1 Tesalonisensis 2:9 - BIBLIA - traduson antigu in Krioulo

⁹ Ermons, N ten sertesa kuma bo lembra di no tarbaju ku fadiga. Oca ku no na konta bos Bon Noba di Deus, no ta tarbajaba di noti ku di dia pa ka no sedu kargu pisadu pa nin un di bos.

1 Tesalonisensis 2:9 ပူးပေါင်းရင်းမြစ်များ

2 Reis 6:2

Disanu pa no bai pa Jordon, pa kada un di nos pudi ranja pos, pa no kumpu li un kau di mora.” I fala elis: “Bo bai.”

Neemias 5:15

ma ki purmeru gubernaduris ku staba antis di mi e seduba pisadu pa pobu, pabia e ta toma na se mon kumida ku biñu, suma tambi korenta mueda di prata. Fora di kila, se ajudantis ta dominaba riba di pobu. Ami N ka fasi asin, pabia N rispita Deus.

Neemias 5:18

Kada dia i ta matadu un baka ku seis karnel di ki minjoris, ku galiñas tambi. Na kada des dia N ta ranja manga di biñu di tudu koldadi, ma nin ku ’sin, N ka ta iziẑi kumida di gubernadur, pabia kargu staba pisadu riba di pobu.

Salmus 32:4

Pabia bu mon, SIÑOR, i na pesaba riba di mi di dia ku di noti; ña forsa fika i na seku suma na tempu di kalur. Sela

Salmus 88:1

SIÑOR, Deus ku ta salban. di dia ku di noti N ta comau pa sakur.

Ditus 31:18

I ta toma sintidu na si nogos pa i pudi ngaña diritu. Si kanderu ka ta pagadu di noti.

Jeremias 9:1

I ta seduba bon pa ña kabesa tene fonti di yagu, pa ña ujus sedu fonti di larmas! Asin N ta coraba di dia ku di noti pa mortus di ña pobu.

Lukas 18:7

Nta Deus tambi ka na fasi justisa pa kilis ki kuji, ku na comal di dia ku di noti? O i na tarda pa kudi elis?

Lukas 2:37

I fika viuva tok i tene kuas oitenta i kuatru anu. I ka ta lunjusi di kasa di Deus, i ta adoraba Deus di noti ku di dia, ku junjun ku orason.

Atus 18:3

Suma ke tenba mesmu tarbaju di kumpu tenda, i fika ku elis, pa e tarbaja juntu.

Atus 20:24

ma ami, N ka da ña vida nin un balur; N misti son kompleta ña kurida ku alegria, pa kabanta tarbaju ku Siñor Jesus dan pa N fasi, pa N konta palabra di Bon Noba di grasa di Deus.

Atus 20:31

Asin, bo bisia, bo lembra kuma tris anu, di dia ku di noti, N ka para konsija kada un di bos ku larma.

Romanus 1:1

Ami Paulu, servu di Kristu Jesus, comadu pa sedu apostolu, separadu pa prega Bon Noba di Deus, N na skirbi pa bos na Roma.

Romanus 15:16

pa N sedu servu di Jesus Kristu pa leba si palabra pa jintius, pa N tarbaja na anunsiu di Bon Noba di Deus, pa jintius pudi setadu suma oferta ku Spiritu Santu santifika.

1 Koríntius 4:12

No ta tarbaja ku no mon, no ta kansa. Ora ke falanu mal, no ta fala ben delis; ora ku no pirsigidu, no ta sufri;

1 Koríntius 9:15

Ma ami, nin un de diritus li N ka purbita, nin N ka na skirbi e karta pa bo pudi fasi asin ku mi. I minjor N muri te pa algin fasi ña manera di ngaba ña kabesa pirdi balur.

1 Koríntius 9:18

Agora kal ki ña pagamentu? I kontentamentu ku N ten pa konta Bon Noba sin kobra ningin, sin purbita ki diritu ku N ten suma kil ku ta konta Bon Noba.

1 Koríntius 9:4

No ka ten diritu di kume no bibi?

2 Koríntius 11:27

N tarbaja ku fadiga, manga di bias sin durmi, ku fomi, ku sedi. N junjuŋa manga di bias; N sufri friu ku falta di ropa.

2 Koríntius 11:9

Ermons ku bin di Masedonia e judan na ña falta. Na tudu N libra di sedu pisadu pa bos; N na kontinua libra inda.

2 Koríntius 6:5

No sutadu, no prindidu; jinti junta na nos; no tarbaja ciu, utru ora ku fomi, ku falta di sonu.

Filipensis 4:16

Oca ku N staba na Tesalónika, i ka un bias ma dus ku bo mandan ki ajuda ku N pirsisaba.

1 Tesalonisensis 1:3

No ta lembra sempri dianti di no Pape, ku sedu Deus, kuma ku bo fe ta mostra na kusas ku bo na fasi; bo amor i pui bo tarbaja ciu, bo speransa na no Siñor Jesus Kristu i firmi.

1 Tesalonisensis 2:2

Bo sibi kuma, antis di no bin pa bos, no sufri ciu, no mal-tratadu na Fílipus. Kontudu no tenba garandi luta, no Deus danu koraẑen pa konta bos si Bon Noba.

1 Tesalonisensis 2:6

No ka buska pa jinti ngabanu, nin abos nin utrus, kontudu no pudiba sedu kargu pa bos, suma apostolus di Kristu.

1 Tesalonisensis 3:10

Di dia ku di noti no ta pidi ku tudu no korson pa i disanu oja bos utru bias, pa no pudi buri bos kil ku na falta na bo fe.

1 Timótiu 1:11

ku sta na Bon Noba di Deus gloriosu ku mersi ngabadu, ki Bon Noba ki dan pa N konta.

1 Timótiu 4:10

kuma pa e fin no tarbaja, no luta, pabia no pui no speransa na Deus bibu, ku sedu Salbadur di tudu jinti, riba di tudu, di kilis ku fia nel.

1 Timótiu 5:5

Viuva ku na bardadi ka tene ningin, ma i dingi, i ta pui si speransa na Deus, i kontinua di noti ku di dia na orason, i na pidi Deus ajuda,

2 Timótiu 1:3

N ta fala Deus obrigadu, kil ku N ta sirbi ku bon konsiensia suma ku ña papes antigu fasi; N ta gardisil sempri, ora ku N na coma bu nomi na orason di noti ku di dia.