1 Tesalonisensis 4:1 - BIBLIA - traduson antigu in Krioulo

¹ Pa kabanta, ermons, no nsina bos kuma ku bo dibi di yanda pa fasi Deus kontenti. Asin propi ku bo na yanda, ma no roga bos, no na konsija bos na nomi di Siñor Jesus, pa bo fasi forsa pa yanda mas diritu inda.

1 Tesalonisensis 4:1 ပူးပေါင်းရင်းမြစ်များ

2 Kronikas 17:4

ma i buska Deus di si pape, i yanda konformi si mandamentus; i ka fasi kusas ku Israel ta fasiba.

Jo 17:9

Omi justu na yanda na si kamiñu, i ka na largal; kil ku tene mon puru i na kirsi kada bias mas na forsa.

Salmus 92:14

Na se bejisa e na padi inda frutu, e na fika forti i fresku,

Ditus 4:18

Kamiñu di justus i suma purmeru lus di mandrugada, ku ta kumsa na aumenta klaridadi tok sol kaba mansi,

Bon Noba di Jesus Kristu ku Jon 15:2

I ta korta tudu ramu ku sta na mi ku ka ta padi, ma i ta limpa tudu ki ramus ku ta padi pa e pudi padi mas.

Atus 20:27

pabia nunka N ka disa di konta bos tudu kil ku Deus misti.

Romanus 8:8

Deus ka pudi kontenti ku kilis ku na yanda konformi se naturesa.

1 Koríntius 11:23

N risibi di Siñor ki nsinamentu ku N pasanta pa bos, kuma Siñor Jesus, na noti ku Judas falsial, i toma pon,

1 Koríntius 15:1

Gosi, ermons, N na lembranta bos di Bon Noba ku N konta bos, ku bo risibi, kil ku bo firma nel,

1 Koríntius 15:58

Asin, ña kiridu ermons, bo sedu firmi; ka bo bulbuli; bo tene sempri vontadi na tarbaju di Siñor, suma ku bo sibi kuma, kusa ku bo fasi pa Siñor i ka amonton.

2 Koríntius 10:1

Ami Paulu, N na roga bos, ami ku jinti fala kuma, ora ku N sta ku bos, N ta mansu, ma si N sta lunju, N ta sedu brabu pa bos. N na pidi bos, pa mansesa ku bondadi di Kristu,

2 Koríntius 13:11

Mbon ermons, N na dispidi bos. Bo kontenti, bo sedu pirfitu, bo seta ña pididu, bo konkorda ku ŋutru, bo vivi na pas. Deus di amor ku ta da pas i ta sta ku bos.

2 Koríntius 5:9

Kusa ku no mas misti i pa no agradal, tantu na kurpu suma dipus di no muri,

2 Koríntius 6:1

Anos ku na tarbaja juntu ku Deus, no na pidi bos ku risibi ja fabur di Deus, pa ka bo tenel na nada.

Gálatas 6:1

Ña ermons, si un algin ciga di kai di repenti na un kulpa, abos ku na yanda diritu ku Deus bo dibi di ndirital ku mansesa. Bo jubi pa bo kabesa, pa ka bo bin sedu tentadu tambi.

Efésius 4:1

E ku manda, ami ku sedu katibu pabia N na sirbi Siñor, N roga bos pa bo vivi konformi manera di vida ku bo comadu pa el,

Efésius 4:20

I ka asin ku bo nsinadu aserka di Kristu.

Efésius 5:17

Pabia des, ka bo sedu tulu, ma bo buska ntindi ke ku Siñor misti pa bo fasi.

Filipensis 1:27

Kusa importanti i pa bo manera di vivi sedu dignu di Bon Noba di Kristu, pa nin si N bai jubi bos o nau, N pudi obi kuma bo sta firmi na un sintidu son, bo na geria juntu pa fe di Bon Noba, ku un pensamentu son.

Filipensis 1:9

Es i ña orason, pa bo amor buri kada bias mas, na kuñisimentu, tambi ku tudu ntindimentu,

Filipensis 3:14

N na kuri diritu pa fin di kurida, pa N pudi ngaña premiu ku Deus coman pa el na seu, na Kristu Jesus.

Kolosensis 1:10

pa bo pudi yanda na manera dignu di Siñor, pa i pudi kontenti ku bos na tudu, pa bo vida mostra tudu koldadi frutu na bon kusas ku bo ta fasi, pa bo kirsi na kuñisimentu di Deus.

Kolosensis 2:6

Manera ku bo risibi Kristu Jesus suma Siñor, asin ku bo ten ku yanda unidu ku el.

1 Tesalonisensis 3:12

N misti pa Siñor pui bo amor pa i kirsi, i darma un pa utru, i pa tudu jinti, suma tambi ku no amor darma pa bos.

1 Tesalonisensis 4:2

Bo sibi kal ordis ku no da bos na nomi di Siñor Jesus.

1 Tesalonisensis 5:12

Ermons, N roga bos pa bo rispita kilis ku na tarbaja na bo metadi, ku ta diriẑi bos na bo union ku Siñor, e ta nsina bos.

2 Tesalonisensis 1:3

Ermons, no ten ku fala Deus obrigadu pa bos sempri. No dibi di fasi asin propi pabia bo fe na kirsi dimas. Amor ku kada un di bos ten pa ŋutru i na darma kada bias mas na bo metadi.

2 Tesalonisensis 2:1

Agora ermons, aserka di vinda di no Siñor Jesus Kristu, ku no juntamentu ku el, N na pidi bos

2 Tesalonisensis 3:1

Pa kabanta, ermons, bo ora pa nos, pa palabra di Siñor spaja rapidu, pa i dadu balur, suma ki dadu na bo metadi.

2 Tesalonisensis 3:13

Abos, ermons, ka bo kansa fasi ben.

1 Timótiu 5:21

Dianti di Deus ku Kristu Jesus ku anjus ku kujidu, N na mandau ku tudu seredadi pa bu obdisi e ordi. Ka bu julga sin ntindi kusa diritu; ka bu mostra fabur pa ningin.

2 Timótiu 4:1

Dianti di Deus, ku Kristu Jesus ku ten ku julga bibus ku mortus, pabia i ten ku bin pa rena, N mandau

Ebreus 11:6

Ningin ka pudi pui Deus kontenti ku el sin fe, pabia kil ku na bai pa el i ten ku fia kuma el i ten, kuma i ta da pagamentu tambi pa kilis ku buskal.

Ebreus 13:16

Ka bo diskisi di fasi ben, bo rapati ku utrus kil ku bo tene, pabia i e koldadi sakrifisiu ku Deus ta kontenti ku el.

Ebreus 13:22

Ermons, N pidi bos pa bo nguenta e palabra di konsiju, pabia e karta i ka kumpridu di ki manera.

2 Pedru 3:18

Mas minjor bo bai dianti na fabur ku kuñisimentu di no Siñor i Salbadur Jesus Kristu. El pa i dadu gloria, disna di gosi, suma pa tudu sempri. Amen.

1 Jon 3:22

Kualker kusa ku no pidil, no na risibi, pabia no obdisi si mandamentus, no ta fasi kil ki misti.