1 Tesalonisensis 3:2 - BIBLIA - traduson antigu in Krioulo

² no manda Timótiu, no ermon ku tarbaja pa Deus juntu ku nos na anunsia Bon Noba di Kristu, pa da bos animu, pa bo fika firmi na bo fe,

1 Tesalonisensis 3:2 ပူးပေါင်းရင်းမြစ်များ

Atus 16:1

I ciga na Derbi ku Listra. I staba la un krenti ku comadu Timótiu, fiju di un minjer judeu, krenti, ma si pape i gregu.

Atus 16:5

Asin igreẑas fika e na bida mas forti na fe; kada dia e na aumenta na numeru.

Atus 18:5

Oca ku Silas ku Timótiu ciga di Masedonia, Paulu pui tudu si tempu pa konta palabra, i diklara judeus kuma Jesus i Kristu.

Romanus 16:21

Timótiu, ña kumpañer na tarbaju, i manda bos manteña, ku Lusiu, ku Jason, ku Sosípatru, ña parentis.

1 Koríntius 3:10

Ku don ku Deus dan, N tarbaja suma mestre di pedreru jiru. N pui alisersu; utru na kumpu kasa riba del. Kada kin jubi kuma ki na kumpu riba del,

1 Koríntius 4:17

Pabia des N na manda bos Timótiu, ña fiju ku N ama; i fiel na Siñor; i ta juda bos lembra nsinamentu di kamiñu ku N ta yanda nel juntu ku Kristu, ku N ta nsina tambi na tudu parti, na kada igreẑa.

2 Koríntius 1:1

Ami Paulu, apostolu di Kristu Jesus pa vontadi di Deus, ku no ermon Timótiu, no na skirbi pa igreẑa di Deus ku sta na Korintu, ku tudu pobu di Deus ku sta na tudu Akaia.

2 Koríntius 1:19

Fiju di Deus, Jesus Kristu, ku ami ku Timótiu ku Silvanu no konta bos del, i ka jagasi Sin ku Nau, ma el i son Sin.

2 Koríntius 2:12

Oca ku N ciga Troas pa konta Bon Noba di Kristu, N oja kuma Siñor yabriba kamiñu pa N tarbaja la.

2 Koríntius 2:13

N staba tarpajadu dentru di mi suma ku N ka oja ña ermon Titu la. E ku manda N dispidi elis, N bai pa Masedonia.

2 Koríntius 8:23

Si bo misti sibi kusa di Titu, el i ña kumpañer na tarbaju pa juda bos. De utru ermons ku na bai ku el, elis i delegadus di igreẑa, e ta tisi onra pa Kristu.

Filipensis 1:25

Suma ku N ten e sertesa, N sibi kuma N na bibu inda; N na fika ku bos tudu pa juda bos avansa na fe ku mas alegria,

Kolosensis 1:1

Ami Paulu, apostolu di Kristu Jesus na vontadi di Deus, ku ermon Timótiu,

Kolosensis 1:7

Epafras, no kumpañer na tarbaju, servu fiel di Kristu, ku bai na no konta, i na nsina bos aserka de grasa.

Kolosensis 4:12

Manteña di Epafras, utru membru di bo grupu, ki servu di Kristu, ku sempri i ta luta pa bos na orason, pa bo pudi fika firmi, bo sedu maduru na fe, bo fasi sempri tudu ku Deus misti.

Kolosensis 4:9

No fiel ermon amadu, Onésimu, ki un di bos, i na bai juntu ku el. E na da bos noba di tudu ku na pasa li.

1 Tesalonisensis 3:13

N misti pa i fortifika bo korson, pa bo sedu puru, sin kulpa dianti di no Deus Pape ora ku no Siñor Jesus bin ku tudu kilis ku pertensil.

1 Tesalonisensis 3:5

Asin N ka pudiba nguenta mas; N mandal pa i bai sibi di bo fe. N tenba medu kuma talves tentadur tenta bos; asin no tarbaju pudiba fika danadu.

2 Tesalonisensis 2:17

N pidi pa e kontinua da bos koraẑen ku forsa, pa bo pudi sempri fala, bo fasi, kil ki bon.