1 Timótiu 3:15 - BIBLIA - traduson antigu in Krioulo

¹⁵ Si kontra N tarda pa bai, bu ta sibi kuma ku algin dibi di yanda na familia di Deus, ku sedu igreẑa di Deus bibu, kuluna ku firkija di bardadi.

1 Timótiu 3:15 ပူးပေါင်းရင်းမြစ်များ

1 Reis 2:2

“N na bai na kamiñu ku tudu jinti ten ku bai nel. Fasi forsa, bu mostra kuma abo i omi,

1 Reis 2:4

Tambi SIÑOR na konfirma si palabra ki dan, oca ki falan: ‘Si bu fijus toma sintidu pa yanda diritu ña dianti ku tudu se korson ku alma, nunka i ka na faltau algin na bu jorson pa sinta na tronu di Israel.’

2 Reis 19:4

I pudi sedu ku SIÑOR bu Deus obi tudu palabras di Rabsaké, ki omi ku si mestre, rei di Asiria, manda pa koba Deus bibu. SIÑOR bu Deus pudi raprindil pabia di ki palabras ki obi. Asin bu ta ora pa jinti ku sobra.”

1 Kronikas 22:13

Si bu toma sintidu pa kumpri leis ku regras ku SIÑOR da Moisés pa Israel, kusas na kuriu diritu. Sedu forti, bu ten koraẑen; ka bu medi nin ka bu panta.

Salmus 42:2

N tene sedi di Deus, ki Deus bibu. Kal tempu ku N na yentra pa pursenta dianti di Deus?

Salmus 84:2

N misti sta la! Ña korson na dismaja ku faimadesa pa N pudi sta na kasa di SIÑOR. Ku korson ku tudu ña kurpu, N na kanta ku kontentamentu pa Deus bibu.

Jeremias 1:18

Aos N fasiu suma prasa forti, suma firkija di feru, suma mura di kobri, pa firma kontra tudu tera — kontra reis ku ŝefis di Judá, kontra saserdotis ku pobu di tera.

Jeremias 10:10

Ma SIÑOR i Deus di bardadi; el i Deus bibu, Rei pa sempri. Si i paña raiba, con ta tirmi; nasons ka pudi nguenta si raiba.

Jeremias 23:36

Ma nunka mas ka bo fala ‘rekadu di SIÑOR’, pabia palabra di kada algin i ta torna suma ‘rekadu’. Asin bo ta tursi palabras di Deus bibu, SIÑOR ku ten tudu puder, bo Deus.

Daniel 6:26

N na da ordi pa jinti na tudu parti di ña renu pa e medi, e rispita Deus di Daniel. “El i Deus bibu, ku na kontinua pa sempri. Si renu ka pudi kabadu ku el; si puder di manda ka ten kabantada.

Oseias 1:10

Fijus di Israel na ciu suma reia di mar, ku ka pudi mididu nin fasidu konta del. Nunde ke faladu: “Abos i ka ña pobu,” e na faladu: “Abos i fijus di Deus bibu.”

Mateus 16:16

Simon Pedru ruspundi, i falal: “Abo i Mesias, Fiju di Deus bibu.”

Mateus 18:18

“Na bardadi N na konta bos kuma, tudu kil ku bo mara na tera i na maradu na seu. Tudu ku bo dismanca na tera i na dismancadu na seu.

Bon Noba di Jesus Kristu ku Jon 1:17

Lei daduba pa meiu di Moisés; grasa ku bardadi bin pa meiu di Jesus Kristu.

Bon Noba di Jesus Kristu ku Jon 14:6

Jesus falal: “Ami i kamiñu, ami i bardadi, ami i vida. Si algin misti bin pa ña Pape, i ten ku pasa purmeru na mi.

