1 Timótiu 5:15 - BIBLIA - traduson antigu in Krioulo

¹⁵ pabia utrus disvia ja, e bai tras di Satanas.

1 Timótiu 5:15 ပူးပေါင်းရင်းမြစ်များ

Mateus 4:10

Jesus falal: “Sai li, Satanas, pabia i sta skritu: ‘Bu na adora Siñor bu Deus; i el son ku bu na sirbi.’ ”

1 Timótiu 1:20

Entri elis i sedu Imeneu ku Alŝandri, kilis ku N ntrega Satanas, pa e pudi nsina ka ba ta papia mal di Deus.

2 Timótiu 1:15

Bu sibi kuma tudu kilis ku sta na pruvinsia di Asia e bandonan, tudu ku Fijelu ku Ermójenis.

2 Timótiu 2:18

e disvia di bardadi, e fala kuma resureison pasa ja. Asin e dana fe di utru krentis.

2 Timótiu 4:10

pabia Demas ama e mundu di gosi, i bandonan, i bai pa Tesalónika. Kresenti bai pa Galásia, Titu pa Dalmasia.

2 Pedru 2:2

Manga di jinti ta sigi se mau vida. Pabia delis, jinti ta fala mal di kamiñu di bardadi.

2 Pedru 3:16

I asin ki fala na tudu si kartas oca ki na fala de asuntu. Utru kusa ki skirbi i ta kansadu pa ntindi; kilis ku ka sibi, o ku ka sedu firmi, e ta tursil, suma e ta fasi tambi ku utru Skrituras, pa se propi danu.

1 Jon 2:19

E sai na no metadi, ma e ka pertensinu, pabia si elis e seduba di nos e ta fikaba ku nos. E sai pa i pudi mostradu klaru kuma elis i ka di nos.

Apokalipsi 12:9

Ki garandi dragon fercadu, ku sedu antigu serpenti ku comadu diabu ku Satanas, ku ta ngana tudu mundu. I fercadu na tera, tudu ku si anjus.