1 Tesalonisensis 2:5 - BIBLIA - traduson antigu in Krioulo

⁵ Bo sibi klaru kuma no palabra nunka ka sedu di ngodu nin pa sukundi risu mon. Deus i ña tustumuña.

1 Tesalonisensis 2:5 ပူးပေါင်းရင်းမြစ်များ

Jo 16:19

N sibi kuma ña tustumuña sta na seu; la riba i ten algin ku na difindi ña kasu.

Jo 17:5

Si algin falsia si amigu pa pudi ngaña, ujus di si fijus e na funguli.

Ditus 20:19

Kil ku ta yanda i na papia, i ta tira sigridu. Ka bu miti ku algin ku ta papia ciu dimas.

Ditus 26:28

Algin munturus i ta aburisi kil ki papia mal pa el. Boka ku ta ngaba ku nganu i ta tisi danu.

Ditus 28:23

Si bu raprindi algin, mas tardi i na sta mas kontenti ku bo di ki ku utru algin ku ta ngabal son ku boka.

Isaias 30:10

ku ta fala videntis: “Ka bo oja mas vison;” e fala anunsiaduris: “Ka bo anunsianu kusas ki diritu; bo kontanu son kil ku no gosta del, bo anunsia konformi no imaẑinason.

Isaias 56:11

Ki kacuris faimadu, e ka ta farta. E sedu bakiaduris sin ntindimentu; elis tudu e ta bai kau ke misti, kada kin pa buska pa si kabesa.

Jeremias 6:13

Mininus ku garandis, kada kin ta pui si sintidu son pa ngaña. Anunsiaduris tudu ku saserdotis, kada un ta ngana jinti.

Jeremias 8:10

Asin N na da se minjeris ku se lugaris pa utru jinti, pabia mininus ku garandis, kada kin ta pui sintidu son pa ngaña. Anunsiadur, tudu ku saserdoti, kada un ta ngana pobu.

Mikeias 3:5

Asin ku SIÑOR fala: “Ki anunsiaduris na pui ña pobu pa e yara. Si algin da elis kusa di kume, e ta fala: ‘Pas!’ Ma si i ka miti elis nada na boka, e ta purpara gera kontra el.

Malakias 1:10

SIÑOR ku ten tudu puder fala: “I ta bon ba pa un algin na bo metadi fica portas di templu pa tuji bos peganda fugu na ña altar amonton! N ka sta kontenti ku bos, nin N ka na seta oferta di bo mon.

Mateus 22:16

E manda se disipulus juntu ku utrus di partidu di Erodis. E bai fala Jesus: “Mestre, no sibi kuma bu ta konta bardadi, bu ta nsina kamiñu di Deus konformi bardadi. Bu ka ta bari ningin paja, nin bu ka ta jubi pa rostu di ningin.

Mateus 23:13

“Koitadi di bos, pursoris di lei ku fariseus, finjiduris! Bo ta fica porta di renu di seu na rostu di jinti. Abos bo ka ta yentra; nin kilis ku sta pa yentra, bo ka ta seta elis yentra. [

Atus 20:33

N ka kubisa ningin nin uru, nin prata, nin ropa.

Romanus 1:9

Deus i ña tustumuña, ku N ta sirbi ku tudu ña korson, manera ku N ta konta Bon Noba di si Fiju. I sibi kuma N ta lembra di bos sempri

Romanus 16:18

pabia kilis ku ta fasi asin e ka na sirbi Kristu no Siñor, ma e na sirbi se propi vontadi. E ta ngana menti di jinti inosenti ku se boka sabi ku ngodu.

Romanus 9:1

N na konta bardadi. Ami i di Kristu, N ka ta konta mintida. Ña konsiensia, bas di puder di Spiritu Santu, i na konfirma ña palabra,

2 Koríntius 12:17

Nta N splora bos ku kualker di kilis ku N manda bos?

2 Koríntius 2:17

No ka sta suma manga di utru jinti ku ta konta palabra son ku interes di ngaña, ma dianti di Deus no ta fala di Kristu na bardadi, suma ku Deus mandanu.

2 Koríntius 4:2

No nega tudu kusa di borgoña ku jinti ta fasi sukundidu. No ka ta yanda na nganu, nin no ka ta tursi palabra di Deus. No misti pa tudu jinti ku bon konsiensia pa e rapara kuma no na yanda na lus klaru di bardadi dianti di Deus.

2 Koríntius 7:2

Bo yabri bo korson pa nos. No ka fasi ningin mal; no ka dana vida di ningin, nin no ka splora ningin.

Gálatas 1:20

Ke ku N skirbi i bardadi. Dianti di Deus N ka na konta mintida.

1 Tesalonisensis 2:10

Abos ku Deus bo sedu tustumuñas kuma ku no trata ku bos krentis na manera santu i justu, sin kulpa.

1 Timótiu 3:3

I ka dibi di ba ta bibi biñu ciu, nin i ka dibi di sedu brabu, ma di pasensa, ku ka gosta di jus; i ka dibi di ba ta faima pa diñeru.

1 Timótiu 3:8

Di mesmu manera diákunus dibi di sedu retu; pa ka e ten dus fála, pa ka e bibi biñu ciu, pa ka e faima pa diñeru.

Titu 1:7

pabia presbiteru ku sedu nkargadu di kasa di Deus i dibi di sedu sin kulpa; i ka dibi di sedu kunfiadu, nin algin ku ta lestu di paña raiba, nin ku ta bibi ciu, nin sutadur, nin ku ta faima pa diñeru.

1 Pedru 5:2

N na pidi bos pa bo toma konta di krentis na bo metadi, ku sedu karnel di Deus. I ka obrigason, ma di bo libri vontadi, suma ku Deus misti; i ka ku spiritu intereseru, ma ku diseẑu di sirbi.

2 Pedru 2:18

E ta fala palabras di njatamentu ku ka ten balur. Na se diseẑu mau di kurpu ku se vida susu e ta ngoda kilis ku kumsa na kapli nan di jinti ku na yanda mal.

2 Pedru 2:3

Ku vontadi di ngaña diñeru e ta splora bos ku palabra di mintida. Se julgamentu ku markadu disna i ka na tarda. Se pirdison na pera elis ku uju abertu.

Judas 1:11

Koitadi delis! E bai na kamiñu ku Kain bai. Pa amor di diñeru e murguja na eru suma Balaon. E rafila suma Koré; e pirdi suma el.