1 Timótiu 1:16 - BIBLIA - traduson antigu in Krioulo

¹⁶ ma, pabia di kila, N yangasa miserikordia, pa Kristu Jesus pudi mostra tudu si pasensa pa mi, pior di tudu pekadur, pa N pudi sedu isemplu di kilis ku na bin setal pa risibi vida ku ka ta kaba.

1 Timótiu 1:16 ပူးပေါင်းရင်းမြစ်များ

2 Kronikas 33:19

Storia di tudu si pekadu, manera ki kebra lei, lugaris nunde ki kumpu kaus altu, si idulus di Aserá ku imaẑens labradu, oca ki ka baŝa inda, si orason, ku manera ku Deus setal, i sta tudu skritu na librus di Storia di Anunsiaduris.

Salmus 25:11

Pabia di bu nomi, SIÑOR, purda ña pekadu, nin si i garandi.

Saida 34:8

Na ki ora Moisés mborka na con, i adora Deus,

Isaias 1:18

SIÑOR fala: “Bo bin no ruma; mesmu ku bo pekadu i suma nodu kargadu na bos, i na torna branku fandan; nin si i burmeju wak, i na torna suma algadon.

Isaias 43:25

“I ami, ami propi ku na limpa kusas mau ku bu fasi, pabia di kin ku N sedu; N ka na lembra mas di bu pekadus.

Isaias 55:7

Omi malvadu pa i disa si kamiñu ku si mau pensamentus, pa i konverti, i riba pa SIÑOR no Deus ku ta ten pena del, pabia i sta sempri pruntu pa purda.

Numerus 23:3

Balaon fala Balak: “Firma li lungu di bu oferta kemadu; ami N na bai jubi si SIÑOR na bin kontra ku mi. Kusa ki mostran, N ta kontau el.” Asin i bai pa un kau altu.

Lukas 15:10

N na konta bos kuma, asin ki ta ten alegria na metadi di anjus di Deus pa un algin di mau nomi ku ripindi.”

Lukas 23:43

Jesus falal: “N na kontau bardadi, aos propi bu na sta ku mi la na Paraísu.”

Lukas 7:47

Asin N falau kuma, si manga di pekadu sta ja purdadu; e ku manda i ama ciu, ma kil ku purdadu puku, i ta ama puku.”

Bon Noba di Jesus Kristu ku Jon 20:31

ma e kusas sta skritu pa bo fia kuma Jesus i Mesias, Fiju di Deus, pa ora ku bo fia nel, bo ta tene vida na si nomi.

Bon Noba di Jesus Kristu ku Jon 3:36

Kin ku seta Fiju i ta tene vida ku ka ta kaba, ma kin ku ka seta Fiju i ka ta oja vida; kastigu di Deus na fika riba del.

Bon Noba di Jesus Kristu ku Jon 5:24

“N na konta bos bardadi, kin ku obi ña palabra, i seta kil ku mandan, i ta tene vida ku ka ta kaba. I ka na kondenadu, ma i pasa ja di mortu pa vida.

Bon Noba di Jesus Kristu ku Jon 6:37

Tudu algin ku ña Pape dan i na bin pa mi. Kil ku bin pa mi, di nin un manera N ka ta negal.

Bon Noba di Jesus Kristu ku Jon 6:40

Tambi vontadi di kil ku mandan i es: tudu kil ku ojan, i setan, ami Fiju di Deus, pa i tene vida ku ka ta kaba; na ultimu dia N ta lantandal di mortu.”

Bon Noba di Jesus Kristu ku Jon 6:54

Kin ku kume ña karni, i bibi ña sangi, i ta tene vida ku ka ta kaba. Na ultimu dia N ta lantandal di mortu.

Atus 13:39

Pabia del, tudu kil ku seta i ta fika libri di kulpa di tudu kusa ku lei di Moisés ka pudi libra bos del.

Romanus 15:4

Tudu ku skirbiduba purmeru na palabra di Deus i skirbidu pa nsinanu, pa danu pasensa ku koraẑen, pa no pudi ten speransa.

Romanus 6:23

Pagamentu di pekadu i mortu, ma kil ku Deus ta danu di grasa i vida ku ka ta kaba, pabia di Kristu Jesus no Siñor.

1 Koríntius 7:25

Aserka di kilis ki solteru, N ka tene ordi di Siñor, ma N ta da ña opinion, suma kin ki di fiansa pabia di miserikordia di Siñor.

2 Koríntius 4:1

Deus, na si miserikordia, i danu e tarbaju pa no fasi; asin no ka na fika disanimadu.

Efésius 1:12

pa si gloria pudi ngabadu pabia di nos ku sedu purmeru ku pui no speransa na Kristu.

Efésius 1:6

No ngaba Deus pa si oferta gloriosu ki danu di grasa na si Fiju amadu.

Efésius 2:7

I fasi asin pa mostra, na tempus ku na bin, garandi rikesa di si fabur na bondadi ki ten pa nos na Kristu Jesus.

2 Tesalonisensis 1:10

na ki dia ora ki bin pa risibi gloria na metadi di tudu si pobu, ku adorason di tudu kilis ku fia nel. Abos tambi bo na mati la, pabia bo fia na tustumuñu ku no da bos.

1 Timótiu 1:13

kontudu na tempu ku pasa N fala mal kontra el, N pirsigil, N nsultal, ma N yangasa miserikordia di Deus, pabia N ka tenba inda fe; N ka sibiba ke ku N na fasi.

Ebreus 7:25

E ku manda tambi i pudi da salbason kompletu pa kilis ku bin pa Deus na si nomi, suma ki na bibu pa sempri pa i roga Deus pa elis.

1 Pedru 3:20

ku sedu kilis ku nega obi na tempu di Noe, oca ku Deus na pera ku pasensa kontra barku na kumpudu. Jinti ku staba na ki barku e puku, son oitu. Yagu boianta elis tok e salba.

2 Pedru 3:15

Bo lembra kuma pasensa di no Siñor i pa no salbason, suma tambi ku no kiridu ermon Paulu skirbi bos ku ki jiresa ki dadu.

2 Pedru 3:9

Siñor ka ta tarda ku kusa ki purmiti, suma utrus ta oja kuma i ta tarda, ma i pasenseru nan ku bos; i ka misti pa ningin pirdi, ma pa tudu pudi ripindi.