1 Tesalonisensis 1:10 - BIBLIA - traduson antigu in Krioulo

¹⁰ tambi pa pera si Fiju ku na bin di seu, ku sedu Jesus, ku Deus lantanda di mortu, ku na libranu di raiba di Deus ku na bin.

1 Tesalonisensis 1:10 ပူးပေါင်းရင်းမြစ်များ

Kumsada 49:18

“SIÑOR, N na pera bu salbason.

Mateus 1:21

I na padi un fiju macu; bu na pul nomi di Jesus, pabia i na salba si pobu di se pekadu.”

Mateus 16:27

Fiju di omi na bin bin na gloria di si Pape, ku si anjus; i na paga kada kin konformi kusa ki fasi.

Mateus 16:28

Na bardadi N na konta bos kuma, utru di bos ku sta li ka na muri tok e oja Fiju di omi na bin na si renu.”

Mateus 3:7

Jon bin oja manga di jinti di partidus di fariseus ku saduseus na binba pa kau nunde ki na batisa. I fala elis: “Jorson di kobras, kin ku nsina bos kuri di kastigu ku na bin?

Lukas 2:25

I tenba un omi na Jerusalen ku comadu Simeon. Ki omi i ta yandaba diritu, i tenba garandi rispitu pa Deus; i na peraba konsolason di Israel. Spiritu Santu staba riba del,

Lukas 3:7

Multidon di jinti ta bai pa Jon batisa elis. I ta falaba elis: “Jorson di kobra! Kin ku nsina bos pa kuri di kastigu ku na bin?

Atus 1:11

e punta elis: “Omis di Galileia, pa ke ku bo sikidu, bo na jubi pa seu? E Jesus ku lebadu na bo metadi pa seu i ten ku bin suma manera ku bo ojal i na bai pa seu.”

Atus 17:31

pabia i marka un dia ki na bin julga mundu ku justisa, na mon di un omi ki distina pa i fasil. I da tudu jinti sertesa di kuma i na sedu, oca i lantanda ki omi na metadi di mortus.”

Atus 2:24

ma Deus lantandal, i libertal di agunia di mortu, pabia mortu ka pudiba tenel prezu.

Atus 2:32

“E Jesus ku no na fala del, Deus lantandal di mortu. Anos tudu i tustumuñas de kusa.

Atus 3:15

Bo mata Dunu di vida, ma Deus lantandal di mortu. Anos no sedu tustumuñas de kusa.

Atus 3:21

Ma i ten ku fika na seu te ora ku tempu ciga ku Deus na arnoba tudu kusa, suma ki fala disna na boka di si santu anunsiaduris.

Atus 4:10

i bon pa bo sibi, abos tudu ku tudu pobu di Israel, kuma e omi sta sikidu, san bo dianti, na nomi di Jesus Kristu di Nazaré, kil ku bo krusifika, ku Deus lantanda di mortu.

Romanus 1:4

ma na ladu di Spiritu di santidadi, manera ki lanta di mortu, i mostradu ku puder kuma el i Fiju di Deus.

Romanus 2:7

I na da vida ku ka ta kaba pa kilis ku kontinua na fasi ben, e buska gloria ku rispitu, ku vida ku ka na dana,

Romanus 4:25

I ntregadu pa i pudi muri pabia di no pekadu; i lantandadu pa no pudi sedu justu.

Romanus 8:34

Kin ku na kondena elis? Kristu Jesus, el ku muri, o minjor, el ku lantandadu na metadi di mortus, el ku sta na mon direita di Deus; tambi i na roga pa nos.

1 Koríntius 1:7

Asin bo ka falta nin un puder spiritual nkuantu bo na pera pa no Siñor Jesus Kristu bin.

Gálatas 3:13

Suma ku Kristu bida maldison pa nos, i kaplintinu di maldison ku lei tisi, pabia i sta skritu kuma, tudu kil ku pindradu na krus di madera i maldisuadu.

Filipensis 3:20

Ma anos, no prasa i na seu; di la ku no na pera Salbadur, Siñor Jesus Kristu, ku na bin

Kolosensis 1:18

Tambi el i kabesa di kurpu, ku sedu igreẑa; i fonti di vida. El i purmeru ku lantandadu di mortu, pa el son i pudi ten purmeru lugar riba di tudu kusa.

1 Tesalonisensis 1:7

Asin bo bin sedu isemplu pa tudu krentis na Masedonia ku Akaia.

1 Tesalonisensis 2:16

E ta misti tujinu konta jintius palabra ku pudi salba elis. Tudu e tempu e na kompletaba midida di se pekadu, ma gosi raiba di Deus kai ja riba delis.

1 Tesalonisensis 2:7

Ocanuba ku bos, no sedu di pasensa, suma mame ku na kria si fiju ku mimu.

1 Tesalonisensis 5:9

Deus ka kujinu pa si raiba sta riba di nos, ma pa no yangasa salbason pa meiu di no Siñor Jesus Kristu,

2 Timótiu 4:1

Dianti di Deus, ku Kristu Jesus ku ten ku julga bibus ku mortus, pabia i ten ku bin pa rena, N mandau

Titu 2:13

kontra no na pera ki dia alegri ku no pui no speransa nel, ku gloria di no garandi Deus Salbadur, Jesus Kristu, na parsi.

Ebreus 10:27

ma son pa no pera, ku garandi medu, julgamentu ku fugu meduñu ku na kaba ku kilis ku sta kontra Deus.

Ebreus 9:28

Asin tambi Kristu da si vida un bias pa tira pekadu di manga di jinti. I na parsi sugundu bias; i ka pa trata di pekadu, ma pa salba kilis ku na peral.

1 Pedru 1:21

I pabia del ku bo fia na Deus ku lantandal na metadi di mortus, i dal gloria, pa bo fe ku bo speransa pudi sta na Deus.

1 Pedru 1:3

No ngaba Deus, Pape di no Siñor Jesus Kristu. Pabia di si garandi pena, i fasi pa no padidu utru bias, pa no pudi ten speransa bibu, manera ki lantanda Jesus Kristu na metadi di mortus.

1 Pedru 2:21

I es propi ku Deus coma bos pa el, pabia tambi Kristu sufri pa bos, i disa bos isemplu pa bo yanda na si pe.

1 Pedru 3:18

Kristu tambi i muri un bias son pa pekadu; el ku sedu justu muri pa kilis ku ka sedu justu, pa lebanu pa Deus. El i matadu na kurpu, i dadu vida na spiritu.

2 Pedru 3:12

ora ku bo na pera Dia di Deus. Bo ba ta fasi forsa pa ki dia ciga dipresa, ku seus na kema, e na pajiga; strelas na yardi, e na ribi.

2 Pedru 3:14

Asin, ña kiridu ermons, suma ku bo na pera e kusa, bo fasi mpeñu pa bo ojadu sin manca, sin kulpa, ku pas si dianti.

Apokalipsi 1:18

Ami i kil ku bibu; N muriba ma alin li bibu pa tudu sempri. N tene cabi di mortu ku lugar di mortus.

Apokalipsi 1:7

Bo jubi, i na bin ku nuvens. Tudu jinti na ojal, te kilis ku furalba kurpu. Tudu rasas na mundu na cora riba del. Asin ki na sedu. Amen.