1 Tesalonisensis 2:1 - BIBLIA - traduson antigu in Krioulo

¹ Ermons, abos propi bo sibi kuma no visita pa bos i ka amonton.

1 Tesalonisensis 2:1 ပူးပေါင်းရင်းမြစ်များ

Jo 39:16

I ta trata si fijus ku duresa, tok i ka ta parsi kuma i si fijus. I ka ta mporta si si tarbaju i amonton,

Salmus 127:1

Si SIÑOR ka kumpu kasa, pedrerus ta tarbaja amonton. Si SIÑOR ka guarda prasa, sintinela ta bisia amonton.

Salmus 73:13

Na bardadi, i ka baliba pena pa N purifika ña korson, pa N laba ña mon sin kulpa,

Isaias 49:4

Ma N fala: “N tarbaja amonton; N gasta ña forsa na nada, sin purbitu. Ma ki pagamentu ku N ten diritu di risibi i sta nunde SIÑOR ña Deus.”

Isaias 65:23

E ka na tarbaja amonton, nin e ka na padi fijus pa sufrimentu, pabia e na sedu un pobu ku SIÑOR bensua, elis ku se jorson di futuru.

Abakuk 2:13

Nasons ta tarbaja son pa fugu; jinti ta kansa na nada. Nta i ka SIÑOR ku ten tudu puder ku fasi es?

1 Koríntius 15:10

ma fabur di Deus fasin kil ku N sedu. Deus ka dan e fabur sin purbitu, pabia N tarbaja mas di ki elis tudu. Ma i ka ami; i fabur di Deus ku na tarbaja ku mi.

1 Koríntius 15:2

kil tambi ku tisi bos salbason, si bo rakadal suma ku N konta bos el. Si i ka asin, bo konverti pa nada.

1 Koríntius 15:58

Asin, ña kiridu ermons, bo sedu firmi; ka bo bulbuli; bo tene sempri vontadi na tarbaju di Siñor, suma ku bo sibi kuma, kusa ku bo fasi pa Siñor i ka amonton.

2 Koríntius 6:1

Anos ku na tarbaja juntu ku Deus, no na pidi bos ku risibi ja fabur di Deus, pa ka bo tenel na nada.

Gálatas 2:2

N bai, pabia Deus mostran kuma N dibi di bai. Na un runion aparti ku garandis di igreẑa, N konta se dianti Bon Noba ku N ta konta pa kilis ku ka sedu judeus. N ka mistiba pa tarbaju ku N fasi, ku N na fasiba inda, sedu na nada.

Gálatas 4:11

N medi pa bos, pa ña tarbaju pa bos ka bin sedu suma mon di sal na yagu.

Filipensis 2:16

kontra bo na da elis palabra di vida. Si bo fasi asin, N ta ten ku njata na bos na Dia di Kristu, pabia i ta mostra kuma tudu ña kurida ku ña tarbaju i ka sedu amonton.

1 Tesalonisensis 2:13

E ku manda sempri no ta fala Deus obrigadu, pabia, oca ku no leba bos rekadu di Deus, bo risibil; bo ka risibil suma palabra di omi, ma suma palabra di Deus, ku na bardadi i sedu. I e palabra ku na tarbaja na bos ku fia nel.

1 Tesalonisensis 3:5

Asin N ka pudiba nguenta mas; N mandal pa i bai sibi di bo fe. N tenba medu kuma talves tentadur tenta bos; asin no tarbaju pudiba fika danadu.

2 Tesalonisensis 1:10

na ki dia ora ki bin pa risibi gloria na metadi di tudu si pobu, ku adorason di tudu kilis ku fia nel. Abos tambi bo na mati la, pabia bo fia na tustumuñu ku no da bos.

2 Tesalonisensis 3:1

Pa kabanta, ermons, bo ora pa nos, pa palabra di Siñor spaja rapidu, pa i dadu balur, suma ki dadu na bo metadi.