1 Timótiu 1:4 - BIBLIA - traduson antigu in Krioulo

⁴ nin pa ka e liga ku storias ku ki listas kumpridu di jinti antigu ku ka ta kaba, pabia i ta tisi son diskutison; i ka ta judanu kunsi planu di Deus ku ta bin di fe.

1 Timótiu 1:4 ပူးပေါင်းရင်းမြစ်များ

2 Koríntius 1:12

Kusa ku no pudi njata nel: no konsiensia ta mostranu klaru kuma no vida na mundu, prinsipalmenti na no tratu ku bos, i sedu na puresa ku bardadi ku bin di Deus. I ka na jiresa di karni, ma i fabur di Deus.

Efésius 3:2

Sertamenti bo obi kuma Deus, na si grasa, dan e tarbaju pa N fasi pa ben di bos.

1 Timótiu 3:16

I ka ten duvida kuma sigridu di no fe i fundu: “Kil ku parsi na kurpu di omi, na si spiritu i mostradu justu; anjus ojal; tudu rasa kontadu aserka del; jinti di tudu mundu fia nel; i risibidu na gloria na seu.”

1 Timótiu 4:7

Libra di storias di mundu suma kilis ku minjeris beju ta konta. Kontinua na bu disiplina di vida spiritual.

1 Timótiu 6:11

Abo, omi di Deus, libra de kusas, bu sigi justisa, un vida suma ku Deus misti, ku fe, amor, firmesa, ku mansesa.

1 Timótiu 6:20

Timótiu, guarda suguru kil ku bu ntregadu. Libra di kombersas tulu di amontondadi, ku purfias di kil ku utrus ta coma “kuñisimentu”, ma i falsu,

2 Timótiu 2:14

Lembranta elis e kusas; bu avisa elis ku tudu seredadi dianti di Deus pa e para purfia aserka di palabras, pabia i ka ta juda nada, ma i ta dana kilis ku na obi.

2 Timótiu 2:22

Libra di diseẑu forti di nobresa, bu buska yanda diritu, ku fe, amor ku pas, juntu ku kilis ku ta coma nomi di Siñor ku korson puru.

2 Timótiu 2:23

Lunjusi di purfias di tulesa di kilis ku ka sibi nada, ku bu sibi i ta tisi son jus.

2 Timótiu 4:4

E na nega obi bardadi; e na rabida pa storias,

Titu 1:1

E karta i di mi, Paulu, servu di Deus, apostolu di Jesus Kristu, ku mandadu pa juda na fe di kilis ku Deus kuji, pa leba elis pa kunsi bardadi konformi no fe,

Titu 1:14

Ka e fia na storias di judeus, nin mandamentus di jinti ku nega bardadi.

Titu 3:9

Libra di purfias di tulesa, ku ki listas di jinti antigu, ku jus, ku diskuti kusa di lei, pabia i ka ten purbitu; i suma nada.

Ebreus 13:9

Ka bo disa manga di koldadi nsinamentu strañu tira bos na bo kamiñu. I mas bon pa no korson risibi forsa di grasa di Deus te pa sigi regras di kumida, ku ka tisi nin purbitu pa kilis ku na yandaba di ki manera.

2 Pedru 1:16

Oca ku no fasi bos sibi puder di no Siñor Jesus Kristu, manera ki bin, no ka konta bos storia ku omi filanta ku jiresa, ma anos propi no oja si garandesa di rei.