1 Tesalonisensis 1:5 - BIBLIA - traduson antigu in Krioulo

⁵ Oca ku no leba bos Bon Noba, i ka son ku palabra, ma tambi ku puder na Spiritu Santu, ku garandi sertesa. Bo sibi kuma ku no na viviba na bo metadi, pa ben di bos.

1 Tesalonisensis 1:5 ပူးပေါင်းရင်းမြစ်များ

Isaias 55:11

asin ku palabra ku N papia na sedu; i ka na riba amonton pa mi, ma i na fasi kil ki di ña vontadi; i na bai dianti na kil ku N mandal pa i fasi.

Markus 16:20

Disipulus bai, e konta palabra di Deus na tudu parti. Siñor tarbaja juntu ku elis, i konfirma se palabra ku milagris ku na kumpañalba.]

Lukas 1:1

Siñor Teófilu, manga di jinti buska manera di skirbi storia di ke ku kontisi na no metadi.

Atus 11:21

Mon di Siñor staba ku elis. Manga di jinti seta, e konverti pa Siñor.

Atus 16:14

Un minjer ku comadu Lidia, di prasa di Tiatira, bindidur di fazenda purpura, ku ta adoraba Deus, i na sukutanuba. Siñor yabril korson pa i pui sintidu na kil ku Paulu na fala.

Atus 2:33

Manera ki sta ja riba, na mon direita di Deus si Pape, i risibi na si mon Spiritu Santu ku Deus falaba i na manda; i darma e kusa ku bo na oja gosi, bo na obil.

Romanus 1:16

N ka ta sinti borgoña di Bon Noba di Kristu, pabia i puder di Deus pa salba tudu kil ku fia nel, purmeru judeus, ku kilis ki ka judeus tambi.

Romanus 15:13

Asin Deus, ku ta da speransa, ta inci bos di kontentamentu ku pas pabia di bo fe, pa bo pudi ten garandi speransa na puder di Spiritu Santu.

Romanus 2:16

Asin ki na sedu na dia ku Deus ku Siñor Jesus Kristu ten ku julga sigridu di jinti, suma Bon Noba, ku N ta konta, fala.

1 Koríntius 1:24

ma pa kilis ku Deus coma, judeus ku gregus, pa elis Kristu i puder di Deus, i jiresa di Deus.

1 Koríntius 10:33

Suma mi tambi, N ta fasi forsa pa N fasi tudu pa pui tudu jinti kontenti. N ka ta buska kil ki bon son pa mi, ma pa manga di jinti, pa e pudi salba.

1 Koríntius 3:16

Nta bo ka sibi kuma abos i santuariu di Deus, kuma Spiritu di Deus mora na bos?

1 Koríntius 3:6

Ami N paranta, Apolu regua, ma i Deus ku fasil kirsi.

1 Koríntius 4:20

pabia renu di Deus i ka sedu di palabra ma di puder.

1 Koríntius 9:14

Asin tambi Siñor manda pa kilis ku na konta Bon Noba pa e sustentadu nel.

2 Koríntius 3:6

I el ku fasinu kapas di konta jinti aserka di nobu kontratu, ku ka sedu lei skritu, ma di Spiritu. Lei ku skirbidu i ta mata, ma Spiritu ta da vida.

Gálatas 2:2

N bai, pabia Deus mostran kuma N dibi di bai. Na un runion aparti ku garandis di igreẑa, N konta se dianti Bon Noba ku N ta konta pa kilis ku ka sedu judeus. N ka mistiba pa tarbaju ku N fasi, ku N na fasiba inda, sedu na nada.

Gálatas 5:5

Suma nos, no speransa ku no na pera i pa no ojadu justu pa tarbaju di Spiritu di Deus pabia di no fe.

Efésius 2:10

I Deus ku fasinu kil ku no sedu; i krianu na union ku Kristu Jesus pa vida di bon tarbaju ki purpara pa no fasi.

Efésius 3:20

Gloria pa kil ki kapas di fasi muitu mas ciu di ki tudu kil ku no pidi, o no pensa, konformi puder ku na tarbaja na nos;

Filipensis 2:13

pabia i Deus ku ta tarbaja na bos pa da bos diseẑu ku puder pa kumpri si bon vontadi.

Filipensis 4:9

Tambi bo fasi kil ku N nsina bos, kil ku bo risibi, ku bo obi na ña boka, ku bo oja na mi. Deus ku ta da pas ta sta ku bos.

Kolosensis 2:2

pa se korson pudi inci di bon animu, pa e sedu unidu na amor, pa e rikusidu na garandi ntindimentu, pa e ten tudu kuñisimentu di sigridu di Deus. E sigridu i Kristu propi,

1 Tesalonisensis 2:13

E ku manda sempri no ta fala Deus obrigadu, pabia, oca ku no leba bos rekadu di Deus, bo risibil; bo ka risibil suma palabra di omi, ma suma palabra di Deus, ku na bardadi i sedu. I e palabra ku na tarbaja na bos ku fia nel.

2 Tesalonisensis 2:14

I pabia di Bon Noba ku no konta bos ku Deus coma bos pa bo pudi ten parti na gloria di no Siñor Jesus Kristu.

2 Timótiu 2:10

Asin N na sufri tudu pa amor di kilis ku Deus kuji, pa elis tambi e yangasa salbason ku sta na Kristu Jesus, ku gloria ku ka ta kaba.

2 Timótiu 2:8

Lembra di Jesus Kristu ku sedu di jorson di Davi, ku lantandadu na metadi di mortus, konformi Bon Noba ku N ta konta.

Ebreus 10:22

no ciga pertu ku korson limpu, ku garandi sertesa di fe, ku korson purifikadu di konsiensia mau, ku kurpu labadu ku yagu limpu.

Ebreus 6:11

I no vontadi pa kada un di bos mostra mesmu interes te na fin, pa bo pudi yangasa kusas ku bo na pera.

1 Pedru 1:12

Deus mostra elis kuma, kusas ke na trata i ka pa elis, ma i pa bos. Kilis ku konta bos Bon Noba na puder di Spiritu Santu ku mandadu di seu, e konta bos ja e kusas — ki kusas ku anjus propi misti ntindi.

1 Pedru 1:3

No ngaba Deus, Pape di no Siñor Jesus Kristu. Pabia di si garandi pena, i fasi pa no padidu utru bias, pa no pudi ten speransa bibu, manera ki lantanda Jesus Kristu na metadi di mortus.

1 Pedru 5:3

I ka suma bo na manda riba di kilis ku ntregadu na bo mon, ma bo na sirbi pa isemplu di rebañu.

2 Pedru 1:10

Asin ermons, bo fasi forsa kada bias mas pa proba kuma na bardadi bo comadu, bo kujidu. Si bo fasi asin, nunka mas bo ka na kai.

2 Pedru 1:19

Asin no ten inda mas fiansa na palabra ku anunsiaduris fala. I bon pa bo pui sintidu nel, pabia i suma lus ku na numia na kau sukuru, tok sol mansi, strela di parmaña parsi na bo korson.