1 Timótiu 4:8 - BIBLIA - traduson antigu in Krioulo

⁸ Trenamentu di kurpu i ten sertu purbitu, ma trenamentu spiritual i ten purbitu pa tudu, pabia i ten purmesa pa e vida li, ku vida ku na bin.

1 Timótiu 4:8 ပူးပေါင်းရင်းမြစ်များ

Jo 22:2

“Nta kualker omi, nin si i jiru, i ten purbitu pa Deus?

Jo 36:11

Si e obil, e sirbil, e ta kaba se dias na sabura, se anus na kontentamentu.

Salmus 145:19

Kilis ku rispital, i ta da elis kusa ke misti, i ta obi elis ora ke na comal, i ta salba elis.

Salmus 37:11

Jinti mansu na yarda tera, e na kontenti ku garandi pas.

Salmus 37:29

Justus na yarda ki tera, e na mora nel pa sempri.

Salmus 37:9

Jinti ku ta fasi mal e na tiradu na tera di Israel, ma kilis ku pui se speransa na SIÑOR e na yarda tera.

Salmus 84:11

SIÑOR Deus i sol, i tajadera; SIÑOR ta da fabur ku gloria. I ka ta nega da kualker kusa bon pa kilis ku ta yanda na retidon.

Ditus 19:23

Rispitu pa SIÑOR ta leba algin pa vida. Kil ku tenel i ta fika kontenti; mal ka na yangasal.

Ditus 22:4

Si bu baŝa kabesa, bu ten rispitu pa SIÑOR, bu na ngaña rikesa, rispitu ku vida.

Eklesiastis 8:12

Nin si un omi mau fasi mal sen bias, ma inda i tene vida kumpridu, N sibi sertu kuma kusas na kuri mas diritu ku kilis ku rispita Deus, e ten medu del.

Isaias 3:10

Bo fala jinti justu kuma kusas na kuri elis diritu; e na kume frutu di ben ke fasi.

Isaias 33:16

Es i ki algin ku na mora na kau mas altu; i na sta suguru na kau forti di montaña. I na dadu si pon; si yagu ka na faltal.

Jeremias 6:20

Ke ku N mporta ku nsensu ku ta bin di Sebá pa mi, ku minjor kana ku ta cera sabi di utru tera lunju? Bo ofertas kemadu e ka ta kontentan, nin bo sakrifisius ka sabi pa mi.

Mateus 12:32

Si algin fala un palabra kontra Fiju di omi, i ta purdadu, ma si algin papia kontra Spiritu Santu, i ka na purdadu, ne mundu nin na utru mundu.

Mateus 19:29

Tudu kil ku disa kasa, ermons, irmas, pape, mame, fijus, o teras, pabia di ña nomi, i na risibi sen bias mas ciu, tambi ku vida ku ka ta kaba,

Mateus 6:33

Purmeru kusa, bo buska renu di Deus, bo yanda diritu si dianti; asin, tudu e utru kusas, bo ta bin dadu el.

Markus 10:30

ku ka na risibi sen bias mas ciu ne tempu li, ku kasas, ermons macu ku femia, mames, ku fijus, ku bulañas, tambi ku pirsigison; na tempu ku na bin i na risibi vida ku ka ta kaba.

Lukas 5:38

Biñu nobu dibi di pudu na saku di kuru nobu.

Romanus 8:28

No sibi kuma Deus ta usa tudu kusa pa ben di kilis ku amal, kilis ki coma suma ki distina.

1 Koríntius 3:22

Paulu, Apolu, Sefas, e mundu, vida, mortu, gosi, ku futuru — tudu i di bos.

1 Koríntius 8:8

I ka kusa di kumida ku na cigantanu mas pertu di Deus, pabia no ka ta fika pior si no ka kume; no ka ta fika minjor si no kume.

1 Timótiu 4:7

Libra di storias di mundu suma kilis ku minjeris beju ta konta. Kontinua na bu disiplina di vida spiritual.

1 Timótiu 6:3

Si algin nsina utru dutrina, i ka seta palabra di bardadi di no Siñor Jesus Kristu, nin nsinamentu di no riliẑion,

1 Timótiu 6:5

ku diskutison ku ka ta kaba, di jinti ku se kabesa ka na tarbaja diritu; e ka ten ja bardadi. E ta kuda kuma riliẑion i fonti di ngañu.

1 Timótiu 6:6

Na bardadi, riliẑion i garandi fonti di ngañu, si no ten kontentamentu,

2 Timótiu 3:5

E na parsi suma e ten riliẑion, ma e na nega si puder. Lunjusi di ki koldadi jinti.

Titu 3:8

Es i palabra ku bu pudi fia nel. Konta e kusas ku firmesa, pa tudu kilis ku fia na Deus pui sintidu pa da se tempu pa fasi bon tarbaju. I ka son kuma i bon, ma i di purbitu pa tudu jinti.

Ebreus 13:9

Ka bo disa manga di koldadi nsinamentu strañu tira bos na bo kamiñu. I mas bon pa no korson risibi forsa di grasa di Deus te pa sigi regras di kumida, ku ka tisi nin purbitu pa kilis ku na yandaba di ki manera.

1 Jon 2:25

Es i kusa ki fala i na danu: vida ku ka ta kaba.

Apokalipsi 3:12

Kil ku vensi, N na fasil kuluna na templu di ña Deus, nunde ki ka na sai mas. N na skirbi nomi di ña Deus riba del, ku nomi di prasa di ña Deus, ku sedu nobu Jerusalen ku ña Deus na disinti di seu, ku ña nobu nomi tambi.

Apokalipsi 3:21

Kil ku vensi, N ta disal i sinta juntu ku mi na ña tronu, suma ku ami N vensi, N sinta ku ña Pape na si tronu.

1 Samuel 15:22

Samuel ruspundi i puntal: “Kal ku SIÑOR mas gosta del: ofertas kemadu ku sakrifisius o pa algin obdisi si palabra? Obdisi i minjor di ki sakrifisiu; para sintidu i minjor di ki gurdura di karnel.