1 Timótiu 3:8 - BIBLIA - traduson antigu in Krioulo

⁸ Di mesmu manera diákunus dibi di sedu retu; pa ka e ten dus fála, pa ka e bibi biñu ciu, pa ka e faima pa diñeru.

1 Timótiu 3:8 ပူးပေါင်းရင်းမြစ်များ

Salmus 12:2

Kada kin na fala mintida pa si kumpañer; e na papia palabras bonitu ku korson finjidu.

Salmus 5:9

Elis e ka tene bardadi na se boka; i son kusas mau ku sta dentru di se korson. Se garganti i suma koba ku yabridu pa difuntu; ku se lingua e ta papia palabra bonitu di nganu.

Salmus 50:19

Bu ta larga bu boka pa i papia mal; bu ta pui bu lingua na nganu.

Salmus 52:2

Bu ta fasi planus pa dana; bu lingua i suma faka ku moladu. Abo i fonti di nganu;

Ezekiel 44:21

Nin un saserdoti ka na bibi biñu ora ki na yentra na kintal di dentru.

Sirmonias 10:9

“Abo ku bu fijus bo ka na bibi biñu forti na ora ku bo na yentra na tenda di juntamentu, pa ka bo muri. Es i lei ku na dura pa sempri na bo jorsons di futuru.

Romanus 3:13

Se boka podri suma koba di difuntu ku yabridu. Se lingua ta fala son nganu; venenu di kobra sta na se boka.

Filipensis 1:1

Anos, Paulu ku Timótiu, servus di Kristu Jesus, no na skirbi pa tudu pobu di Deus na Fílipus ku sta ligadu ku Kristu Jesus, tudu ku se garandis ku diákunus.

1 Timótiu 3:12

Diákunu dibi di sedu maridu di un minjer son, i dibi di sibi guberna si kasa ku si fijus diritu.

1 Timótiu 3:2

I pirsis pa un presbiteru sedu sin kulpa, maridu di un minjer son, seriu, ku sibi guberna si kabesa, ku ten ordi, ku ta risibi ospri na si kasa, ku ten jitu pa nsina.

1 Timótiu 3:3

I ka dibi di ba ta bibi biñu ciu, nin i ka dibi di sedu brabu, ma di pasensa, ku ka gosta di jus; i ka dibi di ba ta faima pa diñeru.

1 Timótiu 5:23

Ka bu ba ta bibi son yagu; bibi un bokadiñu di biñu pabia di bu stomagu, manera ku bu ta sta sempri duenti.

Titu 1:7

pabia presbiteru ku sedu nkargadu di kasa di Deus i dibi di sedu sin kulpa; i ka dibi di sedu kunfiadu, nin algin ku ta lestu di paña raiba, nin ku ta bibi ciu, nin sutadur, nin ku ta faima pa diñeru.

Titu 2:3

Minjeris beju tambi, konsija elis pa e yanda ku rispitu pa Deus, pa ka e konta mintida pa utru, nin pa ka e bibi biñu ciu, pa e nsina kil ki bon,

Tiagu 3:10

Na un boka i ta sai palabra bon ku palabra mau. Ña ermons, i ka dibi di sedu asin.

1 Pedru 5:2

N na pidi bos pa bo toma konta di krentis na bo metadi, ku sedu karnel di Deus. I ka obrigason, ma di bo libri vontadi, suma ku Deus misti; i ka ku spiritu intereseru, ma ku diseẑu di sirbi.