1 Tesalonisensis 1:1 - BIBLIA - traduson antigu in Krioulo

¹ Ami Paulu, ku Silvanu ku Timótiu, no na skirbi pa igreẑa ku sta na Tesalónika, ku sedu di Deus no Pape ku Siñor Jesus Kristu. N misti pa bo ten fabur ku pas.

1 Tesalonisensis 1:1 ပူးပေါင်းရင်းမြစ်များ

Atus 15:22

Apostolus ku garandis ku tudu igreẑa e oja kuma i bon pa kuji omis na se metadi pa manda pa Antiokia ku Paulu ku Barnabé. E kuji Judas comadu Barsabás, ku Silas, omis di rispitu na metadi di ermons,

Atus 15:27

Asin no na manda Judas ku Silas, ku na konta bos klaru ku boka kil ku no skirbi.

Atus 15:40

Paulu kuji Silas, i bai. Ermons ntregal na fabur di Siñor.

Atus 16:19

Oca si mestres oja kuma e pirdi speransa di ngaña diñeru, e prindi Paulu ku Silas, e rasta elis te na metadi di prasa dianti di otridadis.

Atus 16:25

Pertu di me-noti, Paulu ku Silas na oraba, e na kanta kantiga pa Deus. Utru prezus na sukutaba elis.

Atus 16:29

Guarda pidi pa tisi lus, i salta pa dentru di kalabus, i na tirmi, i kai dianti di Paulu ku Silas.

Atus 17:11

Esis e seduba mas abertu di ki kilis di Tesalónika, pabia e risibi palabra ku vontadi, e ta rabista Skritura kada dia pa jubi si e kusa ke na obi i bardadi.

Atus 18:5

Oca ku Silas ku Timótiu ciga di Masedonia, Paulu pui tudu si tempu pa konta palabra, i diklara judeus kuma Jesus i Kristu.

Atus 19:22

I manda dus di si judaduris, Timótiu ku Erastu, pa Masedonia. El i tarda un bokadu na Asia.

Atus 20:4

Kilis ku kumpañal te na Asia seduba Sópater di Bereia, fiju di Pira, Aristarku ku Segundu di Tesalónika, Gaiu di Derbi, Tíkiku ku Trófimu di Asia, ku Timótiu.

Romanus 1:7

N skirbi pa bos tudu ku sta na Roma, ku Deus ama, i coma si pobu. N misti pa Deus no Pape, ku Siñor Jesus Kristu, da bos fabur ku pas.

1 Koríntius 1:2

N skirbi e karta pa igreẑa di Deus ku sta na Korintu, pa kilis ku santifikadu na Kristu Jesus, ku comadu pa sedu pobu di Deus. N na skirbi tambi pa tudu kilis ku na tudu lugar coma nomi di no Siñor Jesus Kristu; i se Siñor, i di nos tambi.

2 Koríntius 1:1

Ami Paulu, apostolu di Kristu Jesus pa vontadi di Deus, ku no ermon Timótiu, no na skirbi pa igreẑa di Deus ku sta na Korintu, ku tudu pobu di Deus ku sta na tudu Akaia.

2 Koríntius 1:19

Fiju di Deus, Jesus Kristu, ku ami ku Timótiu ku Silvanu no konta bos del, i ka jagasi Sin ku Nau, ma el i son Sin.

Gálatas 1:2

Ami ku tudu ermons ku sta ku mi no na skirbi pa igreẑas di Galásia.

Gálatas 1:22

Krentis di igreẑas di Kristu na Judeia e ka kunsiba ña rostu.

Efésius 1:2

N misti pa Deus no Pape ku Siñor Jesus Kristu da bos fabur ku pas.

Filipensis 1:1

Anos, Paulu ku Timótiu, servus di Kristu Jesus, no na skirbi pa tudu pobu di Deus na Fílipus ku sta ligadu ku Kristu Jesus, tudu ku se garandis ku diákunus.

Kolosensis 1:1

Ami Paulu, apostolu di Kristu Jesus na vontadi di Deus, ku ermon Timótiu,

2 Tesalonisensis 1:1

Ami Paulu, ku Silvanu ku Timótiu, no na skirbi pa jinti di igreẑa di Tesalónika, ku sedu di Deus no Pape ku Siñor Jesus Kristu.

1 Timótiu 1:2

N misti pa Deus no Pape ku Kristu Jesus no Siñor dau fabur, miserikordia ku pas.

2 Timótiu 1:2

N na skirbi pa Timótiu, ña fiju ku N ama. N misti pa Deus no Pape ku Kristu Jesus no Siñor dau fabur, miserikordia ku pas.

Ebreus 13:23

N misti pa bo sibi kuma no ermon Timótiu i largadu ja. Si i ciga sedu, N na bai ku el ora ku N na bai visita bos.

1 Pedru 5:12

N skirbi bos e kartasiñu ku ajuda di Silvanu, no ermon ku N oja fiel, pa konsija bos, pa testifika kuma, grasa di Deus i di bardadi. Bo kontinua nel firmi.

1 Jon 1:3

Kil ku no obi, ku no oja, el ku no na konta bos, pa bo pudi junta ku nos na no ligason ku no Pape, ku si Fiju Jesus Kristu.

Judas 1:1

Ami Judas, servu di Jesus Kristu, ermon di Tiagu, N na skirbi pa kilis ku Deus coma, ku vivi na amor di Deus no Pape, ku Jesus Kristu ta guarda suguru.