1 Timótiu 5:8 - BIBLIA - traduson antigu in Krioulo

⁸ Si algin ka ta trata di si parentis, purmeru kilis ku mas pertu el, i nega si fe; i pior di ki algin ku ka sedu krenti.

1 Timótiu 5:8 ပူးပေါင်းရင်းမြစ်များ

Kumsada 30:30

Ki un bokadiñu ku bu teneba antis di N bin, i buri ciu dimas. SIÑOR bensuau pabia di ña tarbaju. Kal tempu ku N na kumsa tarbaja pa ña propi familia?”

Isaias 58:7

Tambi i pa bu rapati bu kumida ku kil ku tene fomi, bu rukuji koitadis refuẑiadu na bu kasa, bu kubri kil ku bu oja i na yanda nun, tambi pa bu ka nega juda bu parentis.

Mateus 18:17

Si i nega obi elis, konta asuntu na igreẑa. Tambi si i nega obi igreẑa, tratal suma algin ku ka kunsi Deus, suma kobradur di mpustu.

Mateus 7:11

Si abos, ku sedu mau, bo sibi da bo fijus bon kusas, ku fadi bo Pape ku sta na seu ta da bon kusas pa kilis ku pidil!

Bon Noba di Jesus Kristu ku Jon 15:22

Si ami N ka binba, nin N ka fala ku elis, e ka ta tenba kulpa na se pekadu, ma gosi e ka ten diskulpa di se pekadu.

1 Koríntius 6:6

Ma un ermon ta leba si ermon na justisa dianti di kilis ki ka krentis!

2 Koríntius 12:14

Ali N sta pruntu pa bai visita bos terseru bias. N ka na kume na bo kusta, pabia N ka na buska kil ki di bos, ma bos propi. I ka fiju ku ta junta kusas pa papes, ma i papes ku ta junta pa fijus.

2 Koríntius 6:15

Kuma ku Kristu ku Belial pudi fila? O kuma ku krenti pudi junta mon ku kil ki ka krenti?

Gálatas 6:10

Asin, nkuantu no ten manera, no fasi ben pa tudu jinti, ma purmeru pa no familia na fe.

2 Timótiu 2:12

Si no fika firmi, tambi no na rena ku el. Si no negal, el tambi i na neganu.

2 Timótiu 3:5

E na parsi suma e ten riliẑion, ma e na nega si puder. Lunjusi di ki koldadi jinti.

Titu 1:16

E fala kuma e kunsi Deus, ma e ta negal ku kusas ke ta fasi. E sedu disobdienti, susu dianti di Deus; e ka dignu di fasi nin un bon tarbaju.

2 Pedru 2:1

Suma i tenba anunsiaduris falsu antigamenti na metadi di jinti, asin tambi i na ten pursoris falsu na bo metadi. E na miti nsinamentu ki ka bardadi, ku ta dana; e ta nega Mestre ku liberta elis; e ta tisi danu di repenti riba di se kabesa.

Judas 1:4

Utru jinti ku nega Deus e ranja-ranja manera di yentra, e tursi palabra ku konta aserka di fabur di no Deus, pa i sedu diskulpa di se mau vida; e nega Jesus Kristu, kil son ku ta manda, ku sedu no Siñor. Disna, Skritura jumna konta e kondenason ke sta nel.

Apokalipsi 2:13

N kunsi kau ku bu mora; i nunde ku tronu di Satanas sta nel. Bu fika fiel na ña nomi, bu ka nega bu fe na mi, mesmu na dias di Antipas, ña fiel tustumuña, ku matadu na bo metadi nunde ku Satanas ta mora.

Apokalipsi 3:8

N sibi ke ku bu na fasi. Bu ten puku forsa ma bu obdisi ña palabra, bu ka nega ña nomi. Ali N pui un porta abertu bu dianti, ku ningin ka pudi fica.