1 Timótiu 6:3 - BIBLIA - traduson antigu in Krioulo

³ Si algin nsina utru dutrina, i ka seta palabra di bardadi di no Siñor Jesus Kristu, nin nsinamentu di no riliẑion,

1 Timótiu 6:3 ပူးပေါင်းရင်းမြစ်များ

Ditus 15:4

Palabra sabi i arvuri di vida, ma palabra tortu ta kebranta spiritu.

Mateus 22:21

E falal: “I di rei garandi.” I fala elis: “Bo da rei kil ki di rei; bo da Deus kil ki di Deus.”

Mateus 28:20

Bo nsina elis pa e obdisi tudu kusas ku N manda bos. Ami N na sta ku bos tudu dia te na kabantada di tempu.’

Romanus 16:17

Ermons, N na roga bos pa bo toma sintidu ku kilis ku ta bai kontra nsinu ku bo dadu; e ta tisi divison na bo metadi, e ta pui utrus pa e kai na fe. Bo lunjusi delis,

1 Tesalonisensis 4:8

Asin, kil ku nega es, i ka palabra di omi ki nega, ma i Deus ki nega, ku ta da bos si Spiritu Santu.

1 Timótiu 1:10

kilis ku ta yanda na vida susu, kilis ku ta torkia atu seksual, furtaduris di jinti, munturusis, ku kilis ku ta lantanda falsu tustumuñu, pa tudu kil ki kontra bon nsinamentu

1 Timótiu 1:3

Oca ku N na baiba pa Masedonia, N rogau pa bu fika na Éfesu, pa manda sertu jinti pa e para ku nsinamentus falsu,

1 Timótiu 1:6

Utru jinti disvia de kusas, e bai miti na diskutison di tulesa.

2 Timótiu 1:13

Pega tesu na palabra di bardadi ku N nsinau, pabia i isemplu pa bo. Fika na fe ku amor ku no ten na Kristu Jesus.

2 Timótiu 4:3

Tempu na bin ke ka na seta bon nsinamentu, ma e na sigi se vontadi propi; e na junta manga di pursor ku na konta elis kusas ku se oreja na kosa elis pa obi.

Titu 1:1

E karta i di mi, Paulu, servu di Deus, apostolu di Jesus Kristu, ku mandadu pa juda na fe di kilis ku Deus kuji, pa leba elis pa kunsi bardadi konformi no fe,

Titu 1:9

I ten ku pega na palabra sertu di nsinamentu, pa i pudi ten puder pa konsija ku nsinamentu di bardadi, suma tambi pa mostra eru di kilis ku sta kontra el.

Titu 3:8

Es i palabra ku bu pudi fia nel. Konta e kusas ku firmesa, pa tudu kilis ku fia na Deus pui sintidu pa da se tempu pa fasi bon tarbaju. I ka son kuma i bon, ma i di purbitu pa tudu jinti.