1 Timótiu 4:4 - BIBLIA - traduson antigu in Krioulo

⁴ Tudu kusa ku Deus kumpu i bon. Nada ka dibi di negadu, ma i ta risibidu ku gardisimentu,

1 Timótiu 4:4 ပူးပေါင်းရင်းမြစ်များ

Kumsada 1:31

Deus oja tudu ki fasi, i kontenti ku el. Ki di tardi ku parmaña i sedu sestu dia.

Atus 10:15

Vos falal sugundu bias: “Kusa ku Deus fala bu pudi kume, ka bu fala i ka ta kumedu.”

Atus 15:29

Ka bo kume karni ku roniadu ku el, nin sangi, nin karni di limaria ku tursidu garganti. Ka bo fasi pekadu seksual. Si bo libra de kusas, bo ta fasi ben. Adeus.”

Atus 21:25

Di ki jintius ku bida krentis, no skirbi ja pa konta elis ke ku no oja, kuma e ka dibi di kume karni ku roniadu na iran, nin sangi, nin karni di limaria ku tursidu garganti, nin e ka dibi di fasi pekadu seksual.”

Romanus 14:14

Ami N sibi ku tudu sertesa, na ña union ku Siñor Jesus, kuma i ka ten kumida ku Deus misti pa ka no kume, ma, si un algin kuda kuma un kusa ka dibi di kumedu, nta pa ki algin i ka puru.

Romanus 14:20

Ka bu dana tarbaju di Deus pabia di kumida. Bardadi, tudu kumida pudi kumedu, ma i mal pa kume un kusa ku na pui utru mbaransa.

Romanus 14:6

Kil ku fasi kasu di dia, i fasil pa Siñor. Kil ku kume tudu kusa, i ta kume na fiansa di Siñor, pabia i ta fala Deus obrigadu. Kil ku ka na kume utru kusa, i pa Siñor ki ka na kumel; i ta fala tambi Deus obrigadu.

1 Koríntius 10:23

“No sta libri pa fasi tudu kusa.” Asin ke fala, ma i ka tudu kusa ki bon. “No sta libri pa fasi tudu kusa,” ma i ka tudu ku ta juda lantanda igreẑa.

1 Koríntius 10:25

Bo pudi kume tudu kusa ku bindidu na fera, sin punta nada pabia di konsiensia,

1 Koríntius 10:26

pabia i Siñor ku tene tera ku tudu ku sta nel.

1 Koríntius 10:30

Si N fala Deus obrigadu pa ña kumida, pabia di ke ku algin ta kritikan na kil ku N fala Deus obrigadu pa el?”

Ripitison di Lei 32:4

El i Roca; kusas ki fasi i pirfitu; tudu si kamiñus sedu justu. Deus i bardadi; injustisa ka sta nel; el i justu, i retu.

1 Timótiu 4:3

E ta tuji kasamenti; e ta pruibi kume utru kusas, kontudu Deus kumpu ki kusas, pa krentis, ku kunsi bardadi diritu, pudi fala Deus obrigadu, e kume.