1 Timótiu 1:5 - BIBLIA - traduson antigu in Krioulo

⁵ N da e ordi pa disperta amor ku ta sai di un korson puru, di un bon konsiensia, di un fe ki ka di finjimentu.

1 Timótiu 1:5 ပူးပေါင်းရင်းမြစ်များ

Salmus 24:4

I kil ku tene mon limpu ku korson puru, ku ka ta ntrega si vida pa deus falsu, nin i ka ta jurmenta ku nganu.

Salmus 51:10

O Deus, kria na mi un korson puru; arnoba dentru di mi un spiritu retu.

Jeremias 4:14

O Jerusalen! Laba bu korson di maldadi, pa bu sedu salbu. Te kal tempu ku bu na kontinua tene mau pensamentus?

Sofonias 3:7

N fala prasa: ‘Sertamenti bu na rispitan, bu seta disiplina.’ Asin si morada ka na danaduba; i na kapliba di kastigu ku N markaba, ma e pega tesu, e kontinua fasi kusas kuruptu.

Mateus 12:35

Omi bon ta tira kusas bon na bon rikesa ku sta nel. Omi mau ta tira kusas mau di maldadi ku sta nel.

Mateus 5:8

“Sortiadu i kilis ku tene korson limpu, pabia e na bin oja Deus.

Atus 15:9

I ka fasi nin un diferensa entri elis ku nos. Suma e fia, i purifika se korson.

Atus 23:1

Paulu jubi diritu pa Konseliu, i fala: “Ña ermons, te aos N yanda dianti di Deus ku tudu bon konsiensia.”

Atus 24:16

E ku manda N ta buska sempri tene un konsiensia limpu dianti di Deus ku dianti di jinti.

Romanus 10:4

Kristu i kabantada di lei di Moisés, pa tudu kilis ku seta Kristu pudi ojadu justu.

Romanus 12:9

Ka bo ten amor finjidu. Bo nega mal; bo pega na kil ki bon.

Romanus 14:15

Si bu na pui bu ermon tristi pabia di kusa di kume, nta bu ka na yanda ja suma ku amor manda. Abo, pabia di kumida ka bu pirdinti bu ermon ku Kristu muri pa el.

Romanus 9:1

N na konta bardadi. Ami i di Kristu, N ka ta konta mintida. Ña konsiensia, bas di puder di Spiritu Santu, i na konfirma ña palabra,

1 Koríntius 13:1

N pudi papia linguas di omis, o te di anjus, ma si N ka ten amor, N ta sedu suma sinu ku na somna, o suma feru ku na majadu.

2 Koríntius 1:12

Kusa ku no pudi njata nel: no konsiensia ta mostranu klaru kuma no vida na mundu, prinsipalmenti na no tratu ku bos, i sedu na puresa ku bardadi ku bin di Deus. I ka na jiresa di karni, ma i fabur di Deus.

Gálatas 5:22

Spiritu di Deus ta padi frutu di amor, alegria, pas, pasensa, pruntidon pa juda, bondadi, sedu algin di fiansa, mansesa ku puder pa guberna kurpu.

Gálatas 5:6

Si no sta unidu ku Kristu Jesus, nin sirkunsison nin falta del ka ta fasi diferensa. Kusa mas importanti i fe ku ta tarbaja ku amor.

Ripitison di Lei 10:12

Gosi ja, o Israel, kusa ku SIÑOR bu Deus na pidiu i pa bu rispita SIÑOR bu Deus, bu yanda na tudu si kamiñus, bu amal, bu sirbil ku tudu bu korson ku tudu bu alma,

1 Timótiu 1:18

Ña fiju Timótiu, N pui e kargu riba di bo, konformi palabras di rekadu di Deus ku daduba aserka di bo. Usa ki palabras suma arma pa fasi bon gera.

1 Timótiu 1:19

Guarda bu fe, ku bon konsiensia. Utru jinti nega sukuta ke ku se konsiensia na fala elis, e dana se fe.

1 Timótiu 3:9

E dibi di pega bardadi fundu di fe ku konsiensia puru.

2 Timótiu 1:3

N ta fala Deus obrigadu, kil ku N ta sirbi ku bon konsiensia suma ku ña papes antigu fasi; N ta gardisil sempri, ora ku N na coma bu nomi na orason di noti ku di dia.

2 Timótiu 1:5

N lembra di fe puru ku bu ten, ku staba purmeru na bu dona Loida ku bu mame Eunisi. N fia sertu kuma i sta tambi na bo.

2 Timótiu 2:22

Libra di diseẑu forti di nobresa, bu buska yanda diritu, ku fe, amor ku pas, juntu ku kilis ku ta coma nomi di Siñor ku korson puru.

Titu 1:15

Tudu i puru pa jinti puru, ma nada i ka puru pa kilis ki susu, kilis ku ka ten fe, ma se ntindimentu ku se konsiensia sta susu.

Ebreus 10:22

no ciga pertu ku korson limpu, ku garandi sertesa di fe, ku korson purifikadu di konsiensia mau, ku kurpu labadu ku yagu limpu.

Ebreus 13:18

Bo ora pa nos, pabia no ten sertesa kuma no ten konsiensia limpu, suma ku no misti fasi sempri kil ki diritu.

Ebreus 9:14

ku fadi gora puder di sangi di Kristu pa limpa no konsiensia di kustumus ku ta tisi mortu, pa no sirbi Deus bibu! Ku ajuda di Spiritu ku ta bibu pa sempri, Kristu da si vida pa Deus, suma sakrifisiu ku ka tene manca.

Tiagu 4:8

Bo ciga pertu di Deus; i ta ciga pa bos. Bo limpa bo mon, abos ku ta fasi pekadu; abos di dus sintidu, bo purifika bo korson.

1 Pedru 1:22

Suma ku bo obdisi bardadi, bo limpa bo alma tok bo sinti amor di bardadi pa bo ermons, bo ten ku ama ŋutru ku tudu bo korson.

1 Pedru 3:16

ku bon sintidu, pa ora ku bo kobadu, kilis ku na fala mal di bo bon manera di yanda ku Kristu e ta burguñu.

1 Pedru 3:21

E yagu i figura di batismu ku bo ta pasa nel gosi pa salbason. I ka pa tira susidadi na kurpu, ma i palabra ku no ta da Deus, ku sai na un sintidu limpu. I ta salba pabia Jesus Kristu lanta di mortu,

1 Pedru 4:8

Riba di tudu, bo ama ŋutru ku tudu bo korson, pabia amor ta kubri manga di pekadu.

2 Pedru 1:7

riba di rispitu pa Deus bo buri ermondadi; riba di ermondadi bo buri amor.

1 Jon 3:10

I es ku ta mostra fiju di Deus ku fiju di diabu: Kil ku ka ta fasi kusas diritu, ku ka ama si ermon, i ka di Deus.

1 Jon 3:23

Es i si mandamentu, pa no fia na nomi di si Fiju Jesus Kristu, pa no ama ŋutru suma ki manda.

1 Jon 3:3

Tudu ku ten e speransa nel, i dibi di limpa si vida, suma ku el i limpu.