son raiba ku kastigu.

1 Koríntius 11:16

Si algin misti diskuti e kusa li, N pudi kontal kuma no ka ten e kustumu, nin igreẑas di Deus ka tenel.

1 Koríntius 11:18

Purmeru kusa, N obi kuma, si bo junta pa adora Deus, bo ta dividi grupus. Na un parti N fia kuma i bardadi.

1 Koríntius 3:18

Ka ningin ngana si kabesa. Si algin na bo metadi kuda kuma i ten jiresa de mundu li, i minjor i fasi tulu pa i pudi sedu jiru di bardadi,

1 Koríntius 3:3

pabia bo na yanda inda suma jinti de mundu. Manera ku na bo metadi i ten inda nveẑa ku jus, bo ka sedu nan jinti di mundu? Bo ka na yanda suma utru jinti?

2 Koríntius 11:20

Kualker algin ku na forsija bos, ku na kume bos, ku na paña bos, ku ta yalsa ombra riba di bos, ku na bofotia bos, bo ta nguental.

Gálatas 5:15

Ma si bo na murdi, bo molosta ŋutru, bo toma sintidu pa ka bo kaba ku ŋutru.

Gálatas 5:26

Ka no sedu garandiosu, pa ba ta provoka ŋutru, pa nveẑa ŋutru.

Gálatas 6:3

Si algin kuda kuma el i algin, ma el i ka ningin, i na ngana si kabesa.

Filipensis 1:15

Na bardadi utru delis ta konta Bon Noba di Kristu pabia e ten nveẑa ku spiritu di jus, ma utrus ta fasil di bon vontadi.

Filipensis 2:14

Bo fasi tudu kusa sin keŝa o diskuti,

Filipensis 2:3

Ka bo fasi nada ku spiritu di kumbosadia o di garandesa, ma ku umildadi kada kin dibi di oja si kumpañer mas di ki el.

Kolosensis 2:18

Ka bo seta kondenason di jinti ku ta misti julga bos, ku ta finji umildi, ku ta adora anjus, ku ta fala kuma e oja vison. Ki jinti sta incadu amonton pa se ntindimentu di se propi kabesa,

2 Tesalonisensis 2:4

I na sedu inimigu ku na lanta kontra tudu ku comadu deus, ku tudu kusa ku ta adoradu, tok i na yentra, i sinta na templu di Deus, pa i mostra kuma el i Deus.

1 Timótiu 1:4

nin pa ka e liga ku storias ku ki listas kumpridu di jinti antigu ku ka ta kaba, pabia i ta tisi son diskutison; i ka ta judanu kunsi planu di Deus ku ta bin di fe.

1 Timótiu 1:7

E misti sedu pursoris di lei, ma e ka ntindi nin palabras ke na papia, nin asuntu ke na afirma ku garandi fiansa.

1 Timótiu 3:6

I dibi di sedu algin maduru na fe, pa ka i fika incadu ku orgulyu, i bin kai na kondenason suma ku diabu kai.

2 Timótiu 2:14

Lembranta elis e kusas; bu avisa elis ku tudu seredadi dianti di Deus pa e para purfia aserka di palabras, pabia i ka ta juda nada, ma i ta dana kilis ku na obi.

2 Timótiu 2:23

Lunjusi di purfias di tulesa di kilis ku ka sibi nada, ku bu sibi i ta tisi son jus.

2 Timótiu 3:4

falsiaduris, ntemus, orgulyosu. Te pa e ama Deus, e na ama sabura de mundu.

Titu 3:9

Libra di purfias di tulesa, ku ki listas di jinti antigu, ku jus, ku diskuti kusa di lei, pabia i ka ten purbitu; i suma nada.

Tiagu 1:19

Ña kiridu ermons, bo lembra de kusa li, kuma tudu algin dibi di sta pruntu pa obi, ma pa i tarda pa papia, pa i tarda pa raiba,

2 Pedru 2:12

ma e omis ta yanda suma ke misti, suma limarias ku ka ta pensa, ku padidu pa kria pa mata. E ta fala mal di kusas ke ka ntindi. E na kabadu ku el suma limarias.

2 Pedru 2:18

E ta fala palabras di njatamentu ku ka ten balur. Na se diseẑu mau di kurpu ku se vida susu e ta ngoda kilis ku kumsa na kapli nan di jinti ku na yanda mal.

Judas 1:10

Ma e jinti e ta tene palabra mau di kusas ke ka ntindi. I ten utru kusas ke ta ntindi suma ku limaria ku ka ta kuda ta ntindi. I e kusas propi ku ta dana elis.

Judas 1:16

E jinti ruidur e ciu keŝasiñu; e ta yanda konformi se diseẑu mau. Palabras di garandesa ta sai na se boka. E ta bari utru jinti paja pa se interes.

Apokalipsi 3:17

Bu fala bu sedu riku, bu tene tudu, nada ka faltau; bu ka sibi kuma abo i un koitadi, disgrasadu, pobri, segu i nun.