1 Samuel 8:11 - BIBLIA - traduson antigu in Krioulo

¹¹ i fala: “Es i na sedu kustumu di rei ku na rena riba di bos: i na toma bo fijus pa e tarbaja ku si karus, pa ba ta monta si kabalus, pa ba ta kuri dianti di si karus;

1 Samuel 8:11 ပူးပေါင်းရင်းမြစ်များ

2 Samuel 15:1

Mas tardi Absalon bin ranja karus ku kabalus, ku sinkuenta omi pa kuri si dianti.

1 Reis 1:5

Adonias, fiju ku Davi padi ku Ajit, i lanta i fala: “I ami ku na sedu rei.” I purpara karus ku kabalus ku sinkuenta omi pa kuri si dianti.

1 Reis 10:26

Salomon junta karus ku kabalus, tok i teneba mil i kuatrusentus karu ku dozi mil kabalu. I leba elis pa prasas di karu, ma utrus fika ku rei na Jerusalen.

1 Reis 12:10

Ki rapasis si kolegas falal: “Si bu na ruspundi ki pobu ku falau kuma bu pape pui elis kargu pisadu dimas, ma pa bu rapati ki kargu, bu ta fala elis: ‘Ña dedu pikininu i mas gros di ki rabada di ña pape!

1 Reis 12:4

“Bu pape kastiganu ku kargu pisadu. Gosi ja, bu ta rapati ki tarbaju kansadu ku ki kargu pisadu ku bu pape pui riba di nos. Asin no ta sirbiu.”

1 Reis 14:27

Na se konta rei Reoboan kumpu tajaderas di kobri, i ntrega elis na mon di kapitons di guarda ku staba sempri na porton di kasa di rei.

1 Reis 18:46

Puder di SIÑOR bin riba di Elias, i mara panu, i kuri dianti di Akab te na entrada di Jizreel.

1 Samuel 10:25

Samuel splika pobu leis di renu, i skirbi elis na un libru, i pul dianti di SIÑOR. Dipus i dispidi jinti, kada kin pa si kasa.

1 Samuel 14:52

I tenba gera forti kontra filisteus duranti tudu vida di Saul. Asin, si i oja un omi koraẑosu, forti, i ta rekrutal pa si tropas.

1 Samuel 22:7

Saul fala tudu si ŝefis: “Bo sukutan, abos omis di Benjamin! Nta fiju di Jesé na da bos lugaris ku ortas di uva? I na fasi bos tudu pa bo sedu ŝefis di milyaris ku ŝefis di sentenas?

1 Samuel 8:9

Obi ke ke falau, ma bu na avisa elis risu, bu konta elis kal ku na sedu kustumu di rei ku na rena riba delis.”