1 Timótiu 5:18 - BIBLIA - traduson antigu in Krioulo

¹⁸ pabia Skritura fala: “Ka bu mara boka di turu ku sta na tarbaju di masa arus.” I fala tambi: “Un tarbajadur mersi pagamentu.”

1 Timótiu 5:18 ပူးပေါင်းရင်းမြစ်များ

Sirmonias 19:13

“Ka bu splora bu kumpañer nin ka bu furta ke ki di sil. Pagamentu di bu tarbajadur i ka na fika ku bo te parmaña.

Mateus 10:10

Ka bo leba pasta, nin dus kamisa, nin sapatu, nin manduku, pabia tarbajaduris ten diritu di se sustentu.

Lukas 10:7

Bo fika na ki mesmu kasa, bo kume, bo bibi kil ke tene, pabia tarbajadur mersi si pagu. Ka bo munda pa kada kasa.

Romanus 10:11

Skritura fala kuma tudu ku setal ka ta pasa borgoña.

Romanus 11:2

Deus ka nega si pobu ki kunsi disna di kumsada. O bo ka sibi ke ku Skritura konta di Elias, kuma ki papia ku Deus kontra Israel? I fala:

Romanus 4:3

Nta ke ku Skritura fala? I fala kuma: “Abraon fia na Deus; si fiansa pui Deus ojal justu.”

Romanus 9:17

Na Skritura Deus fala Faraó: “E ku manda N lantandau, pa N mostra ña puder na bo, pa ña nomi kontadu na tudu mundu.”

1 Koríntius 9:14

Asin tambi Siñor manda pa kilis ku na konta Bon Noba pa e sustentadu nel.

Gálatas 3:8

Skritura jumna mostra kuma, Deus ta fasi jintius justu si dianti pabia di se fe, suma ku Deus konta Abraon Bon Noba kuma, tudu nasons ten ku sedu bensuadu pabia del.

Ripitison di Lei 25:4

Ka bu mara boka di turu ku sta na tarbaju di masa arus.

Tiagu 4:5

Bo kuda kuma Skritura fala amonton kuma, spiritu ku Deus pui na nos i kumboseru?