1 Timótiu 3:5 - BIBLIA - traduson antigu in Krioulo

⁵ pabia si algin ka sibi guberna si familia propi, kuma ki pudi toma konta di igreẑa di Deus?

1 Timótiu 3:5 ပူးပေါင်းရင်းမြစ်များ

Atus 20:28

Asin, bo toma sintidu ku bo kabesa, ku ki grupu di krentis ku Spiritu Santu fasi bos garandis riba del, pa bo pudi sedu pastoris ku na alimenta igreẑa di Deus, ki liberta ku si sangi propi.

1 Koríntius 10:32

Bo yanda na bon manera, ku bo ka ta pui nin judeu, nin gregu, nin igreẑa di Deus pa i kai.

Efésius 1:22

Deus pui tudu kusa bas di pe di Kristu, i pui Kristu pa i sedu kabesa di igreẑa, pa i sta riba di tudu kusa.

Efésius 5:24

Suma ku igreẑa sta bas di Kristu, asin tambi ku minjer dibi di fika bas di si omi na tudu kusa.

Efésius 5:32

Es i garandi bardadi ku sta sukundidu ne palabra. N na falal pa Kristu ku si igreẑa,

1 Timótiu 3:15

Si kontra N tarda pa bai, bu ta sibi kuma ku algin dibi di yanda na familia di Deus, ku sedu igreẑa di Deus bibu, kuluna ku firkija di bardadi.

1 Samuel 3:13

N kontal ja kuma N na julga si familia pa sempri pabia di pekadu ki sibiba del. Si fijus na fasi puku di Deus; i ka tuji elis.