1 Samuel 9:16 - BIBLIA - traduson antigu in Krioulo

¹⁶ “Amaña ne ora N na mandau un omi di tera di Benjamin; bu na unjil pa i sedu ŝef riba di ña pobu Israel. El i na libra ña pobu na mon di filisteus. Ña uju sta abertu pa ña pobu, pabia se fála ciga na ña oreja.”

1 Samuel 9:16 ပူးပေါင်းရင်းမြစ်များ

2 Samuel 3:18

Gosi bo pudi fasil, pabia es i palabra ku SIÑOR fala Davi: ‘Pa mon di ña servu Davi N na liberta ña pobu Israel na mon di filisteus, ku di tudu se inimigus.’ ”

2 Reis 20:5

“Riba, bu fala Ezekias, ŝef di ña pobu, kuma SIÑOR, Deus di si pape Davi, i falal: ‘N obi bu orason, N oja bu larmas. N na kurau; na terseru dia bu na bai pa kasa di SIÑOR.

Salmus 102:1

SIÑOR, obi ña orason; disa ña vos pa i ciga na bo.

Salmus 106:44

Ma Deus obi se gritus, i para sintidu na se foronta.

Salmus 25:18

Jubi pa ña fadiga ku sufrimentu, bu purda tudu ña pekadus.

Ditus 16:9

Omi pudi fasi planus pa si vida, ma i SIÑOR ku ta gia si pasus.

Jeremias 32:8

Asin, suma ku SIÑOR fala, Anameel, fiju di ña tiu, i bin pa mi na kintal di guarda, i falan: “Kumpra ña yardansa ku sta na Anatot na tera di Benjamin, pabia abo i parenti mas pertu, bu ten diritu di kumpral. Bu pudi kumpral pa bo.” Asin N ntindi kuma es i seduba palabra di SIÑOR,

1 Samuel 10:1

Samuel toma un jaru di azeiti, i darmal riba di kabesa di Saul, i beẑal, i falal: “SIÑOR unjiu pa bu sedu rei di si pobu Israel. Bu na rena riba di pobu di SIÑOR, bu na salba elis di puder di se inimigus na roda. Es na sedu sinal pa bo kuma SIÑOR unjiu pa bu sedu rei di si yardansa:

1 Samuel 14:20

Dipus i junta tudu si tropas; e bai pa gera, e oja kuma filisteus na mata ŋutru ku spada; kunfuson ciu ba tok i pasa.

1 Samuel 14:23

Asin SIÑOR libra Israel na ki dia. Gera kontinua tok i pasa Bet-Aven.

1 Samuel 15:1

Samuel fala Saul: “I ami ku SIÑOR manda pa unjiu rei riba di si pobu Israel. Gosi, sukuta rekadu di SIÑOR.

1 Samuel 16:1

SIÑOR punta Samuel: “Te kal tempu ku bu na sinti dur di Saul suma ku N negal pa ka i rena riba di Israel? Inci bu cifri azeiti, bu pega kamiñu. N na mandau pa Jesé di Belen, pabia N kuji un di si fijus pa i sedu rei.”

1 Samuel 16:3

Bu na kumbida Jesé pa sakrifisiu; N na kontau ke ku bu na fasi; bu na unjin kil ku N mostrau.”