Bon Noba di Jesus Kristu ku Jon 18:37

Pilatus puntal: “Nta abo i rei?” Jesus ruspundil: “Añu ku fala kuma ami i rei. Pa el ku N bin mundu; N padidu pa N da tustumuñu aserka di bardadi. Tudu kil ku misti bardadi i ta seta ña palabra.”

Bon Noba di Jesus Kristu ku Jon 6:69

Anos no fia, no sibi kuma abo i ki Santu di Deus.”

Atus 1:2

te dia ki lebadu pa seu, dipus ki da ordi na puder di Spiritu Santu pa apostolus ki kujiba.

Atus 14:15

e fala: “Siñoris, ke ku manda bo na fasi e kusas? Anos tambi no sedu omis suma bos, ku mesmu naturesa. E Bon Noba ku no na konta bos i pa bo larga e kustumus ku ka bali, pa bo rabida pa Deus bibu, ku fasi seu, tera ku mar, ku tudu ku sta nelis.

Romanus 3:2

Manga del, na tudu sintidu. Purmeru, pabia Deus fia nelis, i ntrega elis si palabra.

Romanus 9:26

I fala tambi: “Na ki kau ki faladuba: ‘Abos i ka ña pobu,’ la ke na comadu: ‘fijus di Deus bibu.’ ”

1 Koríntius 10:32

Bo yanda na bon manera, ku bo ka ta pui nin judeu, nin gregu, nin igreẑa di Deus pa i kai.

1 Koríntius 3:16

Nta bo ka sibi kuma abos i santuariu di Deus, kuma Spiritu di Deus mora na bos?

2 Koríntius 3:3

I pudi ojadu kuma abos i un karta ku Kristu skirbi, i manda pa no mon pa no ntrega. I ka skirbidu ku tinta, ma ku Spiritu di Deus bibu. I ka na tagua di pedra ma na karni di korson.

2 Koríntius 6:16

Kal kontratu ku kasa di Deus pudi ten ku idulu? I anos gora ku sedu kasa di Deus bibu. El propi i fala: “N na mora juntu ku elis, N na yanda na se metadi. N ta sedu se Deus; elis e ta sedu ña pobu.”

2 Koríntius 6:7

ku puder di Deus, ku no manera di konta palabra di bardadi; es tudu i ta mostra kuma no sedu servus di Deus. No tene no vida justu suma no arma pa ataka, tambi pa difindi.

Gálatas 2:9

Oca ku Pedru, Tiagu ku Jon, ku parsiba sedu firkijas, e rapara kuma i Deus ku danba e tarbaju, e danu mon, ami ku Barnabé, suma se kumpañeris di tarbaju. No konkorda kuma anos no ta bai pa kilis ki ka judeus; elis e ta bai pa judeus.

Gálatas 3:1

Abos tulus di Galásia! Kin ku mbarianta bos? Mortu di Jesus Kristu na krus staba klaru na bo uju.

Efésius 4:21

Sertamenti bo obi del; abos krentis bo nsinadu bardadi ku sta na Jesus,

Ripitison di Lei 31:23

SIÑOR da ordi pa Josué, fiju di Nun, i falal: “Sedu forti, bu ten koraẑen, pabia bu na yentranda fijus di Israel na tera ku N purmiti elis ku juramentu. Ami N na sta ku bo.”

Ripitison di Lei 5:26

Kal omi ku ciga di obi vos di Deus bibu na papia na metadi di fugu, suma nos, ma i fika inda ku vida?

Kolosensis 1:5

E fe ku amor e bin di speransa ku sta guardadu pa bos na seu. Bo obi de speransa oca ku palabra di bardadi di Bon Noba ciga pa bos,

1 Tesalonisensis 1:9

pabia elis propi e ta spaja noba di no visita pa bos, kuma ku bo larga idulus, bo bin pa sirbi Deus bibu, Deus di bardadi,

1 Timótiu 3:14

N ka misti tarda pa bai jubiu, ma N na skirbi e karta.

1 Timótiu 3:16

I ka ten duvida kuma sigridu di no fe i fundu: “Kil ku parsi na kurpu di omi, na si spiritu i mostradu justu; anjus ojal; tudu rasa kontadu aserka del; jinti di tudu mundu fia nel; i risibidu na gloria na seu.”

1 Timótiu 3:2

I pirsis pa un presbiteru sedu sin kulpa, maridu di un minjer son, seriu, ku sibi guberna si kabesa, ku ten ordi, ku ta risibi ospri na si kasa, ku ten jitu pa nsina.

1 Timótiu 3:5

pabia si algin ka sibi guberna si familia propi, kuma ki pudi toma konta di igreẑa di Deus?

1 Timótiu 4:10

kuma pa e fin no tarbaja, no luta, pabia no pui no speransa na Deus bibu, ku sedu Salbadur di tudu jinti, riba di tudu, di kilis ku fia nel.

1 Timótiu 6:16

El son ku ka ta muri, i mora na lus ku ningin ka pudi ciga nel. Ningin ka ojal, nin i ka pudi ojadu, kil ku ten ku dadu onra ku puder pa sempri. Amen.

2 Timótiu 2:19

Deus pui un alisersu firmi ku ka pudi bulbulidu; riba del i skirbidu e palabra: “Siñor kunsi kil ki di sil.” Tambi i fala: “Kil ku ta coma nomi di Siñor dibi di lunjusi di fasi mal.”

2 Timótiu 2:20

Na kasa garandi i ka ta ten son losa di uru ku prata, ma tambi i ta ten di madera ku di lama. Utru i pa usa na bon lugar, utru na lugar mas bas.

Ebreus 10:21

Suma no tene un garandi saserdoti riba di kasa di Deus,

Ebreus 12:22

Ma bo ciga pa monti di Sion, pa prasa di Deus bibu, Jerusalen di seu, ku si manga di milyaris di anju

Ebreus 3:12

Ermons, bo toma sintidu pa ka nin un di bos tene mau korson, ku ka ta fia, pa i bin fasil lunjusi di Deus bibu.

Ebreus 9:14

ku fadi gora puder di sangi di Kristu pa limpa no konsiensia di kustumus ku ta tisi mortu, pa no sirbi Deus bibu! Ku ajuda di Spiritu ku ta bibu pa sempri, Kristu da si vida pa Deus, suma sakrifisiu ku ka tene manca.

Josué 3:10

Ora ku bo oja arka di kontratu di SIÑOR di tudu mundu yentra na Jordon bo dianti, bo na sibi kuma Deus bibu sta na bo metadi; kuma, sin duvida, i na tira kananeus bo dianti, ku eteus, eveus, perizeus, jirgaseus, amoreus ku jebuseus.

1 Pedru 2:5

abos tambi, suma pedras bibu, bo na kumpudu pa forma kasa spiritual, pa sedu saserdotis santu pa fasi sakrifisius ku Deus ta seta, sakrifisius spiritual pabia di Jesus Kristu.

1 Pedru 4:17

I ciga ja tempu pa julgamentu kumsa na pobu di Deus. Si i kumsa na nos, kal ku na sedu fin di kilis ku nega obi Bon Noba di Deus?

Apokalipsi 7:2

N oja utru anju subi di ladu ku sol ta nasi, ku tene karimbu di Deus bibu, i grita ku garandi vos pa ki kuatru anju ku dadu puder pa dana tera ku mar,

1 Samuel 17:26

Davi punta omis ku staba lungu del: “Ke ku na fasidu pa ki omi ku mata e filisteu, pa tira disgrasa riba di Israel? E filisteu insirkunsidadu i kin propi pa disafia tropas di Deus bibu?”

1 Samuel 17:36

Asin N ciga di mata lions tudu ku ursus; ki filisteu insirkunsidadu i na sedu suma un delis, pabia i disafia tropas di Deus bibu.