1 Tesalonisensis 3:5 - BIBLIA - traduson antigu in Krioulo

⁵ Asin N ka pudiba nguenta mas; N mandal pa i bai sibi di bo fe. N tenba medu kuma talves tentadur tenta bos; asin no tarbaju pudiba fika danadu.

1 Tesalonisensis 3:5 ပူးပေါင်းရင်းမြစ်များ

Isaias 49:4

Ma N fala: “N tarbaja amonton; N gasta ña forsa na nada, sin purbitu. Ma ki pagamentu ku N ten diritu di risibi i sta nunde SIÑOR ña Deus.”

Daniel 6:19

I lanta parmaña sedu, i bai kinti-kinti pa koba di lions.

Mateus 4:3

Tentadur ciga pa el, i falal: “Si kontra abo i Fiju di Deus, manda e pedras pa e bida pon.”

Atus 15:36

Dipus di un tempu Paulu fala Barnabé: “No bai visita no ermons na tudu prasas ku no konta nel palabra di Siñor, pa no jubi kuma ke sta.”

1 Koríntius 7:5

Bo ka dibi di nega vontadi di ŋutru, son si bo konkorda pa lunjusi di ŋutru un bokadu, pa da tempu pa orason. Dipus, bo ta junta mas, pa ka Satanas tenta bos si bo ten falta di disiplina.

2 Koríntius 2:11

pabia no sibi kal ki si planu mau.

2 Koríntius 6:1

Anos ku na tarbaja juntu ku Deus, no na pidi bos ku risibi ja fabur di Deus, pa ka bo tenel na nada.

Gálatas 2:2

N bai, pabia Deus mostran kuma N dibi di bai. Na un runion aparti ku garandis di igreẑa, N konta se dianti Bon Noba ku N ta konta pa kilis ku ka sedu judeus. N ka mistiba pa tarbaju ku N fasi, ku N na fasiba inda, sedu na nada.

Gálatas 4:11

N medi pa bos, pa ña tarbaju pa bos ka bin sedu suma mon di sal na yagu.

Efésius 4:14

pa ka no sedu mas mininu ku ta boia na maron, ku ta lebadu na tudu urdumuñu di nsinamentu di omis ku ta ngana jinti ku astusias di tarpasa,

Filipensis 2:16

kontra bo na da elis palabra di vida. Si bo fasi asin, N ta ten ku njata na bos na Dia di Kristu, pabia i ta mostra kuma tudu ña kurida ku ña tarbaju i ka sedu amonton.

Filipensis 2:19

Si i vontadi di Siñor Jesus, N spera kuma N ka na tarda pa manda bos Timótiu, pa N pudi fika animadu pa obi bo noba.

1 Tesalonisensis 2:1

Ermons, abos propi bo sibi kuma no visita pa bos i ka amonton.

1 Tesalonisensis 3:6

Gosi ku Timótiu riba di visita bos, i tisinu bon noba di bo fe ku bo amor, i kontanu kuma bo ta pensa sempri ben di nos, kuma bo misti ojanu suma ku no misti oja bos,