1 Timótiu 3:6 - BIBLIA - traduson antigu in Krioulo

⁶ I dibi di sedu algin maduru na fe, pa ka i fika incadu ku orgulyu, i bin kai na kondenason suma ku diabu kai.

1 Timótiu 3:6 ပူးပေါင်းရင်းမြစ်များ

2 Reis 14:10

Na bardadi bu ngaña riba di edomeus; orgulyu inci bu korson. Fika na kasa, bu kontenti ku ki gloria. Pabia di ke ku bu na miti na mal, pa bu kai, tudu ku Judá?”

2 Kronikas 26:16

Ocal ba ja forti, orgulyu yentra na si korson, i pul pa i kai. I peka kontra SIÑOR, pabia i yentra na templu di SIÑOR pa kema nsensu na altar di nsensu.

2 Kronikas 32:25

ma Ezekias bin sedu ingratu pa bondadi ku Deus mostral, pabia si korson bin inci ku orgulyu. Asin garandi raiba di Deus bin riba del, tudu ku Judá ku Jerusalen.

Ditus 18:12

Omi ku ta yalsa si kabesa i na bin kai; kamiñu pa rispitu i pa sedu umildi.

Ditus 29:23

Orgulyu di omi i ta batil, ma algin ku tene spiritu umildi i ta ngaña rispitu.

Isaias 2:12

pabia dia na bin ciga ku SIÑOR ku ten tudu puder na sta kontra tudu jinti ku yalsa se kabesa ku orgulyu, ku tudu ku toma lugar mas altu, pa e batidu.

Daniel 11:12

Dipus ki leba ki multidon prezu, korson di rei di sul na inci orgulyu. I na mata manga di milyaris, ma si vitoria ka na tarda,

Lukas 10:18

Jesus fala elis: “N oja Satanas suma raiu i kai di seu.

1 Koríntius 3:1

Na bardadi, ermons, N ka pudiba papia ku bos suma ku N kustuma ta fasi ku jinti spiritual, ma N tenba ku papia ku bos suma jinti di mundu, o suma mininus na kamiñu di Kristu.

1 Koríntius 8:1

Gosi N na ruspundi bo purgunta aserka di karni di ronia. I bardadi ku “anos tudu no ten ntindimentu”, suma ku bo fala, ma e ntindimentu i ta pui algin inci ku orgulyu. Amor ta juda.

2 Koríntius 12:7

Pa ka N pudi inci di garandesa pabia di kusa garandi ku Deus mostran, N dadu un kusa ku N pudi fala “fidida na ña kurpu”, ku Satanas ta manda pa bofotian, pa ka N pudi yalsa kabesa dimas.

Ripitison di Lei 17:20

pa i ka bin oja kuma el i minjor algin mas di ki si ermons, tambi pa ka i disvia de mandamentu, nin pa direita nin pa skerda. Asin el ku si jorson e na rena na Israel pa manga di tempu.

Ripitison di Lei 8:14

toma sintidu pa ka bu korson inci ku orgulyu tok bu diskisi di SIÑOR bu Deus ku tirau di Ejitu, tera di katiberasku.

1 Timótiu 3:7

Tambi i pirsis pa i sedu un algin ku jinti di fora ta rispita, pa i ka kai na disprezu, o na armadilia di diabu.

1 Timótiu 6:4

si dunu sta incadu di orgulyu, i ka sibi nada. I ta lantanda purfia, i ta jusia aserka di palabras. Asin i ta tisi nveẑa, purfia, koba mal, mau diskunfiansa,

2 Timótiu 3:4

falsiaduris, ntemus, orgulyosu. Te pa e ama Deus, e na ama sabura de mundu.

1 Pedru 2:2

Bo sedu suma mininu ku kumsa padidu, ku ta faima pa liti. Bo faima pa liti spiritual, puru, pa bo bibil, bo kirsi na vida spiritual.

1 Pedru 5:5

Asin tambi abos jovens, bo baŝa pa mas bejus. Abos tudu, bo baŝa pa ŋutru. Bo kubri ku umildadi suma ropa, pabia, suma ku Skritura fala, “Deus i kontra jinti ku ta yalsa se kabesa, ma i ta mostra fabur pa kilis ku ta baŝa se kabesa.”

2 Pedru 2:4

Deus ka purda anjus ku peka, ma i bota elis na nfernu, i mara elis ku korenti na kau sukuru, guardadu pa dia di juisu.

Judas 1:6

Suma tambi anjus ku ka fika dentru di otridadi ke dadu, ma e nega se propi lugar, Deus rakada elis bas di sukuru, maradu pa sempri ku korenti, pa e julgadu na ki garandi dia.