1 Samuel 9:9 - BIBLIA - traduson antigu in Krioulo

⁹ (Na tempu antigu, na Israel, si algin bai konsulta Deus, i ta fala: “Bin no bai pa videnti,” pabia kil ku ta comadu anunsiadur gosi i ta comaduba videnti.)

1 Samuel 9:9 ပူးပေါင်းရင်းမြစ်များ

Kumsada 25:22

Fijus na bulbuliba dentru di si bariga. I punta: “Ke ku manda N sta asin?” I bai punta SIÑOR.

2 Samuel 24:11

SIÑOR bin papia ku anunsiadur Gad, videnti di Davi, i mandal pa i fala Davi kuma SIÑOR fala: “N na pui tris kusa bu dianti; kuji un son delis pa N fasiu el.” Davi lanta parmaña sedu.

2 Reis 17:13

SIÑOR avisa Israel ku Judá na boka di tudu si anunsiaduris ku videntis, i fala: “Bo konverti di bo mau kamiñus, bo obdisi ña mandamentus ku ordis, konformi tudu lei ku N manda bo papes, ku N ntrega bos na mon di ña servus anunsiaduris.”

1 Kronikas 21:9

SIÑOR papia ku Gad, anunsiadur di Deus na sirvis di Davi, i falal:

1 Kronikas 26:28

Tudu ku anunsiadur Samuel dedika, ku Saul, fiju di Kis, ku Abner, fiju di Ner, ku Joab, fiju di Zeruia, es tudu staba guardadu na mon di Selomit ku si parentis.

1 Kronikas 29:29

Tudu ku pasa na vida di rei Davi, disna di kumsada te na kabantada, i sta skritu na librus di Storia di anunsiaduris Samuel, Natan ku Gad.

1 Kronikas 9:22

Na tudu, 212 omi kujidu pa sedu guardas di entradas. E reẑistadu konformi se tabankas. Davi ku anunsiadur Samuel, elis ku kumsa kuji jinti pa e kargu di guarda.

2 Kronikas 16:10

Asa paña raiba kontra ki anunsiadur, i manda fical na kalabus, ku pe na tronku, pabia i fika abursidu ku ki palabra. Na ki mesmu tempu i kalka utru jinti ku duresa.

2 Kronikas 16:7

Na ki mesmu tempu, anunsiadur Anani bin pa Asa, rei di Judá, i falal: “Manera ku bu fiansa na rei di Siria, bu ka fiansa na SIÑOR bu Deus, tropas di rei di Siria kapliu.

Isaias 29:10

SIÑOR darma spiritu di sonu fundu riba di bos, i tapa bo ujus abos anunsiaduris; i kubri bo kabesa, abos videntis.

Isaias 30:10

ku ta fala videntis: “Ka bo oja mas vison;” e fala anunsiaduris: “Ka bo anunsianu kusas ki diritu; bo kontanu son kil ku no gosta del, bo anunsia konformi no imaẑinason.

Amos 7:12

Dipus, Amazias fala Amos: “Bai, videnti! Bai kinti-kinti pa tera di Judá; bu pudi kume la, bu anunsia la,

1 Koríntius 12:17

Si kurpu tudu sedu son uju, kuma ku algin pudi obi? Si tudu seduba oreja, kuma ku algin pudi sinti ceru?

Ŝefis 1:1

Dipus di mortu di Josué, pobu di Israel punta SIÑOR kal jorson ku na sedu purmeru pa bai geria kontra kananeus.

Ŝefis 18:5

E falal: “Ten pasensa, punta Deus pa no pudi sibi si no bias na bai diritu.”

1 Samuel 9:10

Saul fala kriadu: “I sta bon; no bai.” Asin e bai pa prasa nunde ku omi di Deus staba.