1 Tesalonisensis 2:10 - BIBLIA - traduson antigu in Krioulo

¹⁰ Abos ku Deus bo sedu tustumuñas kuma ku no trata ku bos krentis na manera santu i justu, sin kulpa.

1 Tesalonisensis 2:10 ပူးပေါင်းရင်းမြစ်များ

Jeremias 18:20

Nta ben ta pagadu ku mal? Elis e yabri un koba pa mi. Lembra kuma ku N firma bu dianti pa pidi pa elis, pa disvianta bu raiba delis.

Numerus 16:15

Moisés raiba ciu, i fala SIÑOR: “Ka bu seta se oferta. N ka toma nada delis, nin un buru; N ka yara nin un delis.”

Lukas 23:41

Pa nos i justu, pabia no na risibi kil ku no mersi pa mal ku no fasi, ma es, nin un mal i ka fasi.”

Atus 20:18

Oca ke ciga, i fala elis: “Abos bo sibi diritu kal manera ku N pasa ku bos tudu tempu ku N staba na bo metadi, disna di purmeru dia ku N ciga na reẑion di Asia.

Atus 20:26

E ku manda, dia di aos, N diklara bos kuma, si un di bos pirdi, ami i ka kulpadu,

Atus 24:16

E ku manda N ta buska sempri tene un konsiensia limpu dianti di Deus ku dianti di jinti.

2 Koríntius 1:12

Kusa ku no pudi njata nel: no konsiensia ta mostranu klaru kuma no vida na mundu, prinsipalmenti na no tratu ku bos, i sedu na puresa ku bardadi ku bin di Deus. I ka na jiresa di karni, ma i fabur di Deus.

2 Koríntius 11:11

Nta N fala asin pabia N ka misti bos? Deus sibi kuma N misti bos.

2 Koríntius 11:31

Deus, Pape di no Siñor Jesus, ku ta ngabadu pa sempri, i sibi kuma N ka na konta mintida.

2 Koríntius 4:2

No nega tudu kusa di borgoña ku jinti ta fasi sukundidu. No ka ta yanda na nganu, nin no ka ta tursi palabra di Deus. No misti pa tudu jinti ku bon konsiensia pa e rapara kuma no na yanda na lus klaru di bardadi dianti di Deus.

2 Koríntius 5:11

Suma no sibi kuma ku Siñor dibi di rispitadu, no ta misti konvensi jinti. Deus kunsinu diritu; no na pera kuma abos tambi bo kunsinu diritu dentru di bo korson.

2 Koríntius 7:2

Bo yabri bo korson pa nos. No ka fasi ningin mal; no ka dana vida di ningin, nin no ka splora ningin.

1 Tesalonisensis 1:5

Oca ku no leba bos Bon Noba, i ka son ku palabra, ma tambi ku puder na Spiritu Santu, ku garandi sertesa. Bo sibi kuma ku no na viviba na bo metadi, pa ben di bos.

1 Tesalonisensis 2:5

Bo sibi klaru kuma no palabra nunka ka sedu di ngodu nin pa sukundi risu mon. Deus i ña tustumuña.

2 Tesalonisensis 3:7

Abos propi bo sibi kuma ku bo dibi di remendanu, pabia no ka seduba prigisosu na bo metadi.

1 Timótiu 4:12

Ka ningin lebsiu suma ku bu nobu inda, ma sedu isemplu pa krentis, na bu palabra, na bu manera, na amor, na fe, na puresa.

2 Timótiu 3:10

Ma abo, bu rapara sempri ña nsinamentu, manera di yanda, sintidu ku N ten, fe, pasensa, amor, firmesa,

1 Pedru 5:3

I ka suma bo na manda riba di kilis ku ntregadu na bo mon, ma bo na sirbi pa isemplu di rebañu.