1 Tesalonisensis 5:3 - BIBLIA - traduson antigu in Krioulo

³ Ora ku jinti fala kuma tudu sta susegadu, suguru, i ta oja garandi danu ciga riba delis di repenti, suma ku dur di partu ta ciga na minjer preñada. Di nin un manera e ka na kapli.

1 Tesalonisensis 5:3 ပူးပေါင်းရင်းမြစ်များ

Jo 15:21

Baruju meduñu sta na si oreja; mesmu na tempu di pas, bandidus ta bin pa el.

Jo 24:23

Si Deus da elis diskansu, e ta sinti suguru, ma si uju sta na se kamiñus.

Salmus 35:8

Pa danu bin riba delis sin e sibi, pa e pañadu na ridia ke sukundi, pa e kai na ki mesmu koba!

Salmus 48:6

E kumsa na tirmi ku forsa, e sinti dur suma minjer na partu.

Salmus 55:15

Pa mortu ataka ña inimigus, pa e ria, bibu, na mundu di mortu! Pabia maldadi sta na se kasas ku se korson.

Salmus 69:22

Mesa ku sta se dianti pa i bida armadilia. Ora ke pensa kuma e sta sabi, i ta oja e kai na danu.

Ditus 29:1

Omi ku raprindidu manga di bias, i ndurusi si korson, di repenti i na kebrantadu, i ka na ten kura.

Isaias 20:6

Na ki dia, jinti ku mora lungu di mar na fala: ‘Jubi ke ku pasa ku ki jinti ku no na speraba nel, ku no kuri pa e sakuranu, e libranu di rei di Asiria! Kuma ku no na bin kapli?’ ”

Isaias 29:5

Ki bu manga di inimigu na bida suma reia finu; multidon di jinti meduñu e na bua suma kaska di arus. Di repenti, sin ningin ka spera,

Isaias 30:13

Pabia di kila e maldadi na sedu pa bos suma paredi altu ku findi di riba, i kukula, pruntu pa kai di repenti.

Isaias 47:11

Pabia di kila i na bin un mal riba di bo, ku bu ka na pudi tajal ku futis, nin bu ka na pudi lunjusil, pabia garandi disgrasa na bin di repenti riba di bo ku bu ka na spera.

Isaias 47:9

Ma e dus kusa na bin riba di bo ku tudu forsa, na un dia son, na mesmu ora: bu na pirdi fijus, bu na sedu viuva. Nin ku tudu bu futis ku multidon di bu jambakusndadi, e na bin riba di bo.

Isaias 56:12

E ta fala: “Bo bin, N na tisi biñu; no na bibi bibida forti tok no nfastia! Dia di amaña na sedu suma di aos, o i na mas.”

Jeremias 13:21

Ke ku bu na fala ora ku Deus pui riba di bo kilis ku bu pegaba amisadi ku elis? Nta bu ka na bin sufri dur suma minjer ku sta di partu?

Jeremias 14:19

Nta bu nega janan Judá? Bu njuti Sion? Ke ku manda bu sutanu tok no ka ten kura? No na peraba pas, ma nin nada di bon ka bin; no na peraba tempu di kura, ma no oja son kusas meduñu.

Jeremias 22:23

Abo ku mora sabi na palasiu di sedru, ku tisidu di tera di Líbanu, bu na jimi ku forsa ora ku dur bin pa bo, ku foronta suma minjer na partu.”

Jeremias 4:31

N obi gritu, suma di minjer ku sta di partu; N obi jimidu, suma di kin ku na padi si purmeru fiju. I seduba vos di prasa di Sion ku ka pudiba da folgu diritu, ku distindi si mon, i fala: “O! Ai di mi gosi! N na dismaja dianti di mataduris!”

Jeremias 6:14

E ta kura cagas di ña pobu suma i ka nada. E ta fala: ‘Pas, pas,’ kontra pas ka ten.

Jeremias 6:24

Pobu fala: “Dipus ku no obi se noba, no mon moli. Foronta toma konta di nos; no sinti dur suma minjer ku sta di partu.

Jeremias 8:11

E ta kura cagas di ña pobu suma i ka nada. E ta fala: “Pas, pas” kontra pas ka ten.

Ezekiel 13:10

“‘E ta ngana ña pobu, e ta fala “Pas” ora ku pas ka ten. Si algin kumpu paredi di lama, e ta bai kaial.

Oseias 13:13

Dur di partu bin pa si mame, ma el i un mininu sin juisu, pabia tempu ciga, ma el i ka sta na kau ki dibi di sta nel pa i pudi padidu.

Naun 1:10

Mesmu ke miti na metadi di fididas, e bibi biñu tok, suma camidur, e na kemadu suma paja seku.

Mateus 23:33

“Serpentis! Jorson di kobras! Kuma ku bo na kapli kondenason di nfernu?

Bon Noba di Jesus Kristu ku Jon 16:21

Ora ku un minjer sta pa padi, i ta sinti kasabi, pabia si ora ciga, ma dipus di padi mininu, i ka ta lembra ja di kansera ki pasa, pabia di kontentamentu di padi un fiju.

Atus 13:41

‘Bo oja, abos fasiduris di trosa! Bo dimira, bo disparsi! N na fasi un tarbaju na bo dias, un tarbaju ku bo ka na fia si algin konta bos el.’ ”

Ripitison di Lei 29:19

Algin ku si korson sta disviadu, ora ki obi palabras de maldison, i ta njata na si korson, i fala: “N na ten pas, mesmu ku N kontinua na yanda na ña temusia ku camidera.” Ma es na tisi kastigu garandi.

2 Tesalonisensis 1:9

E na sufri kastigu di pirdi ntidu, separadu di pursensa di Siñor ku si puder gloriosu,

Ebreus 12:23

ku sta na juntamentu alegri; pa igreẑa di purmeru fijus di Deus ku se nomis sta skritu na seu; pa Deus ku sedu juis di tudu jinti, pa spiritus di jinti justu ku sta ja pirfitu,

Ebreus 2:3

kuma ku no na kapli si no ka liga e salbason ku sedu garandi dimas? I Siñor propi ku anunsia e salbason purmeru. Dipus, kilis ku obil bin danu sertesa del.

2 Pedru 2:4

Deus ka purda anjus ku peka, ma i bota elis na nfernu, i mara elis ku korenti na kau sukuru, guardadu pa dia di juisu.

Ŝefis 8:11

Jidion bai pa kamiñu di jinti ku ta moraba na tendas, na ladu di Nobá ku Jogbeá, pa saida di sol. I bai ataka ki tropas pabia e diskudaba.