1 Timótiu 5:6 - BIBLIA - traduson antigu in Krioulo

⁶ ma viuva ku ntrega si kabesa na sabura de mundu, nin ki sta inda di vida, i sta mortu.

1 Timótiu 5:6 ပူးပေါင်းရင်းမြစ်များ

Kumsada 2:17

ma arvuri ku ta da kuñisimentu di ben ku mal, ka bu kumel, pabia dia ku bu kumel, bu na muri.”

Ditus 29:21

Si bu da servu tudu ki misti desdi pikininu, un dia i na misti sedu bu fiju.

Isaias 22:13

Ma ke ki na oja? Bo na ri, bo kontenti, bo mata bakas ku karnel, bo kume karni, bo bibi biñu, bo fala: “No kume, no bibi, pabia amaña no na muri.”

Isaias 47:1

“Abo, Babilonia, ria na tronu, bu sinta na reia na con. Bu seduba suma bajuda, ma jinti ka na fala mas kuma abo i finu, bu tene peli bonitu.

Jeremias 6:2

Prasa di Sion i bonitu, i finu, ma N na danal.

Miskiñu di Jeremias 4:5

Kilis ku ta kumeba bon kumida e na dismaja na ruas. Kilis ku kriadu ku ropa di balur e na buska kumida na muntudu.

Mateus 8:22

Jesus falal: “Sigin, bu disa mortus ntera se mortus.”

Lukas 12:19

N ta fala ña kabesa: ‘Omi, bu tene manga di kusa guardadu pa manga di anu. Diskansa, bu kume, bu bibi, bu divirti.’

Lukas 15:13

“I pasa puku dias, ki fiju mas nobu i bindi tudu ki tene, i junta diñeru, i bai pa un tera lunju. La i kumsa na dana si diñeru na parodia.

Lukas 15:24

pabia e ña fiju staba mortu, i torna bibu; i pirdiba, i ojadu.’ E kumsa ku kontentamentu.

Lukas 15:32

ma i bon pa no fasi festa, no kontenti, pabia bu ermon staba mortu, i torna bibu; i pirdiba, i ojadu.’ ”

Lukas 16:19

“I tenba un omi riku ku ta bisti ropa finu, karu; i ta kume sabi, i ta ronka ben.

Lukas 7:25

Ke ku bo bai jubi? Un omi ku bisti ropa bonitu? Kilis ku ta bisti ropa finu, ku ta sta na sabura, na palasiu di rei ke ta sta.

Efésius 2:1

Na tempu ku pasa bo spiritu staba mortu pabia di bo pekadu ku maldadi.

Efésius 2:5

i vivifikanu juntu ku Kristu, oca no spiritu staba inda mortu pabia di no pekadu. I pabia di si fabur ku no sedu salbu.

Efésius 5:14

E ku manda i fala na un kantiga: “Korda, abo ku na durmi! Lanta na metadi di mortus; Kristu ta numiau.”

Ripitison di Lei 28:54

Ki omi mas finu na bo metadi, ku tene bon kriason, i ka na misti rapati nada ku si ermon, nin ku si minjer ki ama, nin ku si fijus ki sobra ku elis inda.

Ripitison di Lei 28:56

Ki minjer mas finu na bo metadi, ku tene bon kriason, ku sedu finu dimas tok i ka ta osa pui pata di pe na con, i ka na misti rapati nada ku si omi ki ama, nin ku si fijus macu o femia.

Kolosensis 2:13

Bo staba mortu pabia di bo pekadu, tambi pabia bo seduba jintius ku ka ta sigi lei di Moisés, ma Deus vivifika bos juntu ku Kristu. I purdanu tudu no pekadu,

2 Timótiu 3:6

Na se metadi i ten kilis ku ta ranja manera di kibi na kasas di jinti, pa ngaña minjeris di kabesa lebi ku ta sinti pesu di se pekadu, e ta lebadu pa tudu koldadi diseẑu;

Tiagu 5:5

Bo vivi na mundu ku manga di ronku ku alegria. Bo ngorda bo korson suma limaria ku algin na kria pa mata.

Apokalipsi 18:7

Bo midil tristesa ku sufrimentu pa i justa ku garandesa ku ronku ki da si kabesa, pabia i fala na si korson: ‘N sinta suma raiña; ami i ka viuva; nunka N ka na tene cur.’

Apokalipsi 3:1

“Skirbi pa anju di igreẑa di Sardu, bu falal: ‘Es i palabra di kil ku tene seti spiritu di Deus ku seti strela: N sibi ke ku bu na fasi; bu tene nomi di bibu ma bu sta mortu.

1 Samuel 15:32

Dipus Samuel fala: “Tisin Agag, rei di amalekitas, pa li.” Agag bai pa el fiansadu, i na fala na si sintidu: “Sertamenti malgosadura di mortu i pasa ja.”

1 Samuel 25:6

bo falal: ‘N dijau pas, abo ku bu familia ku tudu ku bu tene.