1 Timótiu 6:2 - BIBLIA - traduson antigu in Krioulo

² Kilis ku tene mestre krenti e ka dibi di lebsil suma e sedu ermons, ma e dibi di sirbil inda minjor, pabia kil ku na purbita di se tarbaju i krenti ke ama. N rogau pa bu nsina, bu konsija e kusas.

1 Timótiu 6:2 ပူးပေါင်းရင်းမြစ်များ

Joel 2:28

“Mas tardi, N na darma ña Spiritu riba di tudu jinti. Bo fijus macu ku femia e na anunsia rekadu di Deus; bo omis beju e na ba ta suña; bo jovens na oja visons.

Numerus 16:3

E junta kontra Moisés ku Aron, e fala elis: “Bo na pasanta! Tudu e pobu i sagradu, kada un delis! SIÑOR sta na se metadi. Ke ku manda bo na yalsa bo kabesa riba di pobu di SIÑOR?”

Mateus 23:8

“Ma abos, ka bo misti pa jinti coma bos ‘Mestre’, pabia un son ki bo Mestre; abos tudu i ermons.

Mateus 25:40

Rei na ruspundi elis: ‘Na bardadi, N na konta bos, kada bias ku bo fasilba pa un de ña ermons mas pikininu, i ami propi ku bo fasil.’

Mateus 6:24

“Ningin ka pudi tarbaja pa dus patron, pabia i na bin gosta di un, i ka na gosta di ki utru, o i sta pruntu pa tarbaja pa un, i ta njuti ki utru. Bo ka pudi tarbaja pa Deus, bo tarbaja pa rikesa tambi.

Atus 1:15

Na ki dias, na un runion nunde ku kuas sentu i vinti disipulu junta, Pedru lanta na se metadi, i fala:

Romanus 11:17

Si utru ramus kebradu, abo ku sedu olivera brabu bu njujadu na lugar delis, bu ten parti na rais ku liti di olivera,

Romanus 8:29

Kilis ki kunsi disna di kumsada, tambi i distinaba ja elis pa e parsi suma si Fiju, pa ki Fiju pudi sedu garandi na metadi di manga di ermon.

Gálatas 5:6

Si no sta unidu ku Kristu Jesus, nin sirkunsison nin falta del ka ta fasi diferensa. Kusa mas importanti i fe ku ta tarbaja ku amor.

Efésius 1:1

Ami Paulu, apostolu di Kristu Jesus pa vontadi di Deus, N na skirbi pa pobu di Deus ku sta na Éfesu, ku sedu fiel na se union ku Kristu Jesus.

Efésius 1:15

Pa e roson, desdi ku N obi di bo fe na Siñor Jesus, ku amor ku bo ten pa tudu pobu di Deus,

Efésius 3:6

Ki sigridu i kuma, pabia di Bon Noba, jintius ten parti juntu ku judeus na bon kusas ku Deus ta da. E juntadu na mesmu kurpu; e na ten parti na purmesa ku Deus fasi na Kristu Jesus.

Kolosensis 1:2

no na skirbi pa pobu di Deus na Kolosus, no ermons fiel na Kristu. Deus no Pape pa i da bos fabur ku pas.

Kolosensis 1:4

manera ku no obi di bo fe na Kristu Jesus, ku amor ku bo ten pa tudu pobu di Deus.

Kolosensis 4:1

Abos, mestres, bo trata bo katibus na manera justu i bon. Bo lembra kuma bo tene tambi un Mestre na seu.

2 Tesalonisensis 1:3

Ermons, no ten ku fala Deus obrigadu pa bos sempri. No dibi di fasi asin propi pabia bo fe na kirsi dimas. Amor ku kada un di bos ten pa ŋutru i na darma kada bias mas na bo metadi.

1 Timótiu 4:11

Da elis e ordi ku nsinamentu.

1 Timótiu 5:1

Ka bu papia duru ku omis beju, ma konsija elis suma bu pape. Trata rapasis suma bu ermons.

Titu 2:1

Abo, bu dibi di fala kil ki diritu konformi bon nsinamentu.

Titu 2:15

Nsina e kusas, bu konsija, bu raprindi elis ku tudu otridadi. Ka bu disa ningin lebsiu.

Titu 3:8

Es i palabra ku bu pudi fia nel. Konta e kusas ku firmesa, pa tudu kilis ku fia na Deus pui sintidu pa da se tempu pa fasi bon tarbaju. I ka son kuma i bon, ma i di purbitu pa tudu jinti.

Ebreus 3:1

Asin, ermons krenti ku Deus coma, bo pui sintidu na Jesus, ku sedu Apostolu i Ŝef di Saserdoti di ki fe ku no ta konta kuma i di nos.

Ebreus 3:14

Gosi no toma parti na Kristu, si no rakada no fiansa di kumsada firmi te na fin.

1 Pedru 5:1

N na papia gosi pa kilis na bo metadi ku sedu presbiterus, ami ku sedu presbiteru tambi suma elis, ku sedu tustumuña di sufrimentu di Kristu, ku na bin toma parti na gloria ku ten ku mostradu.

2 Pedru 2:10

Riba di tudu, i na kastiga kilis ku na yanda na susidadi di vontadi di se kurpu, e na njuti otridadi, e sedu kunfiadu, e ta yalsa ombra, e ka medi fala mal di kriaturas ku sta na seu.

Judas 1:8

Na mesmu manera tambi, e jinti e ta tene suñu ku ta leba elis pa e dana se kurpu ku pekadu; e ta nega fika bas di otridadi; e ta koba anjus di seu.