1 Tesalonisensis 4:13 - BIBLIA - traduson antigu in Krioulo

¹³ Ermons, N misti pa bo sibi di kilis ku muri ja, pa ka bo fika tristi suma kilis ku ka ten speransa.

1 Tesalonisensis 4:13 ပူးပေါင်းရင်းမြစ်များ

Kumsada 37:35

Tudu si fijus macu ku femia lanta pa konsolal, ma i nega pa i konsoladu. I fala: “Na bardadi, N ten ku cora ña fiju te dia ku N bai pa el na kau di jinti ku muri.” Asin si pape cora pa José.

2 Samuel 18:33

Rei fika tarpajadu, i subi pa kuartu ku staba riba di porton, i na cora pa bai, i na fala: “Ña fiju Absalon, ña fiju! Ña fiju Absalon! I bon ba pa N muri na bu konta, Absalon, ña fiju, ña fiju!”

1 Reis 1:21

Si i ka asin, ora ku Ñu Rei muri, i nteradu juntu ku si papes, ami ku ña fiju Salomon, no na tratadu suma kriminosus.”

1 Reis 2:10

Asin Davi muri, i nteradu na prasa di si nomi.

Jo 1:21

i fala: “Nun ku N sai na bariga di ña mame; nun ku N na disa e mundu. I SIÑOR ku dan; i el ku toma. Pa nomi di SIÑOR ngabadu!”

Ditus 14:32

Omi mau, si propi maldadi na batil, ma justu i ten speransa, mesmu na si mortu.

Ezekiel 37:11

Dipus i falan: “Fiju di omi, e os parsintidu suma tudu pobu di Israel. E na fala: ‘No os seku, no speransa pirdi; no kortadu.’

Daniel 12:2

Manga del ku nteradu na con e na lanta, utrus pa vida ku ka ta kaba, utrus pa borgoña ku disprezu ku ka ta kaba.

Sirmonias 19:28

Ka bo laña bo kurpu pabia di algin ku muri, nin ka bo fasi nin un marka na bo kurpu. Ami i SIÑOR.

Sirmonias 21:2

si i ka sedu parenti tokadu, suma si mame o si pape, si fiju macu o femia, si ermon

Mateus 27:52

Kobas di nteru yabri, manga di kurpu di pobu di Deus ku muriba ja e lanta,

Bon Noba di Jesus Kristu ku Jon 11:24

Marta falal: “N sibi kuma i na bin lanta di mortu na resureison di ultimu dia.”

Atus 13:36

Na bardadi, Davi na si tempu i fasi konformi planu di Deus. Dipus i muri, i nteradu juntu ku si papes; si kurpu podri,

Atus 7:60

Dipus i kai ku juju, i grita ku vos forti: “Siñor, ka bu guarda e pekadu kontra elis.” Oca ki fala asin, i diskansa.

Atus 8:2

Utru omis di Deus bai ntera Stevon, e coral ciu.

Romanus 1:13

Ermons, N misti pa bo sibi kuma manga di bias N pui pa N bai jubi bos, pa N pudi ten algun frutu na bo metadi, suma N tenba ja na utru jintius, ma te gosi N tujidu bai.

1 Koríntius 10:1

Ña ermons, N misti pa bo ntindi kuma ku no garandis di antigu staba tudu guardadu bas di nuven, kuma ke pasa tudu na Mar Burmeju.

1 Koríntius 12:1

Gosi, ermons, N na ruspundi kil ku bo skirbi aserka di dons di Spiritu Santu, pabia N misti pa bo ntindil diritu.

1 Koríntius 15:6

dipus, mas di kiñentus ermon ojal di un bias. Mas parti delis sta bibu inda, ma utrus muri ja.

2 Koríntius 1:8

Ermons, N misti pa bo sibi kansera ku bin riba di nos na pruvinsia di Asia. Kargu ku bin riba di nos i pisadu dimas pa no nguental, tok no pirdi speransa di vida.

Efésius 2:12

Na ki tempu bo staba separadu di Kristu; bo ka pertensiba pobu di Israel; bo staba fora di kontratu ku purmesa ku Deus da si pobu. Bo staba na mundu sin speransa, tambi sin Deus,

Efésius 2:3

Na bardadi anos tudu no staba suma elis tambi; no ta yandaba konformi no naturesa umanu; no ta fasiba kualker kusa ku bin na no sintidu, ku no kurpu misti. Anos tambi, na no naturesa, suma utru jinti, no staba bas di raiba di Deus.

1 Tesalonisensis 4:14

No fia kuma Jesus muri, i torna lanta di mortu. Asin tambi ki na sedu ku kilis ku muri ku fe na Jesus. Deus na torna leba elis ku vida juntu ku Jesus.

1 Tesalonisensis 4:15

Es ku no na konta bos i palabra di Siñor. Ora ku Siñor na bin, anos ku sta inda bibu no ka na bai purmeru di ki kilis ku muri ja.

1 Tesalonisensis 5:10

ku muri pa nos pa, si i ojanu bibu o mortu ora ki bin, no pudi vivi juntu ku el.

1 Tesalonisensis 5:6

Ka no durmi suma utru jinti; no fika kordadu; ka no cami.

2 Pedru 3:4

e na ba ta punta: “I ka fala kuma i na bin? Nunde ki sta? Desdi ku no papes muri, tudu kusas sta inda suma na tempu ku mundu kumpudu.”

2 Pedru 3:8

Ña kiridu ermons, es i un kusa ku bo ka dibi di diskisi, kuma un dia pa Siñor i suma mil anu; mil anu i suma un dia.