1 Tesalonisensis 4:17 - BIBLIA - traduson antigu in Krioulo

¹⁷ Dipus, anos ku sta inda bibu, no na rabatadu juntu ku elis na nuven, pa kontra ku Siñor na ar. Asin no ta sta juntu ku Siñor pa sempri.

1 Tesalonisensis 4:17 ပူးပေါင်းရင်းမြစ်များ

1 Reis 18:12

Si N fikau, i pudi sedu ku Spiritu di SIÑOR na lebau pa N ka sibi nunde. Si N bai konta Akab, ma el gora i ka bin ojau, i na matan, ma ami, bu servu, N rispita SIÑOR desdi ku N sedu rapas.

2 Reis 2:11

Oca ke na papia, e na bai, di repenti un karu di fugu ku kabalus di fugu bin separa elis di ŋutru. Elias subi pa seu na un urdumuñu.

2 Reis 2:16

e falal: “Jubi, anos no tene sinkuenta omi forti. Disa elis e bai buska bu mestre; talves Spiritu di SIÑOR bai ku el, i disal na kualker monti, o na un kobon.” I fala elis: “I ka pirsis pa e bai.”

Salmus 16:11

Bu na mostran kamiñu di vida. Na bu dianti i ten garandi kontentamentu; na bu mon direita i ten kusas sabi ku ka ta kaba.

Salmus 17:15

Ma ami, na ña retidon, N na oja bu rostu; ora ku N korda, N na kontenti ku bu parsensa. Salmu pa ŝef di musika. Davi, servu di SIÑOR, kanta palabras de kantiga pa SIÑOR na dia ku SIÑOR libral di mon di Saul ku di tudu si inimigus.

Salmus 49:15

Ma Deus na kaplintin di puder di mortu, i na risibin na si kau. Sela

Salmus 73:24

Bu ta gian ku bu konsiju; dipus bu na risibin ku gloria.

Isaias 35:10

Kilis ku SIÑOR liberta e na riba, e bin pa Sion ku kantiga. Kontentamentu ku ka na kaba na kubri se kabesa. Gozu ku alegria na yangasa elis; e ka na torna jimi, nin e ka na sinti mas tristesa.

Daniel 7:13

Na ña visons di noti, N fika N na jubi, N oja un algin suma fiju di omi ku na bin na nuvens di seu. I bai pa kil ku staba sempri bibu, i pursentadu si dianti.

Mateus 26:64

Jesus ruspundil: “I suma ku bu fala, ma N na konta bos kuma, i ka na tarda, bo na oja Fiju di omi sintadu na direita di kil ku ten puder; i na bin riba di nuvens di seu.”

Markus 14:62

Jesus falal: “Na bardadi ami i el. Bo na oja Fiju di omi sintadu na direita di Deus di puder; bo na ojal i na bin na nuven di seu.”

Bon Noba di Jesus Kristu ku Jon 12:26

Kin ku na sirbin pa i sigin. Nunde ku N sta nel, ña servu na sta la tambi. Si algin sirbin, ña Pape na onral.

Bon Noba di Jesus Kristu ku Jon 14:3

Si N bai purpara bos lugar, N na bin utru bias, N na leba bos pa mi propi, pa nunde ku N sta nel, bo ta sta la tambi.

Bon Noba di Jesus Kristu ku Jon 17:24

Pape, kilis ku bu dan, N misti pa e sta juntu ku mi na kau ku N sta nel, pa e oja ña gloria ku bu dan, pabia bu aman antis di mundu kumpudu.

Atus 1:9

Oca ki fala e kusa, e fika e na jubil, i na lebadu pa riba; nuven kontra ku el, i kubril di se uju.

Atus 8:39

Oca ke sai na yagu, Spiritu di Siñor rabata Filip. Funsionariu ka ojal mas. I kontinua si kamiñu, kontenti.

2 Koríntius 5:8

No ten konfiansa; no mas misti disa e kurpu ku no mora nel pa sta juntu ku Siñor.

Filipensis 1:23

Di tudu dus ladu N na jundadu. N ten diseẑu di disa e vida pa N sta ku Kristu, pabia i mas minjor,

1 Tesalonisensis 3:13

N misti pa i fortifika bo korson, pa bo sedu puru, sin kulpa dianti di no Deus Pape ora ku no Siñor Jesus bin ku tudu kilis ku pertensil.

1 Tesalonisensis 4:15

Es ku no na konta bos i palabra di Siñor. Ora ku Siñor na bin, anos ku sta inda bibu no ka na bai purmeru di ki kilis ku muri ja.

1 Tesalonisensis 4:18

Bo ba ta konsola ŋutru ku e palabra.

1 Tesalonisensis 5:10

ku muri pa nos pa, si i ojanu bibu o mortu ora ki bin, no pudi vivi juntu ku el.

2 Pedru 3:13

Ma anos, suma ki fala na si purmesa, no na pera nobu seu ku nobu tera, nunde ki son ben ku na fasidu.

Apokalipsi 1:7

Bo jubi, i na bin ku nuvens. Tudu jinti na ojal, te kilis ku furalba kurpu. Tudu rasas na mundu na cora riba del. Asin ki na sedu. Amen.

Apokalipsi 11:12

E obi un garandi vos ku bin di seu, i fala elis: “Bo subi pa li.” E subi na seu na nuven, na uju di se inimigus.

Apokalipsi 12:5

Minjer padi un fiju macu ku ten ku bin manda na tudu nason ku vara di feru. Si fiju rabatadu, i lebadu pa Deus na si tronu